ചക്രവാതചുഴി .... കേരളത്തില് ഇന്ന് വ്യാപക മഴയ്ക്ക് സാധ്യത..... പത്ത് ജില്ലകളില് യെല്ലോ അലര്ട്ട് പ്രഖ്യാപിച്ചു, ഇടിയോടുകൂടിയ മഴയ്ക്കും സാധ്യത
ചക്രവാതചുഴി .... കേരളത്തില് ഇന്ന് വ്യാപക മഴയ്ക്ക് സാധ്യത..... പത്ത് ജില്ലകളില് യെല്ലോ അലര്ട്ട് പ്രഖ്യാപിച്ചു, ഇടിയോടുകൂടിയ മഴയ്ക്കും സാധ്യത.
തെക്ക് കിഴക്കന് അറബിക്കടലില് കേരള തീരത്തിനു സമീപം രൂപപ്പെട്ട ചക്രവാതച്ചുഴിയും ബംഗാള് ഉള്ക്കടലില് അടുത്ത 48 മണിക്കൂറിനുള്ളില് ഉണ്ടാകാനിടയുള്ള ന്യൂനമര്ദവും കേരളത്തില് കനത്ത മഴയ്ക്കു കാരണമാകുമെന്ന് കാലാവസ്ഥാ നിരീക്ഷണ കേന്ദ്രത്തിന്റെ മുന്നറിയിപ്പ്.
വ്യാഴാഴ്ച വരെ സംസ്ഥാനത്ത് ഒറ്റപ്പെട്ട കനത്ത മഴയ്ക്ക് സാധ്യതയേറെയാണ്്. ഇതേത്തുടര്ന്ന് കോഴിക്കോട്, വയനാട്, കണ്ണൂര്, കാസര്ഗോഡ് ഒഴികെയുള്ള ജില്ലകളിലാണ് യെല്ലോ അലര്ട്ട് പ്രഖ്യാപിച്ചത്.
അതേസമയം തിരുവനന്തപുരത്ത് ശനി ഞായര് ദിവസങ്ങളില് മിക്ക സ്ഥലങ്ങളിലും കനത്ത മഴയായിരുന്നു. ശക്തമായ കാറ്റില് വൈദ്യുതി തകരാറിലായി. അപ്രതീക്ഷിതമായ മഴ ജനങ്ങളേറെ ബുദ്ധിമുട്ടിലായി.
അതേസമയം തെക്ക് കിഴക്കന് അറബികടലില് കേരള തീരത്തിനു സമീപമായി ചക്രവാതചുഴി നിലനില്ക്കുന്നുണ്ട്. നാളെയോടെ വടക്കന് ആന്ഡമാന് കടലിന് മുകളില് ചക്രവാതചുഴി രൂപപ്പെടും. ഇത് വ്യാഴാഴ്ചയോടെ ബംഗാള് ഉള്കടലില് എത്തിചേര്ന്നു ന്യുന മര്ദ്ദമായി ശക്തി പ്രാപിക്കാന് സാധ്യതയെന്ന് കാലാവസ്ഥാ നിരീക്ഷണ കേന്ദ്രത്തിന്റെ വിലയിരുത്തല്. അതിനാല് അടുത്ത ദിവസങ്ങളിലും മഴ തുടരാന് സാധ്യതയേറെയാണ് .
"
https://www.facebook.com/Malayalivartha
