പീഡന പരാതിക്ക് പിന്നാലെ ഒളിവിൽ...! മൂന്നു ദിവസമായി പൊതുപരിപാടികളിൽ നിന്ന് വിട്ടുനിൽക്കുന്നു, എല്ദോസ് കുന്നപ്പിള്ളില് എംഎല്എക്കെതിരെ കൂടുതല് വകുപ്പുകള് ചുമത്തി പോലീസ് ഇന്ന് കോടതിയില് റിപ്പോര്ട്ട് സമര്പ്പിക്കും,എംഎല്എയുടെ മുൻകൂർ ജാമ്യാപേക്ഷ കോടതി ശനിയാഴ്ച വാദം കേൾക്കും
പീഡന പരാതിയില് അന്വേഷണം നേരിടുന്ന എല്ദോസ് കുന്നപ്പിള്ളില് എംഎല്എ ഒളിവില്. മൂന്നു ദിവസമായി എംഎൽഎ പൊതുപരിപാടികളിൽ നിന്ന് വിട്ടുനിൽക്കുകയാണ്. യുവതിയുടെ പരാതിയിൽ കേസെടുത്തതോടെ ആണ് എംഎല്എ ഒളിവിൽ പോയത്. അറസ്റ്റ് ചെയ്യാനുള്ള പോലീസ് നീക്കവും തുടങ്ങിയിട്ടുണ്ട്.
എംഎൽഎ ഓഫീസും രണ്ടു ദിവസമായി തുറന്നിട്ടില്ല. എംഎൽഎയും ഓഫീസ് ജീവനക്കാരും ഫോൺകോളുകളും എടുക്കുന്നില്ല. സംഭവത്തില് എല്ദോസ് കുന്നപ്പിള്ളിക്കെതിരെ കൂടുതല് വകുപ്പുകള് ചുമത്തി പോലീസ് ഇന്ന് കോടതിയില് റിപ്പോര്ട്ട് സമര്പ്പിക്കും. എംഎൽഎ കോടതിയിൽ സമർപ്പിച്ച മുൻകൂർ ജാമ്യാപേക്ഷ കോടതി ശനിയാഴ്ച വാദം കേൾക്കും. ജില്ലാ കോടതിയിലാണ് മുൻകൂർ ജാമ്യത്തിന് അപേക്ഷ ഫയൽ ചെയ്തത്. ഹർജി അഡി.സെഷൻസ് കോടതിക്ക് വാദം കേൾക്കാൻ കൈമാറി.
എന്നാൽ പരാതിക്കാരി എല്ദോസിന്റെ ഫോണ് മോഷ്ടിച്ചെന്നാണ് എംഎല്എയുടെ ഭാര്യയുടെ പരാതിയുടെ പോലീസ് ഇന്ന് ഇവരില് നിന്ന് മൊഴി രേഖപ്പെടുത്തും. ഈ ഫോണ് ഉപയോഗിച്ച് എംഎല്എയ്ക്കെതിരെ അപകീര്ത്തികരമായ വിവരങ്ങള് സമൂഹ മാധ്യങ്ങളിലൂടെ പോസ്റ്റ് ചെയ്യുന്നുവെന്നും പരാതിയിലുണ്ട്. യുവതിയെ തട്ടിക്കൊണ്ടു പോയി കയ്യേറ്റം ചെയ്തെന്നാണ് നിലവില് എല്ദോസിനെതിരെയുള്ള കേസ്.
https://www.facebook.com/Malayalivartha
