വെള്ളനാട്ട് വീട്ടിലെ കിണറ്റില്‍ കരടി വീണു. കോഴിയെ പിടിക്കുന്നതിനിടെയാണ് കണ്ണമ്പള്ളി സ്വദേശി അരുണിന്റെ വീട്ടിലെ കിണറ്റില്‍ കരടി വീണത്. ഇന്നലെ രാത്രി പന്ത്രണ്ടോടെയാണ് സംഭവമുണ്ടായത്. തൊട്ടടുത്തുള്ള വനത്തില്‍ നിന്നാണ് കരടി എത്തിയതെന്നാണ് നിഗമനം.


അരുണിന്റെ അയല്‍വാസിയുടെ വീട്ടിലെ രണ്ടു കോഴികളെ കരടി പിടികൂടി. ഇതിനിടെ ബഹളംകേട്ട് ആളുകള്‍ എത്തിയതോടെ ഭയന്ന കരടി രക്ഷപ്പെടാന്‍ ശ്രമിക്കുന്നതിനിടെ കിണറ്റില്‍ വീണതെന്നാണ് കരുതുന്നത്. വീഴ്ചയില്‍ കരടിക്ക് ആരോഗ്യപ്രശ്‌നങ്ങള്‍ ഒന്നും ഇല്ലെന്നാണ് വനംവകുപ്പ് അധികൃതര്‍ പറഞ്ഞു.


കരടിയെ കണ്ടതോടെ കടുത്ത ആശങ്കയിലാണ് പ്രദേശവാസികള്‍. കേരളത്തില്‍ പല സ്ഥലങ്ങളിലും അടുത്തിടെ വന്യജീവികളുടെ ആക്രമണം ഏറിയിരിക്കുകയാണ്. ആനകള്‍ ഉള്‍പ്പടെയുളളവയുടെ ആക്രമണങ്ങളില്‍ ചിലര്‍ക്ക് ജീവഹാനിയും ഉണ്ടായിട്ടുണ്ട്.