ലൈഫ് മിഷന്‍ കേസില്‍ എന്തുകൊണ്ട് സ്വപ്നയെ അറസ്റ്റ് ചെയ്യുന്നില്ല. ഇഡിയ്‌ക്കെതിരെ ചോദ്യശരങ്ങളുമായ് ഹൈക്കോടതി. ഇഡിക്ക് കനത്ത പ്രഹരം ഉണ്ടാക്കിയിരിക്കുകയാണ് കോടതിയുടെ ഈ ചോദ്യം. എന്നാല്‍ സിപിഎമ്മും സര്‍ക്കാരും ഇതൊരു ആയുധമാക്കുന്നു. എങ്ങനെയും സ്വപ്നയെ കേരളത്തില്‍ എത്തിക്കുക അകത്താക്കുകയെന്നത് മാത്രമാണ് ഇക്കൂട്ടരുടെ ആവശ്യം. അതിന് പതിനെട്ടടവും പയറ്റിയിരുന്നു. ഒന്നും ഏറ്റില്ല. ഒടുവിലിപ്പോള്‍ കോടതിയുടെ പരാമര്‍ശം ഒരുപഴുതായി കണ്ടിരിക്കുകയാണ് പാര്‍ട്ടിയും സര്‍ക്കാരും. സ്വപ്‌നയെക്കൊണ്ട് പൊറുതിമുട്ടിയിരിക്കുകയാണ് പിണറായി കൂട്ടര്‍. പാര്‍ട്ടി സെക്രട്ടറി മാനനഷ്ട കേസ് കൊടുത്തിട്ടും സ്വപ്‌ന പുല്ലുവില കൊടുക്കുന്നില്ല. കര്‍ണ്ണാടക പോലീസില്‍ പരാതി കൊടുത്ത് ഒരു കുരുക്കും ഇട്ടുവെച്ചിട്ടുണ്ട് പിണറായി.

ലൈഫ്മിഷന്‍ കേസില്‍ പ്രധാന പങ്കുള്ള വ്യക്തിയാണ് സ്വപ്‌ന സുരേഷ് എന്നും സ്വപ്‌നയുടെ അറസ്റ്റു വൈകുന്നത് ആശങ്കാജനകമാണെന്നും ചൂണ്ടിക്കാട്ടി കോടതി ഇ.ഡിയെ വിമര്‍ശിച്ചത്. ലൈഫ് മിഷന്‍ കേസില്‍ അറസ്റ്റു ചെയ്ത സന്തോഷ് ഈപ്പന്റെ ജാമ്യത്തിനു ശേഷം കേസില്‍ മറ്റു പ്രതികളെ ഇ.ഡി. അറസ്റ്റു ചെയ്തിരുന്നില്ല. ഇതാണ് കോടതി ചൂണ്ടിക്കാട്ടിയത്. എന്തു കൊണ്ട് സ്വപ്നയെ അറസ്റ്റു ചെയ്യുന്നില്ല എന്ന് കോടതി ചോദിച്ചു. അതോടെ വിമര്‍ശനത്തിന് നിയമപരമായി ഇ.ഡി ഉത്തരം നല്‍കേണ്ടി വരും. ഇഡിയുടെ അടുത്ത നീക്കം എന്തായിരിക്കുമെന്നത് കാതത്ിരുന്ന് കാണണം. കോടതിയില്‍ നിന്ന് ഇങ്ങനൊരു ചോദ്യം ഉണ്ടായ സ്ഥിതിക്ക് കൃത്യമായ മറുപടി പറയേണ്ടി വരും. പിണറായിയിലേക്ക് എത്താനുള്ള തെളിവുകളാണ് ഇഡി തേടുന്നത്. സ്വപ്‌നയില്‍ നിന്ന് എല്ലാ വിവരങ്ങളും കിട്ടിക്കഴിഞ്ഞു. ഇപ്പോഴും വാ തുറക്കാതെ പിണറായിക്ക് കവചം തീര്‍ത്തിരിക്കുന്നത് ശിവശങ്കരനാണ്. ഇനിയിപ്പോള്‍ കുറ്റം സ്വയം ഏറ്റെടുത്താലും ശിവശങ്കരന്റെ വായില്‍ നിന്ന് പിണറായിയുടെ പേര് വരാന്‍ പോകുന്നില്ല.

ജാമ്യം കിട്ടുമെന്ന വലിയ പ്രതീക്ഷയിലായിരുന്നു ശിവശങ്കരന്‍. ഇഡി നിരത്തിയ വാദങ്ങളില്‍ ശിവശങ്കരന്‍ മൂക്കുംകുത്തി താഴെ വീണു. ശിവശങ്കറിന് മുഖ്യമന്ത്രിയിലും ഭരണകക്ഷിയിലും ഉന്നത സ്വാധീനമെന്നും കോടതി ചൂണ്ടിക്കാട്ടി. ശിവശങ്കറിന് ജാമ്യം നിഷേധിച്ചു കൊണ്ടുള്ള ഉത്തരവിലാണ് ഹൈക്കോടതിയുടെ പരാമര്‍ശം. ശിവശങ്കറിന് ജാമ്യം നിഷേധിക്കുന്നത് മുഖ്യമന്ത്രിയ്ക്കു മേലും സര്‍ക്കാരിലും സ്വാധീനമുള്ളതിനാലാണെന്ന് കോടതി വ്യക്തമാക്കി. ഇത്തരത്തില്‍ സ്വാധീനമുള്ള വ്യക്തി കേസിലെ തെളിവു നശിപ്പിക്കാനും സാക്ഷികളെ സ്വാധീനിക്കാനും സാധ്യതയുണ്ട്. ഗുരുതരമായ കുറ്റകൃത്യത്തിനു ശേഷം സര്‍വീസില്‍ തിരിച്ചെത്തിയ ശിവശങ്കറിന് ഉന്നത സ്ഥാനം ലഭിക്കുകയും ആ സ്ഥാനത്ത് തുടരുകയും ചെയ്തു. അത് സര്‍ക്കാരിനു മേല്‍ ശിവശങ്കറിനുള്ള സ്വാധീനം തെളിയിക്കുന്നതാണെന്ന് കോടതി നിരീക്ഷിച്ചു. അതിനാല്‍ ആരോഗ്യപരമായ കാരണങ്ങള്‍ കൊണ്ട് ശിവശങ്കറിന് ജാമ്യം അനുവദിച്ചാല്‍ സ്വാധീനമുപയോഗിച്ച് കേസ് അട്ടിമറിക്കാന്‍ സാധ്യതയുണ്ടെന്ന ആശങ്കയാണ് ജാമ്യം നിഷേധിക്കുന്നതിന് കാരണമായി കോടതി ചൂണ്ടിക്കാട്ടിയത്.

ഇതിനിടെ സ്വപ്‌നയും എംവി ഗോവിന്ദനുമായുള്ള പോര് മുറുകുന്നു. താന്‍ വെളിപ്പെടുത്തിയ കാര്യങ്ങളെല്ലാം വിജേഷ് പിള്ള സമ്മതിച്ചതായി സ്വര്‍ണക്കടത്ത് കേസ് പ്രതി സ്വപ്ന സുരേഷ്. 30 കോടി വാഗ്ദാനം ചെയ്തതും എം.വി. ഗോവിന്ദന്റെ പേര് പരാമര്‍ശിച്ചതും വിജേഷ് സമ്മതിച്ചുവെന്ന് സ്വപ്‌ന തുറന്നടിച്ചിരിക്കുന്നത്. വിജേഷിനെതിരെ തെളിവുകളുണ്ട്. അത് അന്വേഷണ ഏജന്‍സിക്ക് കൈമാറിയിട്ടുണ്ട്. വിജേഷിന്റെ ആരോപണങ്ങള്‍ക്ക് പിന്നില്‍ എന്താണെന്ന് തെളിയിക്കേണ്ടത് അന്വേഷണ ഉദ്യോഗസ്ഥരാണ്, സ്വപ്ന സുരേഷ് കുറിപ്പില്‍ പറഞ്ഞു. എം.വി. ഗോവിന്ദന്‍ കൊടുക്കുമെന്ന് പറയുന്ന കേസുകളും നേരിടാന്‍ തയ്യാറാണെന്ന് പറഞ്ഞ സ്വപ്ന, മുഖ്യമന്ത്രിയെയും കുടുംബത്തിനെയും കൂടി കേസ് കൊടുക്കാന്‍ ഉപദേശിക്കണമെന്നും വെലല്ുവിളിച്ചിരിക്കുന്നത്. കേസുമായ് മുന്നോട്ട് പോകുമെന്ന് എംവി ഗോവിന്ദനും തുറന്നടിക്കുന്നു.