ഇവിടെ ഈ ലോകത്ത് ഇസ്‌ലാം മാത്രമല്ല ഉള്ളത്. ബാക്കിയൊരുപാട് മതങ്ങളുംമനുഷ്യരും ഉണ്ട് .  അവരാരും പീഡനത്തെ ഭയന്ന് മാറി നടക്കാറില്ല. അവിടത്തെ പുരുഷന്മാരൊക്കെയും ഒരുമിച്ചു ഭക്ഷണം കഴിച്ചാലോ സംസാരിച്ചാലോ ചിരിച്ചാലോ അവരെ അക്രമിക്കുന്നില്ല. നിർണായകമായ ഫേസ്ബുക്ക് കുറിപ്പ് പങ്കു വച്ച് ജസ്‌ല മാടശേരി. കുറിപ്പിന്റെ പൂർണ്ണ രൂപം ഇങ്ങനെ;

അതെന്താ ഇവിടത്തെ പുരുഷന്മാർ അത്രമോശക്കാരാണെന്നാണോ കുട്ടി പറഞ്ഞു വരുന്നത് .. സ്ത്രീകൾക്കൊപ്പമിരുന്നാൽ ഉടനെ ബലാത്സംഗം ചെയ്യാനും മറ്റുരീതിയിൽ അവരെ ഉപദ്രവിക്കുകയും അവരുടെ സുരക്ഷിതത്വം ഇല്ലാതാക്കാകുകയും ചെയ്യുന്നവരാണെന്നാണോ കുട്ടി പറയുന്നത് .

കഴിഞ്ഞ ദിവസം കുട്ടി പറഞ്ഞു അത് സ്ത്രീകളുടെ സുരക്ഷിതത്വം മാനിച്ചു മതപരമായ ചില രീതികൾ അവലംബിച്ചതാണെന്നു . കുട്ടി മനസ്സിലാക്കേണ്ട കാര്യം ഇവിടെ ഈ ലോകത്ത് ഇസ്‌ലാം മാത്രമല്ല ഉള്ളത് . ബാക്കിയൊരുപാട് മതങ്ങളുംമനുഷ്യരും ഉണ്ട് . അവരാരും പീഡനത്തെ ഭയന്ന് മാറി നടക്കാറില്ല . 

അവിടത്തെ പുരുഷന്മാരൊക്കെയും ഒരുമിച്ചു ഭക്ഷണം കഴിച്ചാലോ സംസാരിച്ചാലോ ചിരിച്ചാലോ അവരെ അക്രമിക്കുന്നില്ല . ചങ്ങലയിൽ വര്ഷങ്ങളായി ബന്ധിക്കപ്പെടുന്നവർക്ക് ചങ്ങല ഒരു ആഭരണമായി തോന്നുന്നത് സ്റ്റോക്ക് ഹോം സിൻഡ്രോം എന്ന ഒരുഅവസ്ഥയാണ് . സ്വയം ചങ്ങലയേ പ്രണയിക്കുക . 

സമൂഹത്തിൽ ചില കെട്ടുപാടുകൾ ഉണ്ടാക്കിയെടുക്കുകയും അത് ഇന്നും നിലനിൽക്കുകയും ചെയ്യുന്നുണ്ടെങ്കിൽ അത്തരം അനാചാരങ്ങളെ എതിർക്കുക എന്നതും പ്രതികരിക്കുക എന്നതും അതിനോട് പൊരുതുക എന്നതും സമത്വബോധവും മാനവിക ബോധവുമുള്ള ഏതൊരു മനുഷ്യരും ചെയ്യേണ്ട ഒന്നാണ് .

ലോകത്തു ഇന്നോളം നടന്ന ഇത്തരം പ്രതികരണങ്ങൾ മാത്രമാണ് മാറ്റം കൊണ്ടുവന്നിട്ടുള്ളത്. അല്ലെങ്കിൽ ഇന്നുംമനുഷ്യൻ പ്രാകൃതരായി കഴിഞ്ഞേനെ . ഈ വിഷയമോ നിങ്ങടെ മതവിഷയമോ എന്നല്ല . ഇത്തരം ഏതു വിഷയമായാലും ഏതു മതത്തിന്റെയായാലും അതിനെ എതിർക്കേണ്ടതുണ്ട് . അറ്റ്ലീസ്റ്റ് കുട്ടി മനസ്സിലാക്കേണ്ടത് കുട്ടിയുടെ ചുറ്റുപാടിലെയോ വീട്ടിലെയോ ആണുങ്ങളെ പോലെ എല്ലാവരെയും കാണരുത് എന്നാണു.

സ്ത്രീകളെ കണ്ടാൽ പോലും അവരുടെ സുരക്ഷിതത്വം കളയുന്നവരല്ല എല്ലാ പുരുഷന്മാരും . 2 മതത്തിൽ പെട്ടവർ വിവാഹം കഴിച്ചു സന്തോഷമായി ജീവിക്കുന്നത് കാണുമ്പോൾ മൈക് കെട്ടി സ്റ്റേജിൽ കയറി അവർ വ്യഭിചാരികളാണ് എന്നുപറയുന്ന കുട്ടിയുടെപാർട്ടി നിലപാട് പേറുന്നവരല്ല ഇവിടത്തെ മഹാഭൂരിപക്ഷം മനുഷ്യരും. അത് നിങ്ങളുടെയും ലീഗിന്റെയും ഇസ്‌ലാം മതത്തിന്റെയും മാത്രം നിലപാടാണ്.