കൊടുത്താൽ പണി കൊല്ലത്തും കിട്ടും. തരൂരിനെ ഒറ്റക്കാക്കിയ നേതാക്കൾ ഇപ്പോൾ ചേരിതിരിഞ്ഞ് പോര്.  സംസ്ഥാനത്തെ ഗവർണർ സർക്കാർ പോരിന് പിന്നാലെ യു ഡി എഫിൽ തമ്മിൽ തല്ല്. സംസ്ഥാനത്തെ സർവകലാശാലകളിലെ വി സിമാരുടെ രാജി ആവശ്യപ്പെട്ട ഗവർണർക്ക് പിന്തുണ നൽകിയ സംഭവവുമായി ബന്ധപെട്ടു യുഡിഎഫിനുള്ളിൽ ഭിന്നത ഉണ്ടയിരിക്കുന്നത്.

അതേസമയം വൈസ് ചാൻസിലർമാർ രാജിവയ്ക്കണമെന്ന ഗവർണറുടെ നടപടിയെ സ്വാഗതം ചെയ്യുമ്പോളും ഗവർണറുടെ കൈകളും ശുദ്ധമല്ലെന്ന് വിമർശനം ഉന്നയിച്ച് കെ.പി.സി.സി അധ്യക്ഷൻ കെ സുധാകരൻ രംഗത്ത് എത്തി.

അതേസമയം തന്നെ ഗവർണറെ അനുകൂലിച്ച് ചെന്നിത്തലയും സതീശനും രംഗത്ത് വരുകയും എതിർത്ത് കെ സി വേണുഗോപാലും ലീഗും, സുധാകരനും രംഗത്ത് വന്നതുമാണ് തർക്കത്തിന് കാരണമായത്. സംസ്ഥാനത്തെ സർവകലാശാലകളിലെ വി സിമാരുടേത് രാഷ്ട്രീയ നിയമനമാണ് എന്നത് തന്നെയാണ് യുഡിഎഫ് നിലപാട് എന്നും രമേശ് ചെന്നിത്തല പറഞ്ഞിട്ടുണ്ട്.