വിദേശ രാജ്യങ്ങളുടെ മാതൃകയില്‍ പഠനത്തോടൊപ്പം ജോലി എന്ന ആശയം കേരളത്തിലും ഉടന്‍ യാഥാര്‍ത്ഥ്യമാകുമെന്നും മുഖ്യമന്ത്രി
വിദേശ രാജ്യങ്ങളുടെ മാതൃകയില്‍ പഠനത്തോടൊപ്പം ജോലി എന്ന ആശയം കേരളത്തിലും ഉടന്‍ യാഥാര്‍ത്ഥ്യമാകുമെന്നും മുഖ്യമന്ത്രി പിണറായി വിജയന്‍.സര്‍ക്കാര്‍തലത്തില്‍ ഇതിന് നടപടി ആരംഭിച്ചു.
കേരളത്തിന്റെ ഉന്നതവിദ്യാഭ്യാസ മേഖലയില്‍ വലിയ മാറ്റത്തിന്റെ നാളുകളാണ് ഉടന്‍ വരാനിരിക്കുന്നതെന്നും അദ്ദേഹം പറഞ്ഞുയ. ഉന്നത നിലവാരത്തിലുള്ള വിദ്യാഭ്യാസത്തിന് വിദേശ വിദ്യാര്‍ത്ഥികള്‍ വൈകാതെ കേരളത്തിലേക്കുമെത്തുമെന്നും അദ്ദേഹം പറഞ്ഞു
മുഖ്യമന്ത്രിയുടെ പ്രതിവാര ടെലിവിഷന്‍ സംവാദ പരിപാടി 'നാം മുന്നോട്ട്'ന്റെ പുതിയ എപ്പിസോഡില്‍ സംസാരിക്കുകയായിരുന്നുഅദ്ദേഹം. പരിപാടി നിര്‍മ്മിക്കുന്നത് ഇന്‍ഫര്‍മേഷന്‍ ആന്‍ഡ് പബ്ലിക് റിലേഷന്‍സ് വകുപ്പാണ് .
കേരളത്തില്‍ നിന്ന് നാലു ശതമാനത്തോളം വിദ്യാര്‍ത്ഥികളാണ് ഓരോ വര്‍ഷവും ഉപരിപഠനത്തിന് വിദേശരാജ്യങ്ങളിലേക്ക് പോകുന്നത്. പഠനത്തോടൊപ്പം ജോലി, പഠനത്തിന്റെ ഭാഗമായി തൊഴില്‍, നൈപുണ്യ വികസനം തുടങ്ങിയ ആശയങ്ങള്‍ ഏറെ ഗൗരവമായാണ് സര്‍ക്കാര്‍ കാണുന്നത്. കേരളത്തിലെ പല വിദ്യാഭ്യാസ സ്ഥാപനങ്ങള്‍ക്കും സ്വന്തമായി വന്‍തോതില്‍ സ്ഥലമുണ്ട്. ഈ സ്ഥലങ്ങളില്‍ കോഴ്‌സുകളുമായി ബന്ധപ്പെട്ട വ്യവസായ സ്ഥാപനങ്ങള്‍ കൊണ്ടുവരാനുള്ള നീക്കം നടന്നു വരുന്നു.
ചില സ്ഥാപനങ്ങള്‍ പദ്ധതിക്കായി കണ്ടെത്തിയിട്ടുണ്ട്.കേരളത്തിലെ അക്കാഡമിക് നിലവാരവും അടിസ്ഥാന സൗകര്യങ്ങളും ശാക്തീകരിക്കപ്പെടുന്നതോടെ വിദേശത്തുനിന്ന് പഠനത്തിനായി ഇവിടേക്കും വിദ്യാര്‍ത്ഥികള്‍ വന്നേക്കും.
കേരളം വലിയൊരു വിദ്യാഭ്യാസ ഡെസ്റ്റിനേഷനാകും. നമ്മുടെ കാലാവസ്ഥയും പ്രകൃതിയും നാടിന്റെ ക്രമസമാധാന നിലയുമൊക്കെ ഇതിന് അനുകൂലമാണ്. രാജ്യാന്തര നിലവാരത്തിലുള്ള ഹോസ്റ്റല്‍ നിര്‍മ്മാണം ആരംഭിച്ചത് ഇതിന്റെ ഭാഗമാണെന്നും മുഖ്യമന്ത്രി .
"
https://www.facebook.com/Malayalivartha
