സ്വപ്ന സുരേഷ് കടകംപള്ളി സുരേന്ദ്രനെതിരെ രംഗത്തുവന്നിരിക്കുകയാണ്. അതായത് സ്വപ്ന സുരേഷിന്റെ വീട്ടിൽ കടകംപള്ളി സുരേന്ദ്രൻ പാർട്ടി പ്രവർത്തകരുമായി പോയി എന്നാണ് മാധ്യമങ്ങളോട് പറഞ്ഞത്. എന്നാൽ കടകംപള്ളി തന്നോടൊപ്പം ഒറ്റയ്ക്ക് കാറിലാണ് വന്നത് എന്നാണ് സ്വപ്ന സുരേഷ് ഒരു മാധ്യമത്തിനോട് പ്രതികരിച്ചിരിക്കുന്നത്. നട്ടപ്പാതിരാത്രി പാർട്ടിക്കാരുമായി തന്റെ വീട്ടിലേക്ക് വരേണ്ടുന്ന ആവശ്യം എന്താണ് എന്നാണ് സ്വപ്ന ചോദിക്കുന്നത്. ചായയും കുടിച്ച് മാങ്ങയും കഴിച്ചാണ് കടകംപള്ളി സാർ പോയത് എന്നും സ്വപ്ന പറഞ്ഞു.

നിർണ്ണായക വെളിപ്പെടുത്തൽ തന്നെയാണ് ഈ വിഷയത്തിൽ സ്വപ്ന നടത്തിയിരിക്കുന്നത്. അതായത് കടകംപള്ളി സുരേന്ദ്രൻ പറഞ്ഞത് കള്ളമാണ് എന്ന തരത്തിലാണ് സ്വപ്ന പ്രതികരിച്ചിരിക്കുന്നത്. കുറച്ചു സമയം മുന്നേയായിരുന്നു സ്വപ്ന സുരേഷിൻറെ ആരോപണങ്ങൾക്ക് മറുപടിയുമായി കടകംപള്ളി സുരേന്ദ്രൻ രംഗത്ത് വന്നത്.

അതേസമയം കടകംപള്ളി സുരേന്ദ്രന്റെ . പ്രതികരണം ഇങ്ങനെയായിരുന്നു ; സ്വപ്നയുടെ വീട്ടിൽ താൻ പോയിട്ടുണ്ട് . ആ വീട്ടിൽ പോയി ഒരു ചായ കുടിച്ചു മടങ്ങി. അതിനെയാണ് അവരുടെ വീട്ടിൽ പോയി എന്ന തരത്തിലെ ആക്ഷേപം ഉന്നയിച്ചിരിക്കുന്നത്. ഞങ്ങൾ സ്വപ്നയുടെ വീട്ടിൽ പോയിട്ടുണ്ട് ചായ കുടിക്കാൻ എത്ര സമയമെടുക്കും അത്രയും സമയമെടുത്ത് ഞങ്ങൾ എല്ലാരും തിരികെ പോരുകയും ചെയ്തു. അതും ഒരു ആക്ഷേപം ആയിട്ടാണ് ഉന്നയിക്കുന്നത്. രാമപുരത്താണ് അവരുടെ വീട്.

രാമപുരത്ത് ഞങ്ങളുടെ പാർട്ടിയുടെ മേൽനോട്ടത്തിൽ ഉള്ള പ്രവാസി സംഘടനയുടെ പുതിയ ഓഫീസിന്റെ ഉദ്ഘാടനം വന്നപ്പോൾ മന്ത്രി എന്ന നിലയിൽ അത് നിർവഹിക്കാൻ പോയി. ചടങ്ങ് കഴിഞ്ഞപ്പോൾ സംഘാടകരുടെ നിർബന്ധപ്രകാരം ഞാനും സംഘടനാ പ്രവർത്തകരും ഒക്കെ ചേർന്നാണ് സ്വപ്നയുടെ വീട്ടിലേക്ക് പോയത്. ആ ഓഫീസിന്റെ നേരെ എതിരെയാണ് ഇവരുടെ വീട് ഉള്ളത് ഇവരുടെ വീടാണ് എന്ന് ഞങ്ങൾ ചെന്ന് ശേഷമാണ് അറിഞ്ഞത്. പക്ഷേ ഇവർ പരിപാടിക്ക് സ്റ്റേജിൽ ഉണ്ടായിരുന്നു.