ലൈഫ് മിഷന്‍ കോഴക്കേസും,സ്വര്‍ണ്ണക്കടത്ത് കേസും രാജ്യതാല്പര്യത്തിന് എതിരാണെന്ന് കണ്ടെത്തിയയതോടെ കേസിന്റ വിസധമായ പഠനത്തിനായി ഫയലുകള്‍ കോടതില്‍ ഹാജരാക്കാന്‍ ഇഡിയോട് പ്രത്യേക കോടതി ജഡ്ജി ആവശ്യപ്പെട്ടു. രണ്ട ്‌കേസകുളുടെയും മുഖ്യസൂത്രധാരനും നടത്തിപ്പുകാരനും ശിവശങ്കറാണ്. കേഴയായി ലഭിച്ച പണം പോലും വിദേസത്തേയക്ക് കടത്തിയതിലൂടെ ്‌ന്വേഷണ സംഘം തീവ്രവാദ പ്രവര്‍ത്തന ആരോപണവും മുന്നോട്ട് വെച്ച സാഹചര്യത്തിലാണ് കോടതി ഫയലുകള്‍ ആവശ്യപ്പെട്ടിരിക്കുന്നത്. ഇന്ന കോടതിയില്‍ ഫയലുകള്‍ ഹാജരാക്കുന്നതോടൊപ്പമാണ് ശിവശങ്കറിന്റെ ജാമ്യഹര്‍ജിയും പരിഗണിക്കുന്നത്.

ലൈഫ് മിഷന്‍ കരാറുമായി ബന്ധപ്പെട്ട കള്ളപ്പണം വെളുപ്പിക്കല്‍ ഇടപാടിന്റെ മുഖ്യ ആസൂത്രകന്‍ മുഖ്യമന്ത്രിയുടെ മുന്‍ പ്രിന്‍സിപ്പല്‍ സെക്രട്ടറി എം.ശിവശങ്കറാണെന്ന് എന്‍ഫോഴ്‌സ്‌മെന്റ് ഡയറക്ടറേറ്റ് ഹൈക്കോടതിയില്‍ അറിയിച്ചു. കേസില്‍ ശിവശങ്കറിന്റെ ജാമ്യാപേക്ഷയെ എതിര്‍ത്തുള്ള വാദത്തിനിടെയാണു ഇഡിക്കു വേണ്ടി ഹാജരായ അഡീഷനല്‍ സോളിസിറ്റര്‍ ജനറല്‍ ആര്‍.ശങ്കരനാരായണന്‍ ഇക്കാര്യം പറഞ്ഞത്.  ശിവശങ്കറിന്റെ അഭിഭാഷകന്‍ സമയം തേടിയതിനെ തുടര്‍ന്നു ഹര്‍ജി ഇന്ന് പരിഗണിക്കാന്‍ ജസ്റ്റിസ് എ.ബദറുദ്ദീന്‍ മാറ്റി.

യുഎഇ റെഡ് ക്രെസന്റ് നല്‍കിയ 19 കോടിയില്‍ 4.5 കോടി രൂപ കോഴയായി നല്‍കിയാണു സന്തോഷ് ഈപ്പന്റെ യൂണിടാക് കമ്പനി ലൈഫ് മിഷന്‍ പദ്ധതിയുടെ നിര്‍മാണ കരാര്‍ നേടിയതെന്നാണ് ഇഡി കേസ്. കേസില്‍ 9-ാം പ്രതിയാണ് ശിവശങ്കര്‍. ഉന്നത സര്‍ക്കാര്‍ ഉദ്യോഗസ്ഥര്‍ക്കും കോണ്‍സുലേറ്റ് ഉദ്യോഗസ്ഥര്‍ക്കും കമ്മിഷന്‍ നല്‍കിയതായി സന്തോഷ് ഈപ്പന്‍ സമ്മതിച്ചിട്ടുണ്ട്. യു.വി. ജോസ് നല്കിയ മൊഴിയിലും കൈക്കൂലി വാങ്ങിയതിന്റെ തെളിവുകള്‍ നല്കിയിട്ടുണ്ട്. കമ്മിഷനില്‍ ഒരു ാഗം യു.വി.ജോസും കൈപറ്റിയിട്ടുണ്ട്. ശിവശങ്കറിന് ജാമ്യം നല്കിയാല്‍ കൂട്ടുപ്രതികളെയും സാക്ഷികളെയും സ്വാധനിക്കാന്‍ സാധ്യതയുണ്ടെന്നും വിലയിരുത്തപ്പെടുന്നുണ്ട്.

കോഴപ്പണത്തില്‍ 1.90 ലക്ഷം ഡോളര്‍ വിദേശത്തേക്ക് അയച്ചു എന്ന് ഇഡി അറിയിച്ചു. കുറ്റകൃത്യത്തില്‍നിന്നു ലഭിച്ച പണത്തിന്റെ വഴികള്‍ അന്വേഷിക്കേണ്ടതുണ്ട്. സ്വര്‍ണക്കടത്ത്, കൈക്കൂലി എന്നിവയിലൂടെ ലഭിച്ച പണം ഡോളറാക്കി നയതന്ത്ര ചാനല്‍ വഴി വിദേശത്തേക്കു കടത്തിയതു  തീവ്രവാദ പ്രവര്‍ത്തനമാണ്. ഉന്നത സ്ഥാനമാനങ്ങള്‍ വഹിച്ച ശിവശങ്കര്‍ തെളിവുകള്‍ നശിപ്പിക്കാനും അന്വേഷണത്തെ തടസ്സപ്പെടുത്താനും സാധ്യതയുണ്ട്. അസുഖ ബാധിതനാണെന്ന പേരില്‍ ജാമ്യം നല്‍കുന്നതിനെയും ഇഡി എതിര്‍ത്തു.

ഡോളര്‍ കടത്തിയ കേസ് മുന്‍പ് റജിസ്റ്റര്‍ ചെയ്ത കേസുമായി ബന്ധപ്പെട്ട് അന്വേഷിക്കാനാകില്ലേ എന്നു കോടതി വാക്കാല്‍ ചോദിച്ചു. ഒരേ വസ്തുതകളുടെ അടിസ്ഥാനത്തില്‍ വീണ്ടും എഫ്‌ഐആര്‍ റജിസ്റ്റര്‍ ചെയ്തിരിക്കുകയാണെന്ന വാദം തെറ്റാണ്. നയതന്ത്ര ചാനല്‍ വഴിയുള്ള സ്വര്‍ണക്കടത്ത് കേസും ലൈഫ് മിഷന്‍ കോഴക്കേസും രണ്ടാണെന്നും ഇഡി വ്യക്തമാക്കി. സ്വര്‍ണ്ണക്കടത്ത് കേസിന് തീവ്രവാദ ബന്ധമാണ് ഇഡി ആരോപിക്കുന്നത്. കോടികള്‍ പലവഴിക്ക് വന്ന് മറിഞ്ഞതും അവ വിദേശത്തേയ്ക്ക് കടത്തിയതും ഇഡി കണ്ടെത്തിയിട്ടുണ്ട്. വിദേശത്ത് ആരുടെ പക്കലാണ് ഈ പണം എത്തിയതെന്ന് ഇഡി വ്യക്തമാക്കിയിട്ടില്ല.

ശിവശങ്കറിന്റെ നിര്‍ദേശത്തെ തുടര്‍ന്നാണ് സ്വപ്ന സുരേഷും ചാര്‍ട്ടേഡ് അക്കൗണ്ടന്റ് വേണുഗോപാലും ബാങ്ക് ലോക്കര്‍ ആരംഭിച്ചത്. അന്വേഷണവുമായി ശിവശങ്കര്‍ സഹകരിക്കുന്നില്ല. അന്വേഷണത്തില്‍ രാഷ്ട്രീയം ഉണ്ടെന്ന് വരുത്തി തീര്‍ക്കാനാണു ശിവശങ്കര്‍ ശ്രമിക്കുന്നതെന്ന് ഇഡിയുടെ വിശദീകരണത്തില്‍ പറയുന്നു. ഇഡിയുടെ വാദങ്ങളില്‍ തെളിവ് ശേഖരിക്കാനാണ് കോടതി ഫയലുകള്‍ ആവശ്യപ്പെട്ടിരിക്കുന്നത്. ശിവശങ്കറിന് എങ്ങനെ വിദേശ ബന്ധവും തീവ്രവാദ ബന്ധവും വന്നുവെന്ന് കണ്ടെത്തണമെന്നും കോടതി നിര്‍ദ്ദേശിച്ചു. ഇഡിയുടെ വാദം ശരിയാണോയെന്ന് പരിശോധിക്കാനാണ് കോടതി ഫയലുകള്‍ ഹാജരാക്കാന്‍ ആവശ്യപ്പെട്ടിരിക്കുന്നത്.

അതേസമയം ലെഫ് മിഷന്‍ കേസുമായി ബന്ധപ്പെട്ട് അറസ്റ്റു ചെയ്ത് യൂണിടാക് എംഡി സന്തോഷ് ഈപ്പ്‌ന് ഉപാധികളോടെ ജാമ്യം അനുവദിച്ചു. കേസുമായി ബന്ധപ്പെട്ട് പരമാവധി വിവരങ്ങള്‍ ശേഖരിച്ച ശേഷമാണ് സന്തോഷ് ഈപ്പന് ജാമ്യം അനുവദിച്ചത്.എന്നാല്‍ യു.വി.ജോസ്, സി.എം.രവീന്ദ്രന്‍ എന്നിവരെ ചോദ്്യം ചെയ്ത് വിട്ടയച്ചു. അവരുടെ കാര്യത്തില്‍ അറസ്റ്റിലേയ്ക്ക് കടന്നിട്ടില്ലെന്നതും സംശയമുളവാക്കുന്നുണ്ട്. കൂടുതല്‍ തെളവുകള്‍ ശേഖരിച്ച് അറസ്റ്റിലേയ്ക്ക് കടക്കാനാണ് ഇഡി തീരുമാനമെന്നറിയുന്നു.