സ്വപ്നസുരേഷിന്റെ പിണറായി വിജയനും സര്ക്കാരിനുമെതിരെയുള്ള ആരോപണങ്ങള് ലൈവായി നിറുത്തേണ്ടത് സിപിഎമ്മിന്റെ ആവശ്യമായി മാറിയിരിക്കുന്നു. സ്വപ്ന വെളിപ്പെടുത്തല് നടത്തി മാധ്യമ ശ്രദ്ധയില് വന്നില്ലെങ്കിലും സര്ക്കാര് പോലീസിനെ കൊണ്ട് എന്തെങ്കിലും പണി ഒപ്പിച്ച് സ്വപ്ന വിഷയം ലൈവായി നിറുത്തും
സ്വപ്നസുരേഷിന്റെ പിണറായി വിജയനും സര്ക്കാരിനുമെതിരെയുള്ള ആരോപണങ്ങള് ലൈവായി നിറുത്തേണ്ടത് സിപിഎമ്മിന്റെ ആവശ്യമായി മാറിയിരിക്കുന്നു. സ്വപ്ന വെളിപ്പെടുത്തല് നടത്തി മാധ്യമ ശ്രദ്ധയില് വന്നില്ലെങ്കിലും സര്ക്കാര് പോലീസിനെ കൊണ്ട് എന്തെങ്കിലും പണി ഒപ്പിച്ച് സ്വപ്ന വിഷയം ലൈവായി നിറുത്തും. കാരണം സര്ക്കാരിനെതിരെ ഉയര്ന്നുന്ന വരുന്ന അഴിമതിയും രാഷ്ട്രീയ പ്രശ്നങ്ങളും ഒരു പരിധിവരെ മറച്ചു പിടിക്കാന് സ്വപ്നാ വിഷയം സര്ക്കാരിനെ സഹായിക്കുന്നുണ്ട്. ഇപ്പോഴിതാ ബാംഗ്ലൂര് പോയി സ്വപ്നയെ അന്വേഷണത്തിന്റെ പേരില് പോലീസ് ഇളക്കി വിട്ടിരിക്കുകയാണ്.
നയതന്ത്ര ബാഗേജ് സ്വര്ണക്കടത്ത് കേസ് പ്രതി സ്വപ്ന സുരേഷ് മുഖ്യമന്ത്രിയെയും സിപിഎം സംസ്ഥാന സെക്രട്ടറിയെയും അപമാനിക്കാന് സമൂഹമാധ്യമങ്ങളിലൂടെ ശ്രമിച്ചു എന്ന കേസിലാണ് പൊലീസ് ബെംഗളൂരുവില് എത്തിയത്. സിപിഎം ഏരിയ സെക്രട്ടറി കെ.സന്തോഷിന്റെ പരാതിയില് എടുത്ത കേസിലാണ് ഇന്സ്പെക്ടര് എ.വി.ദിനേശിന്റെ നേതൃത്വത്തിലുള്ള പൊലീസ് സംഘം ബെംഗളൂരുവില് എത്തിയത്. കഴിഞ്ഞ ദിവസം സംഘം വിജേഷ് പിള്ളയുടെ മൊഴി രേഖപ്പെടുത്തിയിരുന്നു. വിജേഷ് പിള്ളയും സ്വപ്ന സുരേഷും തമ്മില് കൂടിക്കാഴ്ച നടത്തിയെന്നു പറയുന്ന ഹോട്ടല് ലോബിയിലും മറ്റും പൊലീസ് സംഘം പരിശോധന നടത്തി.
കൂടിക്കാഴ്ചയുടെ സാഹചര്യങ്ങളും സംഘം പരിശോധിച്ചു. സ്വപ്നയുടെ മൊഴി രേഖപ്പെടുത്താനൊരുങ്ങുന്നതേയുള്ളൂ. ഗോവിന്ദനെതിരെ സ്വപ്ന ഉന്നയിച്ചു എന്നു പറയുന്ന അടിസ്ഥാനമില്ലാത്ത ആരോപണം അന്വേഷിക്കാന് ഖജനാവിലെ തുക ചിലവഴിച്ച് പോലീസിന്റെ വിലപ്പെട്ട സമയവും ഇല്ലാതാക്കി കളയുന്നതില് നിന്നും സ്വപ്ന വിഷയം ലൈവാക്കി നിറുത്താനുള്ള തത്രപാടിലാണ് സര്ക്കാരെന്ന് അനുമാനിക്കുന്നു. എന്നാല് പിണറായി വിജയനും കുടുംബത്തിനും എതിരെയാണ് സ്വപ്ന കടുത്ത ഭാഷയില് ആരോപണം ഉന്നയിച്ചു കൊണ്ടിരിക്കുന്നത്. അതിനെതിരെ കേസ് നടത്താനായി സര്ക്കാര് പണം ചിലവഴിച്ചിരുന്നെങ്കില് കേസന്വേഷണത്തിന്റെ സത്യസന്ധത മനസിലാക്കാമായിരുന്നു.
മുഖ്യമന്ത്രി പിണറായി വിജയനും കുടുംബത്തിനും എതിരായ ആരോപണങ്ങള് പിന്വലിക്കാന് സിപിഎം സംസ്ഥാന സെക്രട്ടറി എം.വി.ഗോവിന്ദന് 30 കോടി വാഗ്ദാനം ചെയ്തുവെന്ന് വിജേഷ് പിള്ള തന്നോട് പറഞ്ഞതായി സ്വപ്ന സുരേഷ് നടത്തിയ ഫെയ്സ്ബുക് വെളിപ്പെടുത്തലിനെതിരെയാണു കെ.സന്തോഷ് പരാതി നല്കിയത്. കേസില് ആരോപണ വിധേയനായ വിജേഷ് പിള്ളയേയും തളപറമ്പ് പോലീസ് ചോദ്യം ചെയ്തിരുന്നു.
എന്നാല് ഇത്തരമൊരു ആരോപണത്തെ കുറിച്ച് തനിക്ക് അറിയില്ലെന്ന് വിജേഷ് പിള്ള നേരത്തേ നല്കിയ മൊഴിയില് തന്നെ ഉറച്ചു നിന്നതായാണു സൂചന. എം.വി.ഗോവിന്ദന്റെ ദൂതനായി താന് ചെന്നിട്ടില്ലെന്നും സിനിമാ മേഖലയില് പ്രവര്ത്തിക്കുന്ന താന് ഇതുമായി ബന്ധപ്പെട്ട കാര്യങ്ങള്ക്കാണ് സ്വപ്നയെ ഹോട്ടല് മുറിയില്വച്ച് കണ്ടതെന്നും ദൃശ്യങ്ങള് ഹോട്ടലില് നിന്ന് എടുത്ത് ആര്ക്ക് വേണമെങ്കിലും പരിശോധിക്കാമെന്നും വിജേഷ് മൊഴി നല്കി.
സ്വപ്നയുടെ അടിസ്ഥാന രഹിതമായ ആരോപണത്തിനെതിരെ താന് ഡിജിപിക്ക് നേരത്തേ തന്നെ പരാതി നല്കിയിരുന്നുവെന്നും മാനനഷ്ട കേസ് ഫയല് ചെയ്തതായും വിജേഷ് പിള്ള പറഞ്ഞിരുന്നു.സ്വ്പനയുടെ ആരോപണത്തിനെതിരെ പത്ത് കോടി നഷ്ടപരിഹാരം ആവശ്യപ്പെട്ടു കൊണ്ട് എം.വി.ഗോവിന്ദന് വക്കീല് നോട്ടീസയച്ചിരുന്നു. മറുപടി പോലും അര്ഹിക്കാത്ത നോട്ടീസെന്ന് പരിഹസിച്ചു കൊണ്ട് സ്വപന സുരേഷ് അതിനെ തള്ളിക്കളഞ്ഞിരുന്നു. അതിന് പിന്നാലെയാണ് പോലീസിന്റെ അന്വേഷണ പ്രഹസനം അരങ്ങേറുന്നത്.
അതേസമയം മുഖ്യമന്ത്രിക്കെതിരായ ആരോപണങ്ങള് പിന്വലിക്കാന് 30 കോടി രൂപ വാഗ്ദാനം ചെയ്തുവെന്ന ആരോപണത്തില് എം.വി.ഗോവിന്ദന് നല്കിയ മാനനഷ്ടം തേടിയുള്ള വക്കില് നോട്ടിസിന് വിജേഷ് പിള്ള മറുപടി നല്കിയിരുന്നു.എം.വി.ഗോവിന്ദനെയോ സ്വപ്ന സുരേഷ് നടത്തിയ ആരോപണങ്ങളെ കുറിച്ചോ തനിക്ക് അറിയില്ലെന്നാണ് വിജേഷ് പിള്ള മറുപടി നല്കിയത്. സ്വപ്ന സുരേഷ് നടത്തിയ ആരോപണങ്ങള് മാത്രമാണ് അവയെന്നും തനിക്ക് അതിനെ കുറിച്ച് യാതൊന്നും അറിയില്ലെന്നും വിജേഷ് പിള്ള മറുപടിയില് പറയുന്നു.
ലോകായുക്ത കേസും മുഖ്യമന്ത്രിയുടെ ഇഫ്താര് വിരുന്നും സര്ക്കാരിനെ തിരഞ്ഞു കുത്തി കൊണ്ടിരിക്കുന്ന സാഹചര്യത്തില് ജനശ്രദ്ധ തിരിച്ചു വിടേണ്ടത് അത്യാവശ്യമാണെന്ന് സര്ക്കാരിനറിയാം. ഉടനെ സ്വപ്നയുടെ കേസ് പൊടു തട്ടിയെടുത്ത് ഒരു സംഘം പോലീസുകാരെ ബാംഗ്ലൂരിലേയ്ക്ക് അയയ്ക്കുകയായിരുന്നു. നിയമത്തിന്റെ ഏഴയലത്ത് പോലും നില്ക്കാത്ത കേസാണെന്നറിഞ്ഞു കൊണ്ടാണ് പോലീസ് ബാംഗ്ലൂരിലേയക്ക് പോയിരിക്കുന്നത്. സ്വപന വിഷയം ഒന്ന് കത്തിയാല് പലവിഷയങ്ങളില് നിന്നും സര്ക്കാരിന് കരകയറാനാകും. മിക്കപ്പോഴും സര്ക്കാര് ജനങ്ങളെ പറ്റിക്കുന്നതും ഇത്തരം പൊടിക്കൈകള് പ്രയോഗിച്ചാണെന്നതാണ് വാസ്തവം. .
https://www.facebook.com/Malayalivartha
