ഗവര്ണര്ക്കെതിരെ പ്രത്യക്ഷ സമരത്തിനൊരുങ്ങി ഇടതുമുന്നണി.... ഇന്നും നാളെയുമായി സംസ്ഥാന വ്യാപകമായി പ്രതിഷേധ പ്രകടനങ്ങള് നടക്കും, സിപിഎം സംസ്ഥാന സെക്രട്ടറി എം വി ഗോവിന്ദന്റെ നേതൃത്വത്തിലാണ് തിരുവനന്തപുരം ജില്ലയിലെ പ്രതിഷേധ കൂട്ടായ്മ
ഗവര്ണര്ക്കെതിരെ പ്രത്യക്ഷ സമരത്തിനൊരുങ്ങി ഇടതുമുന്നണി.... ഇന്നും നാളെയുമായി സംസ്ഥാന വ്യാപകമായി പ്രതിഷേധ പ്രകടനങ്ങള് നടക്കും, സിപിഎം സംസ്ഥാന സെക്രട്ടറി എം വി ഗോവിന്ദന്റെ നേതൃത്വത്തിലാണ് തിരുവനന്തപുരം ജില്ലയിലെ പ്രതിഷേധ കൂട്ടായ്മ
വൈകുന്നേരം അഞ്ച് മണിക്ക് പാളയം രക്തസാക്ഷി മണ്ഡപത്തിന് സമീപം പ്രതിഷേധ പൊതുയോഗം നടക്കും. ഗവര്ണര്ക്കെതിരെ ഇനി തെരുവില് പ്രതിഷേധമെന്ന തീരുമാനത്തിലാണ് ഇടതുമുന്നണി. നവംബര് രണ്ട് മുതല് കണ്വെന്ഷനും 15 ന് രാജ്ഭവന് മുന്നില് മുഖ്യമന്ത്രി നയിക്കുന്ന ജനകീയ പ്രതിഷേധവും നേരത്തെ പ്രഖ്യാപിച്ചിരുന്നു.
ഇടത് യുവജന സംഘടനകളും അധ്യാപക സംഘടനകളും പ്രതിഷേധ രംഗത്തുണ്ട്. അതേസമയം, വൈസ് ചാന്സിലര്മാര്ക്കെതിരെ കര്ക്കശ നിലപാടുമായി ഗവര്ണര് ആരിഫ് മുഹമ്മദ്ഖാന് മുന്നോട്ട് പോകുമ്പോള് ഗവര്ണറുടെ ഹിന്ദുത്വ രാഷ്ട്രീയം ഉയര്ത്തി പ്രതിരോധം തീര്ക്കാനാണ് എല്ഡിഎഫ് ശ്രമിക്കുന്നത്.
സര്വകലാശാലകളില് ആര്എസ്എസ് അജണ്ട നടപ്പാക്കാന് ഗവര്ണര് ശ്രമിക്കുന്നുവെന്ന വാദത്തിന് ന്യൂനപക്ഷ വിഭാഗത്തിന്റെയാകെ പിന്തുണ കിട്ടുമെന്നാണ് സിപിഎമ്മിന്റെ കണക്കു കൂട്ടല്. കോണ്ഗ്രസ് നേതൃത്വത്തെ തള്ളി മുസ്ലീം ലീഗ് ഗവര്ണര്ക്കെതിരെ നിലപാട് സ്വീകരിക്കുന്നത് രാഷ്ട്രീയമായി ഗുണമുണ്ടാക്കുമെന്ന് സിപിഎം വിലയിരുത്തുന്നു.
പൗരത്വ വിഷയത്തില് തുടങ്ങിയ ശീതയുദ്ധമാണ് ഉന്നതവിദ്യാഭ്യാസ മേഖലയില് കടുത്ത അനിശ്ചിതത്വം ഉണ്ടാക്കി ഉടനെയൊന്നും പരിഹരിക്കാനാകാത്ത വിഷയമായി വളര്ന്ന് പന്തലിച്ചത്.മുഖ്യമന്ത്രിയുടെയും ഗവര്ണറുടെയും ഇന്നലത്തെ വാര്ത്താസമ്മേളനങ്ങളോടെ അനുരഞ്ജനമില്ലെന്ന സ്ഥിതിയില് കാര്യങ്ങളെത്തി. ഇനി സര്വശക്തിയുമെടുത്ത് നേര്ക്കുനേര് പോരാട്ടമാകും സംസ്ഥാനത്തുണ്ടാകുകയെന്ന് ഉറപ്പാണ്.
https://www.facebook.com/Malayalivartha
