പിണറായിക്ക് മുട്ടന് പണി ഗവര്ണര് വിഎസ്സിന്റെ വീട്ടില് ആ ബോംബ് ഉടന് പൊട്ടും സിപിഎം സമരം ചീഞ്ഞ പടക്കം
ഗവര്ണര് ആരിഫ് മുഹമ്മദ് ഖാന് മുന് മുഖ്യമന്ത്രിയും സിപിഎമ്മിന്റെ മുതിര്ന്ന നേതാവുമായി വി.എസ്. അച്യുതാനന്ദന്റെ വസതിയിലെത്തി. ഇന്നു രാവിലെ പത്തു മണിയോടെയായിരുന്നു സന്ദര്ശനം. വിഎസിന്റെ 99ാം പിറന്നാള് ദിനമായിരുന്നു കഴിഞ്ഞ ദിവസം. വിഎസിനു പിറന്നാള് ആശംസകള് അറിയിക്കാനാണ് ഗവര്ണര് വസതിയിലെത്തിയത്. കുടുംബാംഗങ്ങളെ നേരില് കണ്ട് ആശംസ അറിയിച്ചു. ഡോക്റ്റര്മാരുടെ കര്ശന നിര്ദേശം ഉള്ളതിനാല് വിഎസിന്റെ അടുത്തേക്ക് സന്ദര്ശകരെ അനുവദിക്കാറില്ല. പത്തു മിനിറ്റോളം മാത്രമാണ് സന്ദര്ശനം നീണ്ടത്. ഗവര്ണര്ക്കെതിരേ സിപിഎം പ്രത്യക്ഷ സമരത്തിന് ഇറങ്ങുന്ന അതേസമയത്താണ് ആരിഫ് മുഹമ്മദ് ഖാന് സിപിഎമ്മിന്റെ മുതിര്ന്ന നേതാവിന്റെ വസതിയിലെത്തിയതെന്നത് ശ്രദ്ധേയമാണ്.
ഭരണഘടനാപദവിക്ക് നിരക്കാത്ത കാര്യങ്ങളാണ് ചെയ്യുന്നതെന്ന് കേരളാ ഗവര്ണര് ആരിഫ് മുഹമ്മദ് ഖാനെതിരെ വിമര്ശനവുമായി മുഖ്യമന്ത്രി പിണറായി വിജയന്. ചട്ടവിരുദ്ധ നിമനം നേടിയ സംസ്ഥാനത്തെ ഒമ്പത് വീസിമാരോട് രാജിവെച്ചൊഴിയാന് ഗവര്ണര് ആവശ്യപ്പെട്ടിരുന്നു. സാങ്കേതിക സര്വകലാശാല വിസി നിമനം സുപ്രീംകോടതി റദ്ദാക്കിയതുമായി ബന്ധപ്പെട്ടാണ് ഗവര്ണര് ആവശ്യപ്പെട്ടത്. ഇതിനുള്ള സമയപരിധി അവസാനിക്കുന്നതിന് മുമ്പ് തന്നെ മുഖ്യമന്ത്രി തലസ്ഥാനത്ത് വാര്ത്താസമ്മേളനം വിളിച്ചു ചേര്ത്ത് വിമര്ശനങ്ങള് ഉന്നയിക്കുകയായിരുന്നു.
സംസ്ഥാനത്തെ വിസിമാര്ക്ക് സ്വാഭാവിക നിതി നിഷേധിച്ചിട്ടില്ലെന്ന് കേരള ഗവര്ണര് ആരിഫ് മുഹമ്മദ് ഖാന്. മാധ്യമങ്ങളോട് കടക്കുപുറത്തെന്ന് പറഞ്ഞത് താനല്ല. മാധ്യമങ്ങളോടെന്നും ബഹുമാനം മാത്രമാണ് ഉള്ളതെന്നും ഗവര്ണര് അറിയിച്ചു. കോഴിക്കോട് മാധ്യമ പ്രവര്ത്തകരോട് സംസാരിക്കുകയായിരുന്നു അദ്ദേഹം.
മാധ്യമ സിന്ഡിക്കേറ്റ് എന്നും, കടക്കു പുറത്ത് എന്ന് പറഞ്ഞതും ആരാണ്. താനല്ല, മാധ്യമപ്രവര്ത്തകരോട് ബഹുമാനത്തോടുകൂടി മാത്രമാണ് താന് പെരുമാറിയിട്ടുള്ളത്. പാര്ട്ടി കേഡര് ജേര്ണലിസ്റ്റ് ചമയുന്നുവെന്ന പരാമര്ശം ആവര്ത്തിക്കുകയാണെന്നും അത് കൊണ്ടാണ് രാജ് ഭവനിലേക്ക് മാധ്യമപ്രവര്ത്തകരോട് അപേക്ഷ നല്കാന് ആവശ്യപ്പെട്ടതെന്നും ഗവര്ണര് പറഞ്ഞു.
കണ്ണൂര് വിസി നിയമനത്തില് തെറ്റ് പറ്റി. ഒരു സര്വ്വകലാശാല വിസിയേയും താന് പുറത്താക്കിയിട്ടില്ല. ഒമ്പത് സര്വ്വകലാശാലകളിലേയും വിസിമാരെ നിയമിച്ചത് യുജിസി ചട്ടങ്ങള് പാലിക്കാതെയാണ് എന്നതാണ് ഇവര്ക്കെതിരെ നടപടി സ്വീകരിക്കാന് കാരണമായത്. വിസിമാര്ക്ക് കാരണം കാണിക്കല് നോട്ടീസ് നല്കിയിട്ടുണ്ട്. അടുത്ത മാസം മൂന്നിനകം വിഷയത്തില് വിശദീകരണം നല്കിയാല് പരിഗണിക്കും. നിയമോപദേശം തേടിയശേഷമാണ് നടപടി സ്വീകരിച്ചത്.
കെടിയു വിസി നിയമനം റദ്ദാക്കിയ സുപ്രീംകോടതി നടപടി കൃത്യം. വിസിമാരോട് തനിക്ക് അനുകമ്പയാണുള്ളത്. അവര്ക്ക് വീണ്ടും അപേക്ഷിക്കാം. യോഗ്യരെങ്കില് വീണ്ടും പരിഗണിക്കുമെന്നും ഗവര്ണര് കൂട്ടിച്ചേര്ത്തു. അതേസമയം ഗവര്ണറുടെ നിര്ദ്ദേശത്തിനെതിരെ വിസിമാര് നല്കിയ ഹര്ജി ഹൈക്കോടതി പ്രത്യേക ബെഞ്ച് പരിഗണിക്കുകയാണ്. വിസിമാര്ക്ക് അനുകൂലമായല്ല ഹര്ജി പരിഗണിക്കവേ ഹൈക്കോടതി തുടക്കത്തില് പ്രതികരിച്ചതെന്നാണ് അറിയാന് കഴിയുന്നത്.
മുഖ്യമന്ത്രി സിപിഎം അണികളെ കാണിച്ച് ഗവര്ണറെയും ഭരണഘടനയേയും വെല്ലുവിളിക്കുകയാണെന്ന് ബിജെപി സംസ്ഥാന അദ്ധ്യക്ഷന് കെ.സുരേന്ദ്രന്. സിപിഎമ്മിന്റെ സെക്രട്ടറി പറയുന്നത് പോലെയാണ് പിണറായി വിജയന് സംസാരിക്കുന്നത്. ഇരിക്കുന്ന കസേരയുടെ മഹത്വം അറിയാതെ സംസാരിക്കുന്നത് ഗവര്ണറല്ല മുഖ്യമന്ത്രിയാണെന്നും കെ.സുരേന്ദ്രന് കോഴിക്കോട്ട് വാര്ത്താസമ്മേളനത്തില് പറഞ്ഞു.
ജനങ്ങളെ അണിനിരത്തി ഗവര്ണറെ നേരിടുമെന്നല്ല നിയമപരമായി ഗവര്ണര് ഉയര്ത്തുന്ന നിയമ പ്രശ്നം നേരിടുകയാണ് മുഖ്യമന്ത്രി ചെയ്യേണ്ടത്. ഭരണഘടനയ്ക്കെതിരെ യുദ്ധം പ്രഖ്യാപിക്കുകയാണ് മുഖ്യമന്ത്രി. ധാര്മ്മികതയില്ലാത്തതു കൊണ്ടാണ് മുഖ്യമന്ത്രിക്ക് സിപിഎമ്മുകാരെ അണിനിരത്തി യുദ്ധം പ്രഖ്യാപിക്കേണ്ടി വരുന്നത്. ജനങ്ങളെ തെരുവിലിറക്കി രാജ്ഭവന് വളയാന് പോയാല് ഗവര്ണര് അനാഥനാണെന്ന് മുഖ്യമന്ത്രി കരുതരുത്.
https://www.facebook.com/Malayalivartha
