ഇരുചക്ര വാഹന യാത്രക്കാര്ക്കായ് അഞ്ച് തരം നിയമം... രണ്ട് പേരില് കൂടുതലായുള്ളത് കുട്ടികളായാലും നിയമലംഘനത്തില്പെടും
ഇരുചക്ര വാഹനങ്ങളില് രണ്ട്പേരില് കൂടുതല് യാത്രക്കാരുണ്ടെങ്കില് അത് നിയമലംഘനമാകുമെന്നും ഇതടക്കം അഞ്ച് തരം നിയമലംഘനങ്ങളാണ് പുതിയ എ ഐ ക്യാമറ പിടികൂടുകയെന്ന് ഗതാഗത കമ്മീഷണര് എസ്.ശ്രീജിത്ത്. രണ്ട് പേരില് കൂടുതലായുള്ളത് കുട്ടികളായാലും നിയമലംഘനമാണ്, കഴിവതും കുട്ടികളെ ഇരുചക്രവാഹനങ്ങളില് കൊണ്ടുപോകരുതെന്നും എസ്.ശ്രീജിത്ത് ആവശ്യപ്പെട്ടു.
ഇരുചക്രവാഹനത്തില് മൂന്ന് പേരുടെ യാത്ര, ഹെല്മറ്റ്, മൊബൈല് ഉപയോഗം, ട്രാഫിക് സിഗ്നലില് ചുവന്ന ലൈറ്റ് മറികടക്കുക, സീറ്റ് ബെല്റ്റ് ധരിക്കാതിരിക്കുക എന്നിവയ്ക്കാണ് ആദ്യഘട്ടത്തില് പിഴവരിക. ആദ്യഘട്ടത്തില് വാഹനത്തിന്റെ മുന്സീറ്റുകളിലെ യാത്രികര് സീറ്റ് ബെല്റ്റ് ധരിക്കുന്നുണ്ടോ എന്നാണ് നോക്കുക. ബ്ളൂടൂത്ത് സംവിധാനം ഉപയോഗിക്കുന്നതില് പിഴവില്ല, എന്നാല് മറ്റ് വഴികളിലൂടെ ഫോണ് ഉപയോഗം പിഴ ഈടാക്കുന്നതിന് ഇടയാക്കും. എസ്.ശ്രീജിത്ത് അറിയിച്ചു.
എമര്ജന്സി വിഭാഗത്തിലെ വാഹനങ്ങള്ക്ക് പിഴശിക്ഷ ഈടാക്കും. ദേശീയ സംസ്ഥാന ഗ്രാമിണ പാതകളില് ഉള്പ്പെടെ 726 എ.ഐ കാമറകളാണ് സ്ഥാപിച്ചിരിക്കുന്നത്. ഇതില് 675 എണ്ണം ഹെല്മെറ്റ്, സീറ്റ് ബെല്റ്റ് എന്നിവ ധരിക്കാത്ത യാത്രക്കാരെ കണ്ടെത്തുന്നതിനും അപകടം ഉണ്ടാക്കിയ ശേഷം കടന്നുകളയുന്ന വാഹനങ്ങളെ കണ്ടെത്തുന്നതിനുമാണ്.
https://www.facebook.com/Malayalivartha
