വാഹനങ്ങളുമായി പുറത്തിറങ്ങുന്നവരുടെ ശ്രദ്ധയ്ക്ക്.... നിരീക്ഷിക്കാന് റോഡുകളില് എ.ഐ കാമറകള് ഇന്ന് പ്രവര്ത്തിച്ചു തുടങ്ങും... ഇരുചക്രവാഹനങ്ങളില് മൂന്ന് പേരുടെ സഞ്ചാരം, ഹെല്മറ്റില്ലാത്ത യാത്ര, സീറ്റ് ബെല്റ്റ് ധരിക്കാതിരിക്കല് തുടങ്ങിയ അഞ്ച് കുറ്റങ്ങള്ക്ക് തുടക്കത്തില് പിഴ, എഐ ക്യാമറകള് പകര്ത്തുന്ന ദൃശ്യങ്ങള് ജില്ലാ കണ്ട്രോള് റൂമുകളില് പരിശോധിക്കുമ്പോള് കണ്ടെത്തുന്ന മറ്റു കുറ്റങ്ങള്ക്കു കൂടി നോട്ടീസ് തയ്യാറാക്കി അയയ്ക്കും
ശ്രദ്ധിച്ചില്ലെങ്കില് പിടിവീഴും.... വാഹനങ്ങളുമായി പുറത്തിറങ്ങുമ്പോള് നിരീക്ഷിക്കാന് റോഡുകളില് എ.ഐ കാമറകള് ഇന്ന് പ്രവര്ത്തിച്ചു തുടങ്ങും...
എഐ ക്യാമറകള് പകര്ത്തുന്ന ദൃശ്യങ്ങള് ജില്ലാ കണ്ട്രോള് റൂമുകളില് പരിശോധിക്കുമ്പോള് കണ്ടെത്തുന്ന മറ്റു കുറ്റങ്ങള്ക്കു കൂടി നോട്ടിസ് തയ്യാറാക്കി അയയ്ക്കും. ഹൈ പീക്ക് ഔട്ട്പുട്ട് ഉള്ള ഇന്ഫ്രാറെഡ് ക്യാമറകളായതിനാല് രാത്രികാലങ്ങളിലും കഠിനമായ കാലാവസ്ഥകളിലും കൃത്യതയോടെ ദൃശ്യങ്ങള് പകര്ത്താനായി കഴിയും.
കൂടുതല് കുറ്റകൃത്യങ്ങള് പുതുതായി കൂട്ടിച്ചേര്ക്കാന് കഴിയുന്ന രീതിയിലും, നിലവിലുള്ള കുറ്റകൃത്യങ്ങളുടെ പരിശോധന കൂടുതല് കാര്യക്ഷമമായും തെറ്റു സംഭവിക്കാത്ത രീതിയിലും സ്വയം പരിഷ്ക്കരിക്കുന്ന രീതിയിലുമുള്ള ഡീപ് ലേണിങ് സാങ്കേതിക വിദ്യയുടെ അടിസ്ഥാനത്തില് പ്രവര്ത്തിക്കുന്ന സോഫ്റ്റ്വെയര് ആണ് എഐ ക്യാമറകളുടെ നിയന്ത്രണത്തിനായി ഉപയോഗിക്കുന്നത്. പ്രധാന കണ്ട്രോള് റൂമില്നിന്ന് ജില്ലാ ആര്ടിഒ എന്ഫോഴ്സ്മെന്റ് കണ്ട്രോള് റൂമിലേക്ക് ദൃശ്യങ്ങള് കൈമാറും. അവിടെ നിന്നു നോട്ടീസ് തയ്യാറാക്കി വാഹന ഉടമകള്ക്ക് നല്കും. അതോടൊപ്പം, വാഹന ഡാറ്റാ ബേസില് ഇ ചലാന് സംവിധാനം വഴി കേസ് രേഖപ്പെടുത്തി വെര്ച്വല് കോടതിയിലേക്ക് റഫര് ചെയ്യും. ഇത് വാഹനത്തിന് വിലക്കേര്പ്പെടുത്തുന്നതിനും മറ്റ് സേവനങ്ങള് എടുക്കുന്നതിനും ഭാവിയില് പ്രയാസം സൃഷ്ടിക്കാം.
പ്രധാനമായും ഇരുചക്ര വാഹനങ്ങള് ഓടിക്കുന്നവരുടെയും പുറകില് ഇരിക്കുന്നവരുടെയും ഹെല്മെറ്റ് ധരിക്കല്, ഇരുചക്ര വാഹനങ്ങളില് മൂന്നുപേര് യാത്ര ചെയ്യുന്നത്, ഡ്രൈവര്മാരുടെ മൊബൈല് ഫോണ് ഉപയോഗം, പാസഞ്ചര് കാര് അടക്കമുള്ള വാഹനങ്ങളിലെ സീറ്റ് ബെല്റ്റ് ഉപയോഗം എന്നിവയാണ് പ്രധാനമായി പരിശോധിക്കപ്പെടുന്നത്.
സാധുതയില്ലാത്ത രേഖകളുള്ള വാഹനങ്ങളും പരിശോധിക്കപ്പെടും . ഇതിനായി 675 എഐ ക്യാമറകള്, 25 പാര്ക്കിങ് വയലേഷന് ഡിറ്റക്ഷന് ക്യാമറകള്, 18 റെഡ് ലൈറ്റ് വയലേഷന് ഡിറ്റക്ഷന് ക്യാമറകള്, 4 സ്പീഡ് വയലേഷന് ഡിറ്റക്ഷന് ക്യാമറകള്, 4 മൊബൈല് സ്പീഡ് വയലേഷന് ഡിറ്റക്ഷന് ക്യാമറകള് എന്നിവയാണ് ആദ്യഘട്ടത്തില് പ്രവര്ത്തന സജ്ജമായിട്ടുള്ളത്.
നിലവിലുള്ള ക്യാമറകളുടെ സ്ഥാനം നിരന്തരമായി മാറ്റുമെന്നും അധികൃതര് പറയുന്നു. ഫലത്തില് ക്യാമറകളുടെ സ്ഥാനം മുന്കൂട്ടി മനസിലാക്കിയും ക്യാമറകള് തിരിച്ചറിയാന് കഴിയുന്ന ആപ്പുകള് ഉപയോഗിച്ചും നിയമലംഘനം നടത്താന് സാധിക്കാതെ വരും.
അതേസമയം, വണ്ടി വഴിയില് തടഞ്ഞുള്ള പരിശോധന തുടരാനാണ് പൊലീസ് തീരുമാനം. അതു പാടില്ലെന്ന നിര്ദേശം പൊലീസ് സ്റ്റേഷനുകളില് ലഭിച്ചിട്ടില്ല.
ഒരു യാത്രയില് ഒരു കുറ്റത്തിന് ഓരോ കാമറയും പിഴ ചുമത്തും. ഹെല്മറ്റ് വയ്ക്കാതെ സഞ്ചരിച്ചത് കാമറയില് പതിഞ്ഞാല് ഫോണില് 500 രൂപ പിഴ സന്ദേശം വരും. ഇത്തരത്തില് അഞ്ച് കാമറകളില് പതിഞ്ഞാല് 2,500 രൂപ പോയിക്കിട്ടും.
മൊബൈല് ഫോണില് സംസാരിച്ചാല് 2000 രൂപ പിഴയാകും. അഞ്ച് കാമറകളില് പതിഞ്ഞാല് 10000 രൂപ നല്കണം. കാമറയില് പതിഞ്ഞു കഴിഞ്ഞാല് മോട്ടോര്വാഹന വകുപ്പിന്റെ സംസ്ഥാന ജില്ലാ കണ്ട്രോള് റൂമിലാണ് ബാക്കി നടപടികള്.
പെറ്റി അംഗീകരിക്കേണ്ടത് എന്ഫോഴ്സ്മെന്റ് വിഭാഗമാണ്. ഒരാള്ക്ക് ഒരു പെറ്റി മതിയെന്ന് അവിടെ തീരുമാനിക്കാമെങ്കിലും പണം വാരുകയാണ് അവരുടെ ലക്ഷ്യം.
വി.ഐ.പികള്ക്ക് ബാധകമല്ല
മുഖ്യമന്ത്രി, മന്ത്രി, സ്പീക്കര്, പ്രതിപക്ഷ നേതാവ്, ജഡ്ജിമാര്, മറ്റു പ്രധാന പദവികള് വഹിക്കുന്നവര്, ക്രമസമാധാനപരിപാലനത്തിനായി ബീക്കണ് ലൈറ്റ് ഘടിപ്പിച്ച വാഹനങ്ങളില് സഞ്ചരിക്കുന്നവര് എന്നിവരുടെ വാഹനങ്ങളെ പിഴയില് നിന്നും ഒഴിവാക്കിയിട്ടുണ്ട്. ഇത് കേന്ദ്രനിയമപ്രകാരമാണെന്നും വ്യക്തമാക്കി എം.വി.ഡി
https://www.facebook.com/Malayalivartha
