നെടുമ്പാശേരിയിൽ കാൽപാദങ്ങളിൽ ഒട്ടിച്ച് സ്വർണം കടത്താൻ ശ്രമിച്ച യുവാവിനെ പോലീസ് അറസ്റ്റ് ചെയ്യ്തു. സംഭവത്തിൽ മലപ്പുറം സ്വദേശി മുഹമ്മദ് ദിൽഷാദ് ആണ് അറസ്റ്റിലായത്. മാത്രമല്ല ഒന്നേമുക്കാൽ കിലോയോളം സ്വർണമാണ് ദിൽഷാദ് തന്റെ കാൽപാദങ്ങളിൽ കെട്ടിവെച്ചത്.

അതേസമയം ഷാർജയിൽ നിന്നുമാണ് ഇയാൾ നെടുമ്പാശേരിയിൽ എത്തിയത്. തുടർന്ന് ഇയാളുടെ കാൽപാദങ്ങൾക്ക് താഴെ ഒട്ടിച്ച നിലയിലായിരുന്നു സ്വർണം ഉണ്ടായിരുന്നത്. കൂടാതെ ദ്രാവക രൂപത്തിലാക്കിയ സ്വർണം കാൽപാദത്തിൽ കെട്ടിവെച്ച്, ശേഷം സോക്‌സും ഷൂസും ധരിച്ചു. പക്ഷേ ദിൽഷാദിന്റെ നടത്തത്തിൽ പന്തികേട് തോന്നിയ കസ്റ്റംസ് ഇയാളെ വിശദമായി പരിശോധിച്ചപ്പോഴാണ് സ്വർണം കണ്ടെത്താൻ സാധിച്ചത്.

ഇന്നലെ കണ്ണൂര്‍ വിമാനത്താവളത്തില്‍ നിന്ന് ഒന്നരക്കോടിയോളം വിലവരുന്ന സ്വര്‍ണം കണ്ടെടുത്തിരുന്നു. സംഭവത്തിൽ വിമാനത്തിനകത്തെ ടോയ്ലറ്റിലെ ചവറ്റുകുട്ടയിലാണ് 2831 ഗ്രാം സ്വര്‍ണം കണ്ടെടുത്തത്. പേസ്റ്റ് രൂപത്തിലുള്ള സ്വര്‍ണം നാല് പ്ലാസ്റ്റിക് കവറുകളിലായിരുന്നു.