ആറാട്ടുപുഴയില്‍ അമ്മയെയും മകളെയും വീട്ടിനുള്ളില്‍ തൂങ്ങി മരിച്ച നിലയില്‍ കണ്ടെത്തി. തൃക്കുന്നപ്പുഴ പ്രണവം നഗറിന് കിഴക്ക് കള്ളിക്കാടന്‍ തറയില്‍ (ഉദയം കടത്ത് ) സുരേഷിന്റെ ഭാര്യ ശുഭയും (അമ്പിളി - 54 ) മകള്‍ അഞ്ജു ( രേവതി - 34) എന്നിവരാണ് മരിച്ചത്.


ഇന്നലെ രാത്രി എട്ട് മണിയോടെ രണ്ട് മുറികളിലായി തൂങ്ങി മരിച്ച നിലയിലാണ് ഇരുവരെയും കണ്ടെത്തിയത്. വീട്ടില്‍ നിന്ന് പുറത്തു പോയ ശുഭയുടെ ഭര്‍ത്താവ് സുരേഷ് കുമാര്‍ തിരികെ എത്തിയപ്പോഴാണ് സംഭവം കാണുന്നത്. അയല്‍വാസികളുടെ സഹായത്തോടെ ഹരിപ്പാട് താലൂക്ക് ആശുപത്രിയില്‍ എത്തിച്ചെങ്കിലും രണ്ടുപേരും മരിച്ചു.

മൃതദേഹങ്ങള്‍ ഹരിപ്പാട് താലൂക്ക് ആശുപത്രി മോര്‍ച്ചറിയില്‍ സൂക്ഷിച്ചിരിക്കുന്നു. ഷിജുവാണ് രേവതിയുടെ ഭര്‍ത്താവ്. ജാഗ്‌നവി, ജാഗ്‌നവ് എന്നിവര്‍ മക്കളാണ്.