ഭാരത് ജോഡോ യാത്രയ്ക്കിടെ കോൺഗ്രസ് പ്രവർത്തകർക്ക് ഷോക്കേറ്റു....നാലു പ്രവർത്തകർക്കാണ് വൈദ്യുതാഘാതമേറ്റത്..മാധ്യമസംഘം സഞ്ചരിച്ച വാഹനത്തിനൊപ്പം സഞ്ചരിച്ച ലോറിയിലെ പ്രവർത്തകർക്കാണ് ഷോക്കേറ്റത്... ഇവരുടെ കൈയിൽ ഉണ്ടായിരുന്ന കമ്പി വൈദ്യുതി കമ്പിയൽ തട്ടി ഷോക്കേൽക്കുകയായിരുന്നു...കുടുംബങ്ങൾക്ക് ഒരു ലക്ഷം രൂപ അടിയന്തര ധനസഹായം പ്രഖ്യാപിച്ച് കോൺഗ്രസ്...
ബെല്ലാരി ടൗണിലൂടെ ജോഡോ യാത്ര കടന്നുപോകുന്നതിനിടെയാണ് അപകടമുണ്ടായത്.നാല് കോൺഗ്രസ് പ്രവർത്തകർക്കാണ് ഷോക്കേറ്റത്. രാഹുൽ ഗാന്ധിയും മറ്റുനേതാക്കളും നടന്നു പോകുമ്പോൾ അതിന്റെ മുന്നിലായി കോൺഗ്രസിന്റെ ഒരു മാധ്യമസംഘം സഞ്ചരിക്കുന്ന വാഹനമുണ്ട്. അതിനോടൊപ്പം സഞ്ചരിച്ച മറ്റൊരു ലോറിയിലെ പ്രവർത്തകർക്കാണ് ഷോക്കേറ്റത്. ഇവരുടെ കൈയിൽ ഉണ്ടായിരുന്ന കമ്പി വൈദ്യുതി കമ്പിയൽ തട്ടി ഷോക്കേൽക്കുകയായിരുന്നു.
തുടർന്ന് ഷോക്കേറ്റവരിൽ ഒരാൾ വാഹനത്തിൽ നിന്ന് താഴോട്ടുവീഴുകയുമായിരുന്നു. ഉടൻ തന്നെ കോൺഗ്രസ് പ്രവർത്തകരെ ഇവരെ സമീപത്തെ ആശുപത്രിയിലേക്ക് മാറ്റി. നാലുപേരുടെ ആരോഗ്യനില തൃപ്തികരമാണെന്നും ഇവരുടെ കുടുംബങ്ങൾക്ക് ഒരു ലക്ഷം രൂപ അടിയന്തരധനസഹായം നൽകുമെന്നും കോൺഗ്രസ് നേതാക്കൾ അറിയിച്ചു.
https://www.facebook.com/Malayalivartha