പിഎം 2 എന്ന കാട്ടാന ആഴ്ചകളായി വനപാലകര്‍ക്ക് സമ്മാനിച്ചത് വലിയ വെല്ലുവിളികളാണ്. പിടികൂടിയിട്ടും തലയെടുപ്പോടെ ആന ഡോക്ടര്‍ക്കും ഇട്ടുകൊടുത്തു. അതോടെ പിഎം 2 നിസാരക്കാരനല്ലെന്ന് ബോധ്യമായി. പിഎം 2 കാട്ടാനയെ പിടികൂടാനുള്ള ദൗത്യത്തിലുടനീളം വനം വകുപ്പിനെ കാത്തിരുന്നത് വലിയ വെല്ലുവിളികളായിരുന്നു. കാട്ടാനയ്ക്ക് സംരക്ഷണമൊരുക്കിയ കൊമ്പനും ഒപ്പം കൂടിയ ആനക്കൂട്ടവും ദൗത്യസംഘത്തെ പ്രതിസന്ധിയിലാക്കി.

ആനയെ മയക്കുവെടിവക്കാന്‍ കഴിയുന്ന സ്ഥലത്തേക്ക് എത്തിക്കുകയായിരുന്നു ദുഷ്‌കരമായ ദൗത്യം. ബത്തേരി നഗരത്തിലിറങ്ങി വഴിയാത്രക്കാരനെ ആക്രമിച്ച് ഭീതിപരത്തിയ പി.എം 2 കാട്ടാന വനം വകുപ്പിനെയും മുള്‍മുനയില്‍ നിര്‍ത്തുകയായിരുന്നു. ഇന്നലെ വൈകിട്ട് അഞ്ചുമണിവരെ ശ്രമിച്ചിട്ടും ദൗത്യ സംഘത്തിന് ആനയെ പിടികൂടാന്‍ കഴിഞ്ഞിരുന്നില്ല.

പി എം 2 എന്ന മോഴയാനയ്ക്ക് സമീപം കൊമ്പനാന നിലയുറപ്പിച്ചതായിരുന്നു വെല്ലുവിളിയായത്. പി.എ 2 നൊപ്പം കൊമ്പനും ദൗത്യ സംഘത്തിന് നേരെ പാഞ്ഞടുക്കാന്‍ ശ്രമിച്ചു. എന്നാല്‍ കുങ്കിയാനകളാണ് വനപാലകര്‍ക്ക് കവചമൊരുക്കിയത്. ഇന്നും പി.എം 2 ന് സമീപം ഒരാനക്കൂട്ടം ഉണ്ടായിരുന്നു. ഇവയെ ഓടിച്ച ശേഷമാണ് ദൗത്യം തുടരാനായത്.

പി.എം. 2 ചതുപ്പ് പ്രദേശത്ത് മണിക്കൂറുകള്‍ തുടര്‍ന്നതും മയക്കുവെടിവക്കുന്നത് വൈകാന്‍ കാരണമായി. ആനയെ തുറന്ന സ്ഥലത്തേക്ക് എത്തിക്കാനാണ് കൂടുതല്‍ സമയം ചെലവിട്ടത്. ആനയുടെ മയക്കം മാറും മുമ്പ് മുത്തങ്ങയിലെ കൂട്ടില്‍ അടക്കുകയായിരുന്നു ശ്രമകരമായ മറ്റൊരു ദൗത്യം. ആനയുമായുള്ള ലോറി അതിവേഗത്തില്‍ പാഞ്ഞ് കൃത്യസമയത്ത് ആനപന്തിയില്‍ എത്തി. കൂട്ടായ പരിശ്രമത്തിനൊടുവില്‍ ആനയെ കൂട്ടിലടയ്ക്കുകയായിരുന്നു.

ഇതിനിടെ കാട്ടാന വെറ്ററിനറി സര്‍ജന്‍ അരുണ്‍ സക്കറിയയെ ആക്രമിക്കുകയും ചെയ്തു. മുത്തങ്ങ ആനപ്പന്തിയിലേക്ക് ആനയെ എത്തിച്ച് പരിശോധിക്കുന്നതിനിടെയാണ് ഡോക്ടര്‍ക്ക് നേരെ ആക്രമണമുണ്ടായത്. ഇയാള്‍ക്ക് കാലിനാണ് പരിക്കേറ്റത്. ആശുപത്രിയില്‍ പ്രവേശിപ്പിച്ചിട്ടുണ്ട്.

അതേസമയം കൊമ്പനാനയും, മോഴയാനയും ചേര്‍ന്ന് കഴിഞ്ഞ ദിവസം ദൗത്യ സംഘത്തിന് നേരെ പാഞ്ഞടുക്കാന്‍ ശ്രമിച്ചിരുന്നു. വനപാലര്‍ക്ക് ഒപ്പമുള്ള കുങ്കിയാനകള്‍ കവചമൊരുക്കുകയായിരുന്നു. തിങ്കളാഴ്ച്ചയും പിഎം2ന് സമീപം ആനക്കൂട്ടമുണ്ടായിരുന്നു.

ദൗത്യ സംഘം അവയെ ഓടിച്ച ശേഷമാണ് ഇതിനെ പിടികൂടാന്‍ ശ്രമം ആരംഭിച്ചത്. പിഎം 2 ചതുപ്പ് പ്രദേശത്ത് മണിക്കൂറുകള്‍ തുടര്‍ന്നിരുന്നു. ഇത് മയക്കുവെടി വെക്കുന്നത് ദുഷ്‌കരമാക്കിയിരുന്നു. ആനയെ തുറന്ന സ്ഥലത്തേക്ക് എത്തിക്കാതെ ഒന്നും നടക്കില്ലായിരുന്നു.

പി.എം 2 പിഎം 2 ദൗത്യം പൂര്‍ത്തിയായതോടെ ഇനി ഓപ്പറേഷന്‍ പിടി 7നാണ്. യൂക്കാലിപ്സ് തടി ഉപയോഗിച്ചുള്ള കൂട് മുത്തങ്ങയില്‍ പി ടി-ഏഴിനായി തയ്യാറായിരുന്നു. ഇതിലാണ് പി എം-രണ്ടിനെ കയറ്റിയത്. വയനാട് നിന്ന് മടങ്ങുന്ന സംഘത്തിനൊപ്പം മൂന്നാമത്തെ കുങ്കിയാന കോന്നി സുരേന്ദ്രനും ഉണ്ടായേക്കും.

നിലവില്‍ ഭരത്, വിക്രം എന്നീ കുങ്കിയാനകളെ എത്തിച്ചിരുന്നു. മൂന്നാനകള്‍ വേണം കാട്ടാനയെ കൂട്ടില്‍ കയറ്റാന്‍. ആനക്കൂട് നിര്‍മിക്കുന്ന സംഘം വയനാട്ടില്‍നിന്ന് മടങ്ങിയെത്തിയാല്‍ ധോണിയിലെ കൂടിന്റെ നിര്‍മാണം പൂര്‍ത്തിയാക്കും. ഞായറാഴ്ച രാത്രിയും തിങ്കള്‍ പുലര്‍ച്ചെയും കോര്‍മ അപ്പക്കാട് മേഖലയിലാണ് പി ടി-ഏഴിന്റെ സാന്നിധ്യം കണ്ടെത്തിയത്. ജനവാസ മേഖലയില്‍ ഇറങ്ങാതിരിക്കാന്‍ ദ്രുതപ്രതികരണ സേനയുടെ പ്രത്യേക പട്രോളിങ്ങുണ്ട്. രണ്ട് കുങ്കിയാനകളും നാലുപേരടങ്ങുന്ന പ്രത്യേക സംഘവും വനാതിര്‍ത്തിയില്‍ നിരീക്ഷണം നടത്തി.

രണ്ടാമത്തെ നാലുപേരടങ്ങുന്ന സംഘം പി ടി-ഏഴിന്റെ സഞ്ചാരം നിരീക്ഷിക്കാന്‍ മാത്രമായി ആനയെ പിന്തുടര്‍ന്നു. മലമ്പുഴ കവ, എലിവാല്‍, കഞ്ചിക്കോട് അയ്യപ്പന്‍മല എന്നിവിടങ്ങളില്‍ കറങ്ങുന്ന കാട്ടാനക്കൂട്ടത്തെ കാടുകയറ്റാനുള്ള ശ്രമം വനംവകുപ്പ് തുടരുന്നു. വാളയാര്‍ ആറ്റുപതി, വട്ടപ്പാറ മേഖലയില്‍ സാന്നിധ്യം കണ്ടെത്തിയ പിടി-14 നാട്ടിലേക്കിറങ്ങാതിരിക്കാനും നിരീക്ഷണമുണ്ട്.