അന്ധവിശ്വാസങ്ങളുടെ പേരിൽ നടക്കുന്ന പല ക്രൂരതകളും ഞെട്ടിപ്പിക്കുന്നതാകുന്നു. 'ഹൈക്കു കവിതയിലപ്പടി പുരോഗമനം നിറച്ച നരബലിക്കാരനും അവൻ്റെ ഭാര്യ തല മുറിച്ച ലൈലയും വിശ്വസിച്ച, പ്രവർത്തിച്ച പ്രസ്ഥാനം അന്തസ്സുള്ളതാണെങ്കിൽ ആ അന്തസ്സിൽ എനിക്ക് വിശ്വാസമില്ലച്ചോ!! അന്തസ്സിൻ്റെ പട്ടിക അനന്തമായി നീളുന്നതിനാൽ ഇനിയും എഴുതാനുള്ള ത്രാണിയും കെല്പ്പും എനിക്കില്ല എൻ്റച്ചോ..' എന്ന് കുറിക്കുകയാണ് അഞ്ജു പാർവതി പ്രഭീഷ്.

ഫേസ്ബുക്ക് കുറിപ്പ് ഇങ്ങനെ;

വാളയാറിൽ തൂങ്ങി നിന്ന പിഞ്ചോമനകളുടെ ഘാതകർ വിശ്വസിച്ച, പ്രവർത്തിച്ച പ്രസ്ഥാനം അന്തസ്സുള്ളതാണെങ്കിൽ ആ അന്തസ്സിൽ എനിക്ക് വിശ്വാസമില്ലച്ചോ!! പിഞ്ചുമേനിയിൽ കാമം തീർത്ത് ഉത്തരത്തിൽ തൂക്കിയിട്ട വാളയാറിലെ ഘാതകന്മാർക്ക് രാഷ്ട്രീയം നോക്കി കുട പിടിച്ചത് അന്തസ്സാണെങ്കിൽ ആ അന്തസ്സിൽ എനിക്ക് വിശ്വാസമില്ലച്ചോ!!

വണ്ടിപ്പെരിയാറിൽ പിഞ്ചു കുഞ്ഞിനെ നിരന്തരമായി പീഡിപ്പിച്ച് ഒടുക്കം കെട്ടിത്തൂക്കിയ ഘാതകൻ വിശ്വസിച്ച, പ്രവർത്തിച്ച പ്രസ്ഥാനം അന്തസ്സുള്ളതാണെങ്കിൽ ആ അന്തസ്സിൽ എനിക്ക് വിശ്വാസമില്ലച്ചോ !! അരിമണി പോലെ കൂട്ടിവച്ച സമ്പാദ്യം പെറുക്കി ചെങ്കൊടി പ്രസ്ഥാനം കയ്യാളുന്ന സഹകരണ ബാങ്കിലിട്ട് ഒടുക്കം സർവ്വതും നഷ്ടപ്പെട്ട് കരയുന്ന പാവങ്ങൾ നാടിൻ്റെ അന്തസ്സാണെങ്കിൽ ആ അന്തസ്സിൽ എനിക്ക് വിശ്വാസമില്ലച്ചോ!! പാർട്ടി ആപ്പീസിൽ വച്ച് പീഡിപ്പിച്ചുവെന്ന പരാതിയിൽ MLA യുടെ പീഡനത്തിൻ്റെ തീവ്രത നോക്കി നടപടി എടുക്കുന്നത് അന്തസ്സാണെങ്കിൽ ആ അന്തസ്സിൽ എനിക്ക് വിശ്വാസമില്ലച്ചോ!! എതിർശബ്ദമുയർത്തിയ സ്വന്തം പാർട്ടിക്കാരനെ 51 വെട്ട് കൊണ്ട് നിശബ്ദനാക്കി, എന്നിട്ടും കലിയടങ്ങാതെ അദ്ദേഹത്തിൻ്റെ വിധവയെ സദാ പുലയാട്ടു പറയുന്നത് അന്തസ്സാണെങ്കിൽ ആ അന്തസ്സിൽ എനിക്ക് വിശ്വാസമില്ലച്ചോ!!

പാർട്ടി പ്രതിസന്ധിയിലാകുന്ന വേളയിൽ ഓരോ രക്തസാക്ഷിയെ സൃഷ്ടിച്ച് വിവാദങ്ങളിൽ നിന്നും തലയൂരാൻ നോക്കുന്നത് അന്തസ്സാണെങ്കിൽ ആ അന്തസ്സിൽ എനിക്ക് വിശ്വാസമില്ലച്ചോ! രക്തസാക്ഷികളുടെ പേരിൽ ബക്കറ്റ് പിരിവ് നടത്തി എന്നിട്ടതിൽ മുക്കാലും അടിച്ചു മാറ്റി ലോൽ സലാം വിളിക്കുന്നത് അന്തസ്സാണെങ്കിൽ ആ അന്തസ്സിൽ എനിക്ക് വിശ്വാസമില്ലച്ചോ!! സ്വന്തമായി കോടതിയും പോലീസ് സ്റ്റേഷനും ലോക്കപ്പും ഉള്ളതിനാൽ പാർട്ടി നീതിയും നിയമവും നടപ്പാക്കുന്നത് അന്തസ്സാണെങ്കിൽ ആ അന്തസ്സിൽ എനിക്ക് വിശ്വാസമില്ലച്ചോ!! സ്വർണ്ണക്കടത്ത്, കള്ളക്കടത്ത്, ലഹരി മാഫിയ തുടങ്ങി കുളിമുറികളിലെ ഒളിഞ്ഞുനോട്ടത്തിൽ വരെ DYFI ലോക്കൽ സെക്രട്ടറി മുതൽ അണികൾ വരെ പങ്കാളിയാവുന്നത് അന്തസ്സാണെങ്കിൽ ആ അന്തസ്സിൽ എനിക്ക് വിശ്വാസമില്ലച്ചോ!!

ഇന്ത്യയിലെ ഏറ്റവും പ്രായം കുറഞ്ഞ മേയർ ഏറ്റവും വലിയ അഴിമതിക്കാരിയായി അഭിരമിക്കുന്നത് അന്തസ്സാണെങ്കിൽ ആ അന്തസ്സിൽ എനിക്ക് വിശ്വാസമില്ലച്ചോ!! വികസനമെന്ന പേരിൽ വിദേശപര്യടനത്തിന് കുടുംബസമേതം സർക്കാർ ചെലവിൽ ടൂർ പോകുന്നത് അന്തസ്സാണെങ്കിൽ ആ അന്തസ്സിൽ എനിക്ക് വിശ്വാസമില്ലച്ചോ! മറ്റൊരാളുടെ കവിത അടിച്ചുമാറ്റി ചില്ലറ തിരുത്തൽ നടത്തി എ കെ പിസി ടി എയുടെ സര്‍വ്വീസ് മാഗസിനില്‍ സ്വന്തം പേരിൽ പ്രസിദ്ധീകരിക്കുന്നത് അന്തസ്സാണെങ്കിൽ ആ അന്തസ്സിൽ എനിക്ക് വിശ്വാസമില്ലച്ചോ!

കവിതാമോഷണത്തിന് കയ്യോടെ പിടിച്ചപ്പോൾ ആദ്യം കള്ളം പറഞ്ഞ് പിടിച്ചു നിന്നിട്ട് പിന്നീട് യഥാർത്ഥ കവിയോട് മാപ്പപേക്ഷിക്കുന്നത് അന്തസ്സാണെങ്കിൽ ആ അന്തസ്സിൽ എനിക്ക് വിശ്വാസമില്ലച്ചോ! ഹൈക്കു കവിതയിലപ്പടി പുരോഗമനം നിറച്ച നരബലിക്കാരനും അവൻ്റെ ഭാര്യ തല മുറിച്ച ലൈലയും വിശ്വസിച്ച, പ്രവർത്തിച്ച പ്രസ്ഥാനം അന്തസ്സുള്ളതാണെങ്കിൽ ആ അന്തസ്സിൽ എനിക്ക് വിശ്വാസമില്ലച്ചോ!! അന്തസ്സിൻ്റെ പട്ടിക അനന്തമായി നീളുന്നതിനാൽ ഇനിയും എഴുതാനുള്ള ത്രാണിയും കെല്പ്പും എനിക്കില്ല എൻ്റച്ചോ!