ഭാര്യയെ കൊലപ്പെടുത്തി ഭര്‍ത്താവ് ആത്മഹത്യ ചെയ്തു.... സാമ്പത്തിക പ്രതിസന്ധിയാണ് കുടുംബ പ്രശ്‌നങ്ങളിലേക്ക് നയിച്ചതെന്ന് പ്രാഥമിക നിഗമനം. 

ഭാര്യ ലളിതയെ വെട്ടികൊലപ്പെടുത്തി കുറ്റിപ്പിള്ളിശേരി ശശിയാണ് ആത്മഹത്യ ചെയ്തത്. ശശിയുടെ മൃതദേഹം ഫോര്‍ട്ട് കൊച്ചി തീരത്ത് നിന്ന് കണ്ടെത്തി.

സാമ്പത്തിക പ്രതിസന്ധിയാണ് കുടുംബ പ്രശ്‌നങ്ങളിലേക്ക് നയിച്ചതെന്നും തുടര്‍ന്നാണ് കൃത്യം നടത്തി ശശി ആത്മഹത്യ ചെയ്യുകയായിരുന്നുവെന്നുമാണ് പ്രാഥമിക നിഗമനത്തിലുള്ളത്.

അതേസമയം മേളം കലാകാരനായ മകന്‍ ഉത്സവപരിപാടി കഴിഞ്ഞ് വ്യാഴാഴ്ച പുലര്‍ച്ചെ വീട്ടിലെത്തിയപ്പോഴാണ് ലളിതയെ വെട്ടേറ്റനിലയില്‍ കണ്ടത്. ഉടന്‍തന്നെ ബന്ധുക്കളെയും കൂട്ടി ആശുപത്രിയില്‍ എത്തിച്ചെങ്കിലും മരണം സംഭവിച്ചിരുന്നു. ഇതിനിടെയാണ് ശശിയെ വീട്ടില്‍ കാണാനില്ലെന്ന വിവരമറിഞ്ഞത്.

ഭാര്യയെ കൊലപ്പെടുത്തിയ ശേഷം വീട്ടില്‍ നിന്നിറങ്ങിയ ശശി വൈപ്പിനിലെത്തി റോ-റോ ഫെറി സര്‍വീസില്‍ കയറിയെന്നാണ് വിവരം. ഇന്ന് രാവിലെ ആറരയ്ക്ക് വൈപ്പിനില്‍നിന്ന് ഫോര്‍ട്ട ്കൊച്ചിയിലേക്കുള്ള റോ-റോ ജങ്കാറിലാണ് ശശി യാത്രചെയ്തിരുന്നത്. യാത്രയ്ക്കിടെ ഇയാള്‍ റോ-റോ സര്‍വീസില്‍നിന്ന് കായലിലേക്ക് ചാടുകയായിരുന്നു.

തിരച്ചില്‍ നടത്തുന്നതിനിടെ ഫോര്‍ട്ട്കൊച്ചിയില്‍ വാട്ടര്‍ മെട്രോ ജെട്ടിക്ക് സമീപം ഒരാള്‍ കായലില്‍ ചാടി മരിച്ചെന്ന വിവരം ലഭിച്ചു. തുടര്‍ന്നാണ് മരിച്ചത് ശശിയാണെന്ന് തിരിച്ചറിയാന്‍ കഴിഞ്ഞത്.