എല്ദോസ് കുന്നപ്പിള്ളി എം.എല്.എയ്ക്കെതിരായ ലൈംഗിക പീഡനക്കേസില് കേസ് ഡയറി, പരാതിക്കാരിയുടെ മൊഴി, വാട്ട്സ്ആപ്പ് സന്ദേശങ്ങള് തുടങ്ങിയ രേഖകളെല്ലാം ഇന്നു ഹാജരാക്കാന് ഉത്തരവിട്ട് ഹൈക്കോടതി
എല്ദോസ് കുന്നപ്പിള്ളി എം.എല്.എയ്ക്കെതിരായ ലൈംഗിക പീഡനക്കേസില് കേസ് ഡയറി, പരാതിക്കാരിയുടെ മൊഴി, വാട്ട്സ്ആപ്പ് സന്ദേശങ്ങള് തുടങ്ങിയ രേഖകളെല്ലാം ഇന്നു ഹാജരാക്കാന് ഉത്തരവിട്ട് ഹൈക്കോടതി.
എല്ദോസിന്റെ മുന്കൂര് ജാമ്യം റദ്ദാക്കണമെന്നാവശ്യപ്പെട്ട് സര്ക്കാരും പരാതിക്കാരിയും നല്കിയ ഹര്ജികള് പരിഗണിച്ച ജസ്റ്റിസ് ഡോ. കൗസര് എടപ്പഗത്താണ് തിരുവനന്തപുരം സെഷന്സ് കോടതിക്ക് ഈ നിര്ദ്ദേശം നല്കിയത്. ഹര്ജികള് 17നു വീണ്ടും പരിഗണിക്കും.
പരാതിക്കാരിക്കെതിരെ 48 കേസുകള് നിലവിലുണ്ടെന്ന് എല്ദോസിന്റെ അഭിഭാഷകന് ഇന്നലെ വ്യക്തമാക്കിയപ്പോള് ഇവയുടെ വിശദാംശങ്ങള് അറിയേണ്ടതുണ്ടെന്ന് കോടതി പറഞ്ഞു.
എല്ദോസ് കുന്നപ്പിള്ളിയുടെ സോഷ്യല് മീഡിയ അക്കൗണ്ട് കൈകാര്യം ചെയ്യാനായി വന്ന വ്യക്തിയാണ് പരാതിക്കാരി. ഇവര് എല്ദോസിന്റെ ഫോണും പാസ് വേഡും കൈവശപ്പെടുത്തി ബ്ളാക്ക് മെയില് ചെയ്യുകയാണുണ്ടായതെന്നും വിശദീകരിച്ച് അഭിഭാഷകന്.
ഒരു കോടി രൂപ ആവശ്യപ്പെട്ട് പരാതിക്കാരി ഭീഷണിപ്പെടുത്തിയതിനെതിരെ എല്ദോസിന്റെ ഭാര്യ കുറുപ്പംപടി പൊലീസ് സ്റ്റേഷനില് പരാതി നല്കി. പരാതിക്കാരിയുടെ ആദ്യ പരാതിയില് ലൈംഗികമായി പീഡിപ്പിച്ചെന്നു പറഞ്ഞിട്ടില്ലെന്നും 14 ദിവസത്തിനുശേഷമാണ് ലൈംഗിക പരാതി ഉന്നയിച്ചതെന്നും എല്ദോസിന്റെ അഭിഭാഷകന് വാദിച്ചു. പരാതിക്കാരിയുടെ രഹസ്യമൊഴി പരിഗണിക്കാതെയാണ് തിരുവനന്തപുരം അഡി. സെഷന്സ് കോടതി എല്ദോസിന് മുന്കൂര് ജാമ്യം അനുവദിച്ചതെന്ന് വാദിച്ച് സര്ക്കാര്.
"
https://www.facebook.com/Malayalivartha
