ഇൻസ്റ്റാഗ്രാമിൽ പരിചയപ്പെട്ട പ്രായപൂർത്തിയാകാത്ത പെൺകുട്ടികളെ പീഡനത്തിനിരയാക്കി: മാധ്യമങ്ങൾക്ക് മുന്നിൽ കൈകളുയർത്തി വിജയചിഹ്നം കാണിച്ച് അറസ്റ്റിലായ പതിനെട്ടുകാരൻ...
പ്രായപൂർത്തിയാകാത്ത പെൺകുട്ടികളെ ലൈംഗികമായി പീഡിപ്പിച്ച പ്രതി അറസ്റ്റിൽ. ഇൻസ്റ്റാഗ്രാം വഴി പരിചയപ്പെട്ട ഏഴിലും എട്ടിലും പഠിക്കുന്ന പെൺകുട്ടികളെ പീഡിപ്പിച്ച പതിനെട്ടുകാരനെയാണ് പോലീസ് പിടികൂടിയത്. കടയ്ക്കൽ ഇടത്തറ തോട്ടത്തുവിള വീട്ടില് നീരജിനെയാണ് കടയ്ക്കൽ പോലീസ് പിടികൂടിയത്. ചടയമംഗലം, കടയ്ക്കൽ പ്രദേശങ്ങളിലെ പ്രായപൂര്ത്തിയാകാത്ത പെണ്കുട്ടികളെയാണ് ലൈംഗീകമായി പീഡിപ്പിച്ചിരുന്നത്.
ഇന്സ്റ്റഗ്രമിലൂടെ പെണ്കുട്ടികളെ പരിചയപ്പെട്ട് വലയിലാക്കി. തുടർന്ന് പെൺകുട്ടികളുടെ നഗ്നചിത്രങ്ങളും വിഡിയോകളും കൈക്കലാക്കി ബ്ലാക്ക്മെയിൽ ചെയ്താണ് പീഡനത്തിനിരയാക്കിരുന്നത്. രണ്ടു പെണ്കുട്ടികളെ പീഡിപ്പിച്ച കേസിലാണ് ഇപ്പോള് കടയ്ക്കല് പൊലീസ് നീരജിനെ അറസ്റ്റ് ചെയ്തതെങ്കിലും കടയ്ക്കല് മാത്രമല്ല, ചടയമംഗലത്തും പെൺകുട്ടികളെ പീഡിപ്പിച്ചതിന് നീരജിനെതിരെ കേസുണ്ട്.
പെൺകുട്ടികളുടെ നഗ്നചിത്രങ്ങളും വിഡിയോകളും കൈക്കലാക്കുക, രാത്രിയില് പെണ്കുട്ടികളെ വീട്ടില് നിന്ന് പുറത്തെത്തിച്ച് ആളൊഴിഞ്ഞ സ്ഥലത്തുവച്ചു പീഡിപ്പിക്കുക എന്നിവയായിരുന്നു രീതി. ഒരു സ്ഥലത്തുവച്ച് നാട്ടുകാര് പിടികൂടി പൊലീസില് ഏല്പ്പിച്ചതോടെയാണ് പ്രതിയുടെ ഒന്നിലധികം ചൂഷണ വിവരങ്ങള് പുറത്തുവന്നത്. നീരജിനെ തെളിവെടുപ്പിന് ശേഷം പൊലീസ് കോടതിയില് ഹാജരാക്കി.
https://www.facebook.com/Malayalivartha