കോർപറേഷനിലെ ശുപാർശ കത്ത്: മേയറുടെ ആപ്പീസ് പൂട്ടാൻ പെൺപുലികൾ ഇറങ്ങും!വിജിലൻസ് തഴഞ്ഞു! സർക്കാരിനെ തൂത്തെറിയും!വിജിലൻസിന്റെ കൂറുമാറ്റം ; വിജിലൻസ് അന്വേഷണം വൈകും, പ്രാഥമികാന്വേഷണത്തിന് 45 ദിവസം വരെ വേണമെന്ന് വിജിലൻസ് വാദം തകർക്കും
കോർപറേഷനിലെ ശുപാർശ കത്ത് വിവാദത്തിൽ വിജിലൻസ് അന്വേഷണം വൈകുമെന്ന് റിപ്പോർട്ട്. മേയർ ആര്യ രാജേന്ദ്രന്റേയും കൗൺസിലർ ഡി.ആർ.അനിലിന്റേയും ശുപാർശ കത്തുകളെ കുറിച്ചും പിൻവാതിൽ നിയമങ്ങളെ കുറിച്ചുമുള്ള വിജിലൻസ് അന്വേഷണം വൈകുമെന്നാണ് ഇപ്പോൾ വ്യക്തമാകുന്നത്.
അതേസമയം കേസിൽ പ്രാഥമിക അന്വേഷണം പൂർത്തിയാക്കാൻ 45 ദിവസമെടുക്കാമെന്നാണ് വിജിലൻസ് നിലപാട് എടുത്തിരിക്കുന്നത്. സംഭവത്തിൽ കത്തിന്റെ ആധികാരിത ,പിൻവാതിൽ നിയമനങ്ങൾ എന്നിവയിൽ ഇനിയും അന്വേഷണം പൂർത്തീകരിക്കാനുണ്ടെന്ന നിലപാടിലാണ് വിജിലൻസ് ഇപ്പോൾ.
ഇതേസമയം തന്നെ ശുപാർശ കത്തിൽ സിബിഐ അന്വേഷണം ആവശ്യപ്പെട്ടുള്ള ഹർജി അടുത്ത ആഴ്ച ഹൈക്കോടതി പരിഗണിക്കുമെന്നാണ് പറയുന്നത്. തുടർന്ന് അന്വേഷണം തുടരുകയാണെന്ന നിലപാടായിരിക്കും വിജിലൻസ് സ്വീകരിക്കുക.
അതുപോലെ മേയറുടെ രാജി ആവശ്യപ്പെട്ട് പ്രതിപക്ഷത്തിന്റെ സമരം ഇന്നും തുടരും. മഹിളാ കോൺഗ്രസ് ഇന്ന് കോർപ്പറേഷനിലേക്ക്മാർച്ച് നടത്തും. പെൺപുലികൾ അണിനിരക്കുന്ന സമരമാണ് ഇപ്പോൾ കോർപ്പറേഷനു മുന്നിൽ നടക്കുന്നത്.
https://www.facebook.com/Malayalivartha