അടൂരിൽ ക്ഷേത്ര സദ്യാലയത്തിലെ ജനൽ പാളികൾ അടർന്നുവീണ് അപകടത്തിൽ സ്ത്രീക്ക് പരിക്ക്. ഉത്സവത്തോടനുബന്ധിച്ച് പാർത്ഥസാരഥി ക്ഷേത്ര സദ്യാലയത്തിലെ ജനൽ പാളികൾ അടർന്നുവീണതിനെ തുടർന്നാണ് സ്ത്രീക്ക് പരിക്കേറ്റത്. കഴിഞ്ഞ ദിവസം വൈകീട്ട് മൂന്നിനാണ് സംഭവം നടന്നത്.

അതേസമയം ഇവർ അന്നദാനത്തിന് വരിനിൽക്കവെ ഗ്രീല്ലും കട്ടളയും അടർന്നുവീഴുകയായിരുന്നെന്ന് പറയുന്നു. മാത്രമല്ല കട്ടളയുടെ ഒരുപാളി ഇവരുടെ തോളിലാണ് വീണത്. എന്നാൽ ഈ സമയം തിരക്ക് കുറവായിരുന്നതിനാൽ വൻ അപകടം ആണ് വഴിമാറിയത്.

മാത്രമല്ല ഇവിടെ സദ്യാലയത്തിന്റെ ഭിത്തികൾ വിണ്ടുകീറി ജനലുകളും വാതിലുകളും പൊളിഞ്ഞ് ഇളകിമാറിയ നിലയിലാണ്. ഒപ്പം തന്നെ വൈദ്യുതി വയറുകൾ നശിച്ച് ഭിത്തിയിൽനിന്ന് അടർന്നുമാറിയും, മേൽക്കൂര അടർന്നുമാറി ആസ്ബസ്റ്റോസ് ഷീറ്റ് പൊട്ടി മാറിയത് കാരണം മഴവെള്ളം സദ്യാലയത്തിനുള്ളിൽ വീഴുകായും ചെയ്യും. ഫാനുകൾ തുരുമ്പിച്ച് താഴെ വീഴാറായ നിലയിലും ശൗചാലയവും കുളിമുറിയും ഉപയോഗ്യശൂന്യമായും കിടക്കുകയാണ്.