സസ്പെന്സില് കേരളം... കേരളത്തിലെ ഈസ്റ്റര് ബിജെപിയ്ക്ക് വന്വിജയം; കമ്മ്യൂണിസ്റ്റുകാരും കോണ്ഗ്രസുകാരും കൂടി വിവാദമുണ്ടാക്കി ബിഷപ്പുമാരെ അനുകൂലമാക്കി; കേരള രാഷ്ട്രീയത്തില് നാടകീയ സംഭവങ്ങള് ആസന്നമെന്ന് ജാവഡേക്കര്; പെരുന്നാള് ദിനത്തില് മുസ്ലിം വീടുകള് സന്ദര്ശിക്കും
ഒരുകാലത്ത് ശ്രീകൃഷ്ണ ജയന്തിയായിരുന്നു കേരളത്തിലെ ബിജെപിക്കാരുടെ ഏക ആഘോഷം. അതിന്റെ പ്രശസ്തി മനസിലാക്കി ചില കമ്മ്യൂണിസ്റ്റുകാര് അതേറ്റെടുക്കാന് നോക്കി വിജയിച്ചില്ല. ഇപ്പോഴിതാ ഈസ്റ്ററും പെരുന്നാളുമെല്ലാം ആഘോഷിക്കുകയാണ് ബിജെപി.
നാടകീയമായ സംഭവവികാസങ്ങള്ക്കു വരും ദിവസങ്ങളില് കേരള രാഷ്ട്രീയം സാക്ഷ്യംവഹിക്കുമെന്നു ബിജെപി കേരള പ്രഭാരി (സംസ്ഥാന ചുമതലക്കാരന്) പ്രകാശ് ജാവഡേക്കര് വ്യക്തമാക്കിയിരിക്കുകയാണ്.
ഈസ്റ്റര് ദിനത്തില് ക്രൈസ്തവരുടെ വീടുകള് സന്ദര്ശിച്ചതു പോലെ, പെരുന്നാള് ദിനത്തില് മുസ്ലിം വീടുകള് സന്ദര്ശിക്കാന് ബിജെപി പ്രവര്ത്തകര്ക്ക് നിര്ദേശം.
പെരുന്നാളിന് മുസ്ലിം വീടുകളില് എത്തി ഈദ് മുബാറക്ക് ആശംസകള് നേരണമെന്ന് കേരളത്തിന്റെ ചുമതലയുളള പ്രഭാരി പ്രകാശ് ജാവഡേക്കറാണ് നിര്ദേശം നല്കിയത്. വിഷുവിന് വീടുകളിലേക്ക് ക്ഷണിച്ച് കൈനീട്ടം നല്കണമെന്നും ജാവഡേക്കര് നിര്ദ്ദേശിച്ചു.
ഈസ്റ്റര് ദിനത്തില് ബിജെപി നേതാക്കള് സംസ്ഥാനത്തെ ക്രൈസ്തവ സഭാ അധ്യക്ഷന്മാരെ സന്ദര്ശിച്ചും പ്രവര്ത്തകര് ക്രൈസ്തവ വീടുകളിലേക്കും പള്ളികളിലേക്കും സ്നേഹയാത്ര നടത്തിയും പ്രധാനമന്ത്രി നരേന്ദ്ര മോദിയുടെ ഈസ്റ്റര് സന്ദേശം കൈമാറിയിരുന്നു. സന്ദേശമായി വീടുകളില് എത്തിക്കാന് 8 ലക്ഷം കാര്ഡുകളാണ് കേരളത്തില് തയാറാക്കിയത്. സമാനമായ രീതിയിലായിരിക്കും പെരുന്നാളിന് ബിജെപി ഭവന സന്ദര്ശനം നടത്തുന്നത്.
ഏതു മതമായാലും ജാതിയായാലും നാമെല്ലാം ഇന്ത്യന് പൗരന്മാരാണെന്ന സന്ദേശമാണ് പ്രധാനമന്ത്രി നരേന്ദ്ര മോദി മുന്നോട്ടുവയ്ക്കുന്നത്. അതിന്റെ ഭാഗമായാണ് ഈസ്റ്റര് ദിനത്തില് പ്രധാനമന്ത്രിയും ബിജെപി നേതാക്കളും ക്രിസ്തീയ ദേവാലയങ്ങളും ഭവനങ്ങളും സന്ദര്ശിച്ചത്. വിഷുദിനത്തില് മുസ്ലിം ക്രിസ്ത്യന് മതക്കാരെ വീടുകളിലേക്കു ക്ഷണിക്കാനും കൈനീട്ടമടക്കം നല്കാനും ബിജെപി പ്രവര്ത്തകര് തയാറാകണം. ഈദിനു മുസ്ലിം ഭവനങ്ങള് സന്ദര്ശിക്കണം ജാവഡേക്കര് പറഞ്ഞു.
അതസമയം കേരളത്തില് ബിജെപിയ്ക്ക് സ്വീകാര്യത കൂടുകയാണ്. പ്രധാനമന്ത്രി നരേന്ദ്ര മോദി മികച്ച നേതാവാണെന്നും ബിജെപി ഭരണത്തില് ക്രിസ്ത്യന് സമൂഹത്തിന് അരക്ഷിതാവസ്ഥയുണ്ടെന്നു പറയാനാകില്ലെന്നും സിറോ മലബാര് സഭ മേജര് ആര്ച്ച് ബിഷപ് കര്ദിനാള് മാര് ജോര്ജ് ആലഞ്ചേരി. ഒരു ഇംഗ്ലിഷ് ദിനപത്രത്തിനു നല്കിയ അഭിമുഖത്തിലാണ് അദ്ദേഹം ഇതു പറഞ്ഞത്. തുടര്ന്നു ചില വാര്ത്താചാനലുകളോടും അദ്ദേഹം ഇതേ രീതിയില് പ്രതികരിച്ചു.
ഒരുപക്ഷേ, ഇന്ത്യയില് ബിജെപിയുടെ സമ്പൂര്ണ ആധിപത്യം വന്നാല് ന്യൂനപക്ഷത്തിന് അരക്ഷിതാവസ്ഥയാകുമെന്നെല്ലാം പലരും പറയുന്നുണ്ട്. അത് എനിക്കറിഞ്ഞുകൂടാ. അങ്ങനെ സംഭവിക്കുമോ എന്നു പ്രവചിക്കാനൊന്നും സാധിക്കില്ലല്ലോ. ചില വ്യക്തികള് ജ്ഞാനസ്നാനം സ്വീകരിച്ചു ക്രിസ്തുമതം സ്വീകരിക്കുന്നതിനെ എതിര്ക്കുന്നതു ശരിയല്ലെന്നു ഞാന് മുന്പു ബിജെപി നേതാക്കളോടു പറഞ്ഞിട്ടുണ്ട്.
രാഷ്ട്രീയത്തില് പാര്ട്ടികള് മാറാമെങ്കില് മനുഷ്യനു മതവും മാറിക്കൂടേ. എന്തിനാണ് അതിനെ എതിര്ക്കുന്നത് എന്നും ചോദിച്ചു. നരേന്ദ്രമോദി മികച്ച നേതാവാണ്. നേതൃപരമായ പ്രാഗല്ഭ്യം വളര്ത്തിയാണ് അദ്ദേഹം വിജയിക്കുന്നത്. ആരുമായും ഏറ്റുമുട്ടലിനൊന്നും അദ്ദേഹം പോകുന്നില്ല. മറ്റെന്തെങ്കിലും പിഴവുണ്ടെങ്കിലും മനുഷ്യനു സുരക്ഷിതബോധമുണ്ടെങ്കില് അതെല്ലാം മറക്കുമെന്നും മാര് ആലഞ്ചേരി പറയുന്നു.
അതേസമയം, ഇംഗ്ലിഷ് പത്രത്തിനു നല്കിയ അഭിമുഖത്തില് പറഞ്ഞ കാര്യങ്ങളില് ചിലതു സന്ദര്ഭത്തില് നിന്ന് അടര്ത്തിയെടുത്തു ചിലര് വിവാദമാക്കുകയാണെന്നു സിറോ മലബാര് സഭാ വക്താവ് ഫാ.ആന്റണി വടക്കേക്കര പ്രതികരിച്ചു. അഭിമുഖത്തില് പറയുന്ന കാര്യങ്ങളോടു ചേര്ന്നുപോകുന്നതല്ല ഈ വാചകങ്ങള്. വഴിതെറ്റിക്കുന്ന തലവാചകം നല്കിയതാണു പ്രശ്നമായതെന്നും അദ്ദേഹം ചൂണ്ടിക്കാട്ടി.
അതേസമയം ക്രൈസ്തവസഭാ തലവന്മാരുടേത് ബിജെപി പ്രീണനമാണെന്ന വിമര്ശനവുമായി എറണാകുളംഅങ്കമാലി അതിരൂപത മുഖപത്രം 'സത്യദീപം' രംഗത്തെത്തി.
https://www.facebook.com/Malayalivartha
