ജീവിതം വളരെ പെട്ടന്നാണ് മാറി മറിയുന്നത്. പതിനൊന്ന് വര്‍ഷം മുമ്പ് മലപ്പുറത്തു നിന്നും കാണാതായ യുവതിയേയും കുഞ്ഞിനേയും പൊലീസ് കണ്ടെത്തി. 2011ല്‍ കുറ്റിപ്പുറത്ത് നിന്നും കാണാതായ നുസ്‌റത്തിനേയും, കുഞ്ഞിനെയുമാണ് മലപ്പുറം സി ബ്രാഞ്ചില്‍ പ്രവര്‍ത്തിക്കുന്ന ജില്ലാ മിസ്സിംഗ് പേഴ്‌സണ്‍ ട്രേസിംഗ് യൂനിറ്റ് (ഡി എം പി ടിയു) കണ്ടെത്തിയത്. ബെംഗളൂരുവില്‍ നിന്നാണ് ഇരുവരെയും കണ്ടെത്തിയത്.

മൂന്നര വയസുകാരി മകളുമായി പെയ്ന്റിങ് തൊഴിലാളിയോടൊപ്പം ഒളിച്ചോടിയ യുവതിയേയും മകളേയും പൊലീസ് ബംഗളൂരുവില്‍നിന്നും കണ്ടെത്തിയപ്പോള്‍ വലിയ ട്വിസ്റ്റാണ് ഉണ്ടായിരിക്കുന്നത്. 2011-ലാണ് കുറ്റിപ്പുറത്ത് നിന്നും കാണാതായ നുസ്‌റത്തിനേയും, കുഞ്ഞിനേയും കാണാനില്ലെന്ന ഭര്‍ത്താവിന്റെ പരാതിയില്‍ പൊലീസ് കേസെടുത്തിരുന്നത്. തുടര്‍ന്നു അഞ്ചുമാസം മുമ്പാണ് ഇവരെ കുറിച്ചുള്ള സൂചനകളെ തുടര്‍ന്നു പൊലീസ് ഗൂഡല്ലൂരും കൊടകിലുമെത്തിയത്.

ഇവിടങ്ങളില്‍നിന്നും ലഭിച്ച സൂചനകളെ തുടര്‍ന്ന് വിവിധ വീടുകളിലെത്തിയെങ്കിലും കണ്ടെത്താനായിരുന്നില്ല. പിന്നീട് സോഷ്യല്‍ മീഡിയ വഴിയും ഫോണ്‍വഴിയുമുള്ള സൂചനകളെ തുടര്‍ന്നാണു പൊലീസ് ബംഗളൂരുവില്‍ എത്തുന്നത്. പത്തുവര്‍ഷത്തോളമായി ബംഗളൂരുവില്‍ എത്തിയ നുസ്‌റത്തും കുഞ്ഞും നാട്ടിലുള്ള ആരുമായും ഒരു ബന്ധവുമില്ലായിരുന്നു.

പുതിയ ഭര്‍ത്താവ് ബംഗളൂരുവില്‍തന്നെ പെയ്ന്റിങ് ജോലിക്കാരനാണ്. നുസ്‌റത്ത് ബംഗളൂരുവില്‍തന്നെ ഒരു മരുന്നുകമ്പനിയിലെ പാക്കിങ് ജോലിചെയ്തുവരികയായിരുന്നു. നാലഞ്ചുമാസത്തെ നിരീക്ഷണത്തിന് ശേഷമാണ് ഇവരെ കണ്ടെത്തിയത്.

മലപ്പുറം ജില്ലയില്‍ റിപ്പോര്‍ട്ട് ചെയ്ത മിസ്സിങ് കേസുകളില്‍ വര്‍ഷങ്ങളായി കണ്ടെത്താന്‍ സാധിക്കാത്ത ആളുകളെ കണ്ടെത്തുന്നതിനായി ജില്ലാ പൊലീസ് മേധാവിയുടെ നിര്‍ദ്ദേശ പ്രകാരം ഡി.എംപി.ടി.യു നോഡല്‍ ഓഫീസറായ ഡി.വൈ.എസ്പി കെ.സി. ബാബുവിന്റെ നേതൃത്വത്തില്‍ ഡി.എംപി.ടി.യു അംഗങ്ങള്‍ നടത്തിയ പ്രത്യേക അന്വേഷണത്തിലാണ് ബംഗളൂരുവിലെ താമസ സ്ഥലത്ത് നിന്ന് ഇരുവരെയും കണ്ടെത്തിയത്.

ബംഗളൂരുവില്‍ കുടുംബമായി വാടകവീട്ടില്‍ താമസിച്ചു വരികയായിരുന്നു. സി-ബ്രാഞ്ച് എസ്ഐ-മാരായ ബിബിന്‍.സി.വി, സുഹൈല്‍.കെ, അരുണ്‍ഷാ, സീനിയര്‍ സിവില്‍ പൊലീസ് ഓഫീസര്‍മാരായ അബ്ദുസ്സമീര്‍ ഉള്ളാടന്‍, മുഹമ്മദ് ഷാഫി പുളിക്കത്തൊടി എന്നിവരായിരുന്നു അന്വേഷണ സംഘത്തിലുണ്ടായിരുന്നത്. യുവതിയെ തിരൂര്‍ ജെ.എഫ്.സി.എം കോടതി മുമ്പാകെയും കുട്ടിയെ സി.ഡബ്ലിയു.സി മുമ്പാകെയും ഹാജരാക്കി. പ്രായപൂര്‍ത്തിയാകാത്ത കുഞ്ഞുമായി പോയതിനാല്‍ തന്നെ കുഞ്ഞിന്റ സംരക്ഷണം സംബന്ധിച്ചു പരിശോധന നടത്തി കുഞ്ഞിന്റെ കൂടി അഭിപ്രായം ചോദിച്ചാകും തുടര്‍നടപടിയുണ്ടാകുകയെന്ന് അധികൃതര്‍ പറഞ്ഞു.

ജില്ലയില്‍ റിപ്പോര്‍ട്ട് ചെയ്ത കാണാതായവരുടെ കേസുകളില്‍ വര്‍ഷങ്ങളായി കണ്ടെത്താന്‍ സാധിക്കാത്ത ആളുകളെ കണ്ടെത്താനായി വലിയ പരിശ്രമമാണ് നടന്നു വരുന്നത്. ഇവരെ കണ്ടെത്തുന്നതിനായി ജില്ലാ പൊലീസ് മേധാവിയുടെ നിര്‍ദേശ പ്രകാരം പ്രത്യേകം നടത്തി വന്ന അന്വേഷണത്തിലാണ് നുസ്‌റത്തിനെയും കുട്ടിയെയും കണ്ടെത്തിയത്. ബെംഗളൂരുവിലെ താമസ സ്ഥലത്ത് നിന്നാണ് ഇരുവരെയും കണ്ടെത്തിയത്. 11 വര്‍ഷത്തോളമായി ബംഗളൂരുവില്‍ കുടുംബമായി വാടകവീട്ടില്‍ താമസിച്ചു വരികയായിരുന്നുവെന്ന് അന്വേഷണ സംഘം പറഞ്ഞു.

പല വഴിക്ക് അന്വേഷണം നടത്തിയെങ്കിലും ഒരു തുമ്പും ലഭിച്ചിരുന്നില്ല. ചില സംശയങ്ങളുടെ പശ്ചാത്തലത്തിലാണ് ബെംഗളുരുവു കേന്ദ്രീകരിച്ച് അന്വേഷണം നടത്തിയത്. 11 വര്‍ഷം കഴിഞ്ഞതിനാല്‍ യുവതിയിലും കുഞ്ഞിലും പല മാറ്റങ്ങളും വന്നിരുന്നു. അതിനാല്‍ തന്നെ സസൂക്ഷ്മം നിരീക്ഷിച്ച ശേഷമാണ് ഇവരെ കസ്റ്റഡിയിലെടുത്തത്. വര്‍ഷങ്ങള്‍ നീണ്ട കാത്തിരിപ്പിന് ശേഷവും പൊന്നുമോളേയും കുട്ടിയേയും കണ്ടെത്തിയതില്‍ വീട്ടുകാര്‍ക്കും ഏറെ സന്തോഷമുണ്ട്.