അരിക്കൊമ്പനെ പറമ്പിക്കുളത്തേക്ക് എത്തിക്കുന്നതില് പ്രതിഷേധിച്ച് നാളെ നെല്ലിയാമ്പതിയില് ഹര്ത്താല്...
അരിക്കൊമ്പനെ പറമ്പിക്കുളത്തേക്ക് എത്തിക്കുന്നതില് പ്രതിഷേധിച്ച് നാളെ നെല്ലിയാമ്പതിയില് ഹര്ത്താല്. പഞ്ചായത്ത് ഭരണസമിതിയുടെ നേതൃത്വത്തില് നെല്ലിയാമ്പതി പഞ്ചായത്തില് സംയുക്ത ഹര്ത്താല് ആണ് പ്രഖ്യാപിച്ചിരിക്കുന്നത്.
പഞ്ചായത്ത് പ്രസിഡന്റ് പ്രിന്സ് ജോസഫിന്റെ അധ്യക്ഷതയില് ചേര്ന്ന രാഷ്ട്രീയ പാര്ടി പ്രതിനിധികളുടെ യോഗത്തിലാണ് തീരുമാനമായത്. അരിക്കൊമ്പന് വിഷയത്തില് ഹൈക്കോടതി ഉത്തരവുകളെ ചോദ്യം ചെയ്ത് സുപ്രീം കോടതിയില് സംസ്ഥാന സര്ക്കാര് അപ്പീല് നല്കിയിരിക്കുകയാണ് . ഉപദ്രവകാരികളായ വന്യമൃഗങ്ങള്ക്കെതിരെ നടപടി എടുക്കാനുള്ള അധികാരം ചീഫ് വൈല്ഡ് ലൈഫ് വാര്ഡനാണെന്ന് ഹര്ജിയില് പറയുന്നു.
ഹൈക്കോടതിയുടെ ഉത്തരവുകള് ഉടന് സ്റ്റേ ചെയ്യണമെന്നാണ് ആവശ്യമുയരുന്നത്. ഈ കാര്യത്തിലെ ഹൈക്കോടതി ഇടപെടല് തെറ്റായ കീഴ്വഴക്കവും നടപടിയുമാണെന്നും അരിക്കൊമ്പന് നടത്തിയിട്ടുള്ള അക്രമങ്ങളെ സംബന്ധിച്ചും ഹര്ജിയില് വിശദമായി പറയുന്നു.
"
https://www.facebook.com/Malayalivartha
