പെന്ഷന് കുടിശ്ശിക മാര്ച്ച് പതിനഞ്ചിനകം നല്കണം.... വണ് റാങ്ക് വണ് പെന്ഷന് പദ്ധതിപ്രകാരം വിരമിച്ച സൈനികര്ക്ക് നല്കേണ്ട പെന്ഷന് കുടിശ്ശിക മാര്ച്ച് പതിനഞ്ചിനകം നല്കണമെന്ന് കേന്ദ്ര സര്ക്കാരിന് കര്ശന നിര്ദേശം നല്കി സുപ്രീംകോടതി
പെന്ഷന് കുടിശ്ശിക മാര്ച്ച് പതിനഞ്ചിനകം നല്കണം.... വണ് റാങ്ക് വണ് പെന്ഷന് പദ്ധതിപ്രകാരം വിരമിച്ച സൈനികര്ക്ക് നല്കേണ്ട പെന്ഷന് കുടിശ്ശിക മാര്ച്ച് പതിനഞ്ചിനകം നല്കണമെന്ന് കേന്ദ്ര സര്ക്കാരിന് കര്ശന നിര്ദേശം നല്കി സുപ്രീംകോടതി.
ചീഫ് ജസ്റ്റിസ് ഡി വൈ ചന്ദ്രചൂഡ്, പി എസ് നരസിംഹ എന്നിവരുടെ ബെഞ്ചാണ് നിര്ദേശം നല്കിയത്. കുടിശ്ശിക നല്കണമെന്ന സുപ്രീംകോടതിയുടെ 2017ലെ വിധി നടപ്പാക്കിയില്ലെന്ന് മുതിര്ന്ന അഭിഭാഷകന് ഹുസേഫ അഹമ്മദി കഴിഞ്ഞദിവസം ചൂണ്ടിക്കാട്ടി. ആകെ 25 ലക്ഷം മുന് സൈനികര്ക്കാണ് ആനുകൂല്യം ലഭിക്കേണ്ടത്. ഇതില് നാലുലക്ഷംപേര് തുക ലഭിക്കാതെ മരണമടഞ്ഞെന്ന് അഹമ്മദി ചൂണ്ടിക്കാട്ടി.
സെപ്തംബറില് മൂന്നുമാസംകൂടുമ്പോള് തുക നല്കാന് കേന്ദ്ര സര്ക്കാരിന് കോടതി അധികമായി അനുവദിച്ചെങ്കിലും നടപ്പാക്കിയിരുന്നില്ല. തുടര്ന്നാണ് ബെഞ്ചിന്റെ ഇടപെടല്.
മുന് ഉത്തരവ് പാലിക്കാനും മാര്ച്ച് പതിനഞ്ചിനകം തുക നല്കാനും കര്ശനനിര്ദേശം നല്കിയ ചീഫ് ജസ്റ്റിസ് അറ്റോര്ണി ജനറല് ആര് വെങ്കടരമണിയോട് ഇതുറപ്പാക്കാനായി മേല്നോട്ടംവഹിക്കണമെന്നും ആവശ്യപ്പെട്ടു. വൈകാതെ തുക നല്കാമെന്നും വ്യക്തിപരമായി മേല്നോട്ടം വഹിക്കാമെന്നും അറ്റോര്ണി ജനറല് കോടതിയെ അറിയിക്കുകയുണ്ടായി.
"
https://www.facebook.com/Malayalivartha
