മണ്ഡലവിളക്ക് ദിവസം ശബരിമല അയ്യപ്പന് ചാര്ത്തുവാനുള്ള തങ്കഅങ്കിയും വഹിച്ചുള്ള ഘോഷയാത്ര ഇന്ന് രാവിലെ ആറന്മുള പാര്ഥസാരഥി ക്ഷേത്രത്തിന്റെ കിഴക്കേനടയില്നിന്ന് പുറപ്പെട്ടു
മണ്ഡലവിളക്ക് ദിവസം ശബരിമല അയ്യപ്പന് ചാര്ത്തുവാനുള്ള തങ്കഅങ്കിയും വഹിച്ചുള്ള ഘോഷയാത്ര ഇന്ന് രാവിലെ ആറന്മുള പാര്ഥസാരഥി ക്ഷേത്രത്തിന്റെ കിഴക്കേനടയില്നിന്ന് പുറപ്പെട്ടു
തിരുവിതാംകൂര് രാജാവായിരുന്ന ശ്രീ ചിത്തിര തിരുനാള് ബാലരാമവര്മ ശബരിമല നടയ്ക്കല് സമര്പ്പിച്ചതാണ് 451 പവന് തൂക്കംവരുന്ന തങ്കഅങ്കി.
ഇന്ന് പുലര്ച്ചെ അഞ്ച് മുതല് ഏഴ് വരെ ആറന്മുള ക്ഷേത്ര ആനക്കൊട്ടിലില് അങ്കി ഭക്തജന ദര്ശനത്തിനായി തുറന്നുവെച്ചിരുന്നു. ശബരിമല ക്ഷേത്രമാതൃകയില് തയ്യാറാക്കിയ പ്രത്യേക രഥത്തിലേക്ക് ശരണമന്ത്ര ഘോഷങ്ങളോടെ തങ്കഅങ്കി പ്രവേശിപ്പിച്ച് ഘോഷയാത്ര ആരംഭിച്ചു.
വിവിധ സ്ഥലങ്ങളിലെ സ്വീകരണം ഏറ്റുവാങ്ങി രാത്രി എട്ടിന് ഓമല്ലൂര് രക്തകണ്ഠസ്വാമി ക്ഷേത്രത്തില് വിശ്രമിക്കും. 24-ന് പുലര്ച്ചെ ഇവിടെനിന്ന് പുറപ്പെട്ട് രാത്രി 8.30-ന് കോന്നി മുരിങ്ങമംഗലം ക്ഷേത്രത്തില് വിശ്രമിക്കും.
കോന്നിയില് നിന്ന് 25-ന് പുലര്ച്ചെ ഏഴിന് പുറപ്പെട്ട് രാത്രി പെരുനാട് ക്ഷേത്രത്തില് വിശ്രമിക്കും. 26-ന് പുലര്ച്ചെ പെരുനാട്ടില്നിന്ന് പുറപ്പെടുന്ന ഘോഷയാത്ര 1.30-ന് പമ്പ ഗണപതി ക്ഷേത്രത്തില് എത്തും. ഇവിടെ മൂന്നുവരെ ദര്ശനം അനുവദിക്കും.
മൂന്നിന് പമ്പയില്നിന്ന് പുറപ്പെട്ട് അഞ്ചിന് ശരംകുത്തിയില് എത്തുമ്പോള് ദേവസ്വം ബോര്ഡ് ഭാരവാഹികളും ഉദ്യോഗസ്ഥരും ചേര്ന്ന് ആചാരപൂര്വം സ്വീകരിച്ച് സന്നിധാനത്ത് എത്തിക്കും.
പതിനെട്ടാംപടി കയറി സോപാനത്ത് എത്തുമ്പോള് തന്ത്രിയും മേല്ശാന്തിയും ചേര്ന്ന് ഏറ്റുവാങ്ങി അയ്യപ്പവിഗ്രഹത്തില് ചാര്ത്തി ദീപാരാധന നടത്തും. 27-ന് ഉച്ചയ്ക്ക് തങ്കഅങ്കി ചാര്ത്തി മണ്ഡലപൂജ നടക്കുന്നതാണ്.
https://www.facebook.com/Malayalivartha
