സങ്കടം അടക്കാനാവാതെ നിലവിളിച്ച്..... ഒഴുക്കില്പ്പെട്ട യുവാവിനെ രക്ഷിക്കാന് ശ്രമിച്ചയാള് മുങ്ങി മരിച്ചു.... ശ്യാമിനായുള്ള അന്വേഷണം ഇന്ന് വീണ്ടും തുടങ്ങും
സങ്കടം അടക്കാനാവാതെ നിലവിളിച്ച്..... ഒഴുക്കില്പ്പെട്ട യുവാവിനെ രക്ഷിക്കാന് ശ്രമിച്ചയാള് മുങ്ങി മരിച്ചു.... ശ്യാമിനായുള്ള അന്വേഷണം ഇന്ന് വീണ്ടും തുടങ്ങും.
നെയ്യാറിന്റെ ഓലത്താന്നി പാതിരിശ്ശേരി കടവിലാണ് ഒഴുക്കില്പ്പെട്ട യുവാവിനെ രക്ഷിക്കാനായി ശ്രമിച്ചയാള് മുങ്ങി മരിച്ചത്. ഒഴുക്കില്പ്പെട്ട കോവളം ആഴാകുളം സ്വദേശി ശ്യാമിനെ രക്ഷിക്കാനായി ശ്രമിക്കുന്നതിനിടെയാണ് ഓലത്താന്നി മേലേതാഴംകാട് റോഡരികത്ത് വീട്ടില് വര്ക്ക് ഷോപ്പ് നടത്തുന്ന വിപിന് (35) മുങ്ങിമരിച്ചത്.
ശ്യാമിനായുള്ള തെരച്ചില് ഇന്നലെ എട്ടോടെ നിറുത്തിവച്ചു. ഇന്ന് രാവിലെ പുനഃരാരംഭിക്കുമെന്ന് പൊലീസ് . ഇന്നലെ വൈകിട്ട് അഞ്ചിനായിരുന്നു അപകടം നടന്നത്. ഓലത്താന്നിയിലെ വിപിന്റെ വര്ക്ക്ഷോപ്പില് വാഹനം നന്നാക്കുന്നത് സംബന്ധിച്ച് സംസാരിക്കാനാണ് സുഹൃത്തുക്കളായ ശ്യാം, നന്ദു, സുമന് എന്നിവരെത്തിയത്. ഇതിനിടെ ശ്യാം കടവില് കുളിക്കാനിറങ്ങി.
വിപിനും സുഹൃത്തുക്കളും വിലക്കിയെങ്കിലും അതവഗണിച്ച് ശ്യാം മറുകരയിലേയ്ക്ക് നീന്തുന്നതിനിടെയാണ് ഒഴുക്കില്പ്പെട്ടത്. തുടര്ന്ന് ശ്യാമിനെ രക്ഷിക്കാനായി വിപിന് വെള്ളത്തിലിറങ്ങി.ഒഴുക്കില്പ്പെട്ട ശ്യാമിനെ പിടി കിട്ടിയെങ്കിലും ശക്തമായ ഒഴുക്കില് ഇരുവരും മുങ്ങിത്താഴ്ന്നു. തുടര്ന്ന് സ്ഥലത്തെത്തിയ നെയ്യാറ്റിന്കര പൊലീസും ഫയര്ഫോഴ്സ് സ്കൂബി സംഘവും നടത്തിയ തെരച്ചിലില് രാത്രി 7.30ന് വിപിന്റെ മൃതദേഹം കണ്ടെത്തി. മൃതദേഹം നെയ്യാറ്റിന്കര ജനറല് ആശുപത്രി മോര്ച്ചറിയില്. വിപിന് രണ്ടു മക്കളുണ്ട്.
https://www.facebook.com/Malayalivartha
