സംസ്ഥാന കലോത്സവത്തിലെ മാര്ഗ്ഗം കളിയില് ഉള്പ്പെടുത്തണണമെന്ന ആവശ്യം കോടതി തളളി
കോഴിക്കോട് ജനുവരി മൂന്നിന് നടക്കുന്ന സംസ്ഥാന കലോത്സവത്തിലെ മാര്ഗ്ഗം കളിയില് ഉള്പ്പെടുത്തണമെന്ന തിരുവനന്തപുരം നിര്മ്മലഭവന് സ്കൂള് വിദ്യാര്ത്ഥിനികളുടെ ആവശ്യം കോടതി തളളി.
തിരുവനന്തപുരം മൂന്നാം അഢീഷണല് മുന്സിഫ് ജയന്തനാണ് ഹര്ജി തള്ളിയത്. ടീം മാനേജര് കുമാരപുരം മോസ്ക് ലൈന് സ്വദേശി ബെന്സി ജോര്ജ് ആയിരുന്നു ഹര്ജിക്കാരി.
സുഗമമായി നടക്കാന് പോകുന്ന സംസ്ഥാന കലോത്സവ പരിപാടി തടസപ്പെടുത്താനുളള നീക്കമാണ് ഹര്ജിക്കാരിയുടേതെന്നായിരുന്നു സര്ക്കാര് വാദം. റവന്യൂ കലോത്സവത്തില് മാര്ഗ്ഗം കളിയില് രണ്ടാം സ്ഥാനക്കാരായിരുന്ന നിര്മ്മല ഭവന് അന്ന് തന്നെ നല്കിയിരുന്ന അപ്പീല് അപ്പീല് കമ്മറ്റി തളളിയിരുന്നു. ഇതിനെതിരെയാണ് വിദ്യാര്ത്ഥിനികള്ക്ക് വേണ്ടി ടീം മാനേജര് കോടതിയെ സമീപിച്ചത്.
ഹര്ജിക്കാരിയുടെ പരാതിയില് ഒരു സിവിള് തര്ക്കം ഇല്ലാത്തതിനാല് കേസ് സിവിള് കോടതിയില് നിലനില്ക്കില്ലെന്ന സര്ക്കാര് വാദം കോടതി അംഗീകരിച്ചു. നേരത്തേ ഇത്തരം അപ്പീലുകള് ലോകായുക്തയാണ് പരിഗണിച്ചിരുന്നത്.
അപ്പീലുകളുടെ ബാഹുല്യം കാരണം ഇത്തരം അപ്പീലുകള് ലോകായുക്ത പരിഗണിയ്ക്കേണ്ടതില്ലെന്ന് തീരുമാനിച്ചതിനെ തുടര്ന്നാണ് ഹര്ജിക്കാരി സിവിള് കോടതിയെ സമീപിച്ചത്. ഹര്ജിക്കാരിയുടെ ആവശ്യം അംഗീകരിച്ചാല് നിലവില് തയ്യാറാക്കിയിട്ടുളള ഷെഡ്യൂളുകള് മാറിമറിയുമെന്നും അത് ആയിരക്കണക്കിന് വിദ്യാര്ത്ഥികളുടെ ഭാവിയെ ബാധിയക്കുമെന്നുമുളള സര്ക്കാര് ആശങ്കയും കോടതി പരിഗണിച്ചു.
"
https://www.facebook.com/Malayalivartha
