സ്ത്രീകൾക്കെതിരെയുള്ള അതിക്രമങ്ങൾ എത്ര കാലം കഴിഞ്ഞാലും ഇവിടെ തുടർന്ന് കൊണ്ടേ ഇരിക്കും...അതിപ്പോൾ ലോകത്തിന്റെ ഏത് ഭാഗത്തായാൽ പോലും...അതുകൊണ്ട് തന്നെ ഏറ്റവും നല്ല സുരക്ഷാ ഒരുക്കേണ്ടത് അതത് സംസ്ഥാങ്ങളിലെ ഭരണാധികാരികൾ തന്നെയാണ്...ഇപ്പോഴിതാ മറ്റൊരു മാറ്റത്തിനു ഒരുങ്ങുകയാണ് നമ്മുടെ സംസ്ഥാന സർക്കർ..ഒറ്റയ്ക്കു യാത്ര ചെയ്യുന്ന സ്ത്രീകൾക്കു രാത്രി 10 മുതൽ രാവിലെ 6 വരെ അവർ ആവശ്യപ്പെടുന്നിടത്തു കെഎസ്ആർടിസി ബസ് നിർത്തിക്കൊടുക്കണമെന്നു ഗതാഗതവകുപ്പ് ഉത്തരവിറക്കി. സ്ത്രീകൾക്കൊപ്പം കുട്ടികളുണ്ടെങ്കിലും ഇതു ബാധകമാണ്. ‘മിന്നൽ’ ബസുകൾ ഒഴികെ എല്ലാ സൂപ്പർ ക്ലാസ് ബസുകളും ഇത്തരത്തിൽ നിർത്തണം. മിന്നൽ ഒഴികെ എല്ലാ സർവീസുകളും രാത്രിയിൽ യാത്രക്കാർ ആവശ്യപ്പെടുന്നിടത്തു നിർത്തിക്കൊടുക്കണമെന്നു 2022 ജനുവരിയിൽ കെഎസ്ആർടിസി എംഡി കർശനനിർദേശം നൽകിയിരുന്നു.

എന്നാൽ പിന്നീടും രാത്രി ഒറ്റയ്ക്കു യാത്ര ചെയ്യുന്ന സ്ത്രീകൾ ആവശ്യപ്പെട്ടാലും സ്റ്റോപ്പിൽ മാത്രമേ ഇറക്കൂ എന്നു കണ്ടക്ടർ നിർബന്ധം പിടിക്കുകയും സുരക്ഷിതമല്ലാത്ത സ്ഥലത്ത് ഇറക്കിവിടുകയും ചെയ്യുന്നുവെന്ന പരാതികൾ വരുന്നതിനാലാണ് പ്രത്യേക ഉത്തരവിറക്കാൻ മന്ത്രി ആന്റണി രാജു നിർദേശിച്ചത്. ഏതായാലും മാതൃക പരമായ ഈ ഒരു തീരുമാനം എടുക്കുന്നതിലൂടെ കുറച്ചും കൂടി നമ്മുടെ നാട്ടിലെ സ്ത്രീകളും പെൺകുട്ടികളും സുരക്ഷിതരാവും..ഇന്ന് എവിടെ പോയാലും ഒറ്റക്കൊരു സ്ത്രീ നിൽക്കുന്നത് കണ്ടാൽ..അവരെ സംരക്ഷിക്കാൻ നോക്കാതെ അതൊരു അവസരമായി കാണുന്ന ഒരു കൂട്ടം ആളുകൾ ഇപ്പോഴും നമ്മുടെ നാട്ടിൽ ഉണ്ട്..എത്രയൊക്കെ പ്രതിരോധിക്കാൻ ശ്രമിച്ചാലും ..ഒരു പക്ഷെ നമ്മുക്ക് സാധിച്ചെന്ന് വരില്ല..

ആ സാഹചര്യത്തിൽ ഇതുപോലെയുള്ള സംവിധാങ്ങൾ നമ്മുടെ നാട്ടിൽ കൊണ്ട് വരുന്നതിലൂടെ രാത്രി യാത്ര ചെയേണ്ടി വരുന്ന സ്ത്രീകൾക്കും കുട്ടികൾക്കും അത് ഒരുപോലെ ഗുണം ചെയ്യും. ഒന്നുമില്ലെങ്കിലും സുരക്ഷിതമായ ഇടങ്ങളിൽ ഇറങ്ങാനായി സാധിക്കും.അതുകൊണ്ട് ഏറ്റവും നല്ല നടപടിയായിട്ടാണ് ജനങ്ങൾ ഇതിനെ കാണുന്നത്..ഗതാഗത വകുപ്പിന്റെ ഈ തീരുമാനത്തെ വളരെ സന്തോഷത്തോടെയാണ് സ്ത്രീകൾ എടുത്തിരിക്കുന്നത്..പലഭാഗങ്ങളിൽ നിന്നും പ്രശംസ ലഭിക്കുന്നുണ്ട് ഗതാഗതവകുപ്പിന്..