മലപ്പുറത്ത് കുനിയില് ഇരട്ടക്കൊലക്കേസില് 12 പ്രതികള് കുറ്റക്കാരാണെന്ന് കോടതി....പ്രതികളുടെ ശിക്ഷ 19ന് പ്രഖ്യാപിക്കും
കുനിയില് ഇരട്ടക്കൊല കേസില് 12 പ്രതികള് കുറ്റക്കാരാണെന്ന് മഞ്ചേരി അഡീഷണല് സെഷന്സ് കോടതി കണ്ടെത്തി. ഒന്ന് മുതല് 11 വരെ പ്രതികളും 18ാം പ്രതിയുമാണ് കുറ്റക്കാരനാണെന്ന് കണ്ടെത്തിയത്.
പ്രതികളുടെ ശിക്ഷ 19ന് പ്രഖ്യാപിക്കും. കേസില് 21 പ്രതികളാണ് വിചാരണ നേരിട്ടത്. കൊലപാതകം നടന്ന് 11 വര്ഷത്തിന് ശേഷത്തിന് ശേഷമാണ് കുനിയില് ഇരട്ടകൊല കേസില് വിധി വരുന്നത്.
2012 ജൂണ് 10നാണ് കൊളക്കാടന് അബ്ദുല് കലാം ആസാദ് (37), സഹോദരന് അബൂബക്കര് (48) എന്നിവരെ കുനിയില് അങ്ങാടിയില് രണ്ട് വാഹനങ്ങളിലായി മുഖംമൂടി ധരിച്ചെത്തിയ സംഘം വെട്ടിക്കൊലപ്പെടുത്തിയത്.
2012 ജനുവരി അഞ്ചിന് കുനിയില് അങ്ങാടിയില് ഫുട്ബാള് ക്ലബുകള് തമ്മിലുണ്ടായ തര്ക്കത്തിലും തുടര്ന്നുണ്ടായ സംഘര്ഷത്തിലും യൂത്ത് ലീഗിന്റെ സജീവ പ്രവര്ത്തകനായിരുന്ന കുറുവങ്ങാടന് അത്തീഖ് റഹ്മാന് കൊല്ലപ്പെടുകയും ലീഗ് പ്രവര്ത്തകനായ മുജീബ് റഹ്മാന് പരിക്കേല്ക്കുകയും ചെയ്തിരുന്നു.
അത്തീഖ് റഹ്മാന് വധക്കേസിലെ ആറ് പ്രതികളില് രണ്ട് പേരായിരുന്നു കൊളക്കാടന് സഹോദരന്മാര്. ഇവരെ കൊലപ്പെടുത്താനായി 2012 ഏപ്രിലില് ഗൂഢാലോചന നടത്തുകയും ജൂണ് 10ന് കൃത്യം നടത്തിയെന്നുമാണ് കേസിലുള്ളത്.
"
https://www.facebook.com/Malayalivartha