കര്ഷകര്ക്ക് ആശ്വാസം.... സംസ്ഥാനത്ത് ഇന്ന് മുതല് നെല്ലുസംഭരണം പൂര്ണതോതിലേക്ക്....മന്ത്രി ജി ആര് അനില് നടത്തിയ ചര്ച്ചയെത്തുടര്ന്ന് മില്ലുടമകള് നിസ്സഹകരണം അവസാനിപ്പിച്ചു
കര്ഷകര്ക്ക് ആശ്വാസം.... സംസ്ഥാനത്ത് ഇന്ന് മുതല് നെല്ലുസംഭരണം പൂര്ണതോതിലേക്ക്....മന്ത്രി ജി ആര് അനില് നടത്തിയ ചര്ച്ചയെത്തുടര്ന്ന് മില്ലുടമകള് നിസ്സഹകരണം അവസാനിപ്പിച്ചു
വിട്ടുനിന്ന 54 മില്ലുകൂടി നെല്ല് സംഭരിക്കുന്നതോടെ കര്ഷകര്ക്ക് ആശ്വാസമായേക്കും. മൂന്നു മാസത്തിനുള്ളില് മില്ലുടമകളുടെ ആവശ്യങ്ങള് പരിഹരിക്കുമെന്ന് ഉറപ്പ് നല്കി മന്ത്രി. ഇതിന്റെ അടിസ്ഥാനത്തിലാണ് 2023 ജനുവരി 31 വരെ നെല്ല് സംഭരിക്കാന് റൈസ് മില്ലേഴ്സ് അസോസിയേഷന് സപ്ലൈകോയുമായി കരാറുണ്ടാക്കും.
പ്രകൃതിക്ഷോഭത്തിലെ നഷ്ടപരിഹാരമായി 15 കോടി രൂപ വിതരണം ചെയ്യുക, നെല്ലിന്റെ ഔട്ട് ടേണ് (ഒരു ക്വിന്റല് നെല്ല് വേര്തിരിക്കുമ്പോള് പൊതുവിതരണ സംവിധാനത്തിലേക്ക് തിരികെ നല്കേണ്ട അരി) അനുപാതം 68ല് നിന്ന് 64.5 ശതമാനമാക്കുക, മില്ലുടമകള്ക്ക് സപ്ലൈകോ കൈകാര്യ ചെലവിനത്തില് നല്കുന്ന തുകയില് ജിഎസ്ടി ഒഴിവാക്കുക തുടങ്ങിയവ് മില്ലുടമകളുടെ ആവശ്യങ്ങളാണ്.
ഔട്ട് ടേണ് അനുപാതം 68 കിലോയായി പുനഃസ്ഥാപിച്ച ഹൈക്കോടതി ഉത്തരവിനെതിരെ നിയമനടപടി സ്വീകരിക്കുമെന്ന് മന്ത്രി ഉറപ്പ് നല്കി.
നഷ്ടപരിഹാരത്തുക ദുരന്തനിവാരണ അതോറിറ്റി ഫണ്ടില്നിന്ന് അനുവദിക്കുന്നത് പരിഗണിക്കാനായി സംസ്ഥാന എക്സിക്യൂട്ടീവ് കമ്മിറ്റി അടിയന്തരമായി വിളിച്ചുചേര്ക്കാനായി ചീഫ് സെക്രട്ടറിയോട് നിര്ദേശിച്ചു.
"
https://www.facebook.com/Malayalivartha
