ബംഗാള് ഉള്ക്കടലില് രൂപപ്പെട്ട ന്യൂനമര്ദ്ദത്തിന്റെ സ്വാധീനഫലമായി കേരളത്തില് വരുംദിവസങ്ങളില് ഒറ്റപ്പെട്ട സാധാരണ മഴയ്ക്ക് സാധ്യത...തിരുവനന്തപുരം, കൊല്ലം ജില്ലകളില് തിങ്കളാഴ്ച യെല്ലോ അലര്ട്ട്
ബംഗാള് ഉള്ക്കടലില് രൂപപ്പെട്ട ന്യൂനമര്ദ്ദത്തിന്റെ സ്വാധീനഫലമായി കേരളത്തില് വരുംദിവസങ്ങളില് ഒറ്റപ്പെട്ട സാധാരണ മഴയ്ക്ക് സാധ്യത. വടക്ക് പടിഞ്ഞാറ് ദിശയില് സഞ്ചരിക്കുന്ന ന്യൂനമര്ദ്ദം വരും മണിക്കൂറുകളില് ശ്രീലങ്ക വഴി കോമോറിന് തീരത്തേക്ക് നീങ്ങാന് സാധ്യതയെന്നാണ് കേന്ദ്ര കാലാവസ്ഥ വകുപ്പിന്റെ പ്രവചനം.
ഇതിന്റെ സ്വാധീനഫലമായി തിരുവനന്തപുരം, കൊല്ലം ജില്ലകളില് തിങ്കളാഴ്ച ശക്തമായ മഴയാണ് പ്രവചിക്കുന്നത്. ജാഗ്രതയുടെ ഭാഗമായി ഈ ജില്ലകളില് ഡിസംബര് 26ന് യെല്ലോ അലര്ട്ട് പ്രഖ്യാപിച്ചു.
ന്യൂനമര്ദ്ദത്തിന്റെ സ്വാധീനഫലമായി തമിഴ്നാട്ടിലും വരും ദിവസങ്ങളില് മഴ ലഭിക്കുമെന്നാണ് പ്രവചനത്തിലുള്ളത്. ഞായര്, തിങ്കള് ദിവസങ്ങളില് തമിഴ്നാട്ടില് മഴ ലഭിക്കുമെന്നാണ് കണക്കുകൂട്ടലുകള് . തമിഴ്നാടിന്റെ തെക്കന് കടലോര പ്രദേശങ്ങളില് ശക്തമായ മഴ ലഭിക്കാനായി സാധ്യതയുള്ളതിനാല് ജാഗ്രത പാലിക്കാനും മുന്നറിയിപ്പുണ്ട്.
"
https://www.facebook.com/Malayalivartha
