ലഹരിക്കടത്ത് കേസുകളിലെ പ്രധാനപ്രതി അറസ്റ്റിൽ. നിരവധി ലഹരി കടത്ത് കേസുകളിലെ പ്രതിയെ തിരുവനന്തപുരത്ത് വെച്ചാണ് പോലീസ് പിടികൂടിയത്. സംഭവത്തിൽ വെഞ്ഞാറമൂട് സ്വദേശി ദിലീപാണ് പോലീസിന്റെ പിടിയിലായത്.

അതേസമയം ഇതുമായി ബന്ധപ്പെട്ട് തിരുവനന്തപുരം റൂറൽ എസ്പിക്ക് ലഭിച്ച രഹസ്യ വിവരത്തിന്റെ അടിസ്ഥാനത്തിൽ നടത്തിയ അന്വേഷണത്തിലാണ് പ്രതിയെ വീട്ടിൽ നിന്നും പിടികൂടിയത്. തുടർന്ന് 1200 ഗ്രാം കഞ്ചാവ്, 6 ബോട്ടിൽ ഹാഷിഷ് ഓയിൽ, നാടൻ തോക്ക്, നാടൻ ബോംബ്, നാലു ലക്ഷത്തോളം രൂപ തുടങ്ങിയവ ഇയാളുടെ വീട്ടിൽ നിന്നും പിടിച്ചെടുത്തു.

എന്നാൽ ഇതിനു പിന്നാലെ തെലങ്കാന സർക്കാർ വിതരണം ചെയ്യുന്ന റേഷൻ അരിയുടെ 11 ചാക്കും കണ്ടെടുത്തിരുന്നു. ഇതേസമയം തന്നെ കഞ്ചാവും മറ്റു മാരകമായ മയക്കുമരുന്നും കടത്താൻ വേണ്ടിയാണ് ദിലീപ് റേഷൻ അരിയും കടത്തിയിരുന്നതെന്നാണ് പോലീസ് സംശയിക്കുന്നത്. സംഭവത്തിൽ ദിലീപിന്റെ ഭാര്യ പ്രഭുല്ലയെയും പ്രതിയാക്കി കേസെടുത്തിട്ടുണ്ട്. മാത്രമല്ല ഭാര്യയാണ് വീട്ടിൽ ചില്ലറ വിൽപന നടത്തിയിരുന്നത്.