പ്രധാനമന്ത്രി നരേന്ദ്രമോഡിയുടെ സന്ദര്ശനം... ചൊവ്വാഴ്ച തമ്പാനൂര് ഡിപ്പോ അടച്ചിടും; രാവിലെ 8 എട്ടുമുതല് 11 വരെ ഡിപ്പോ പ്രവര്ത്തിക്കില്ല
പ്രധാനമന്ത്രി നരേന്ദ്രമോഡിയുടെ സന്ദര്ശനത്തോട് അനുബന്ധിച്ച് ചൊവ്വാഴ്ച രാവിലെ 8 എട്ടുമുതല് 11 വരെ തമ്പാനൂര് ഡിപ്പോ അടച്ചിടും. പ്രധാനമന്ത്രിയുടെ സുരക്ഷ കണക്കിലെടുത്താണ് നടപടി. കെ.എസ്.ആര്.ടി.സി മാനേജ്മെന്റുമായി തിരുവനന്തപുരം സിറ്റി പൊലീസ് കമ്മിഷണര് ചര്ച്ച നടത്തിയതിന്റെ അടിസ്ഥാനത്തിലാണ് തീരുമാനം.
അന്നേ ദിവസത്തെ സര്വീസുകള് വികാസ് ഭവന് ഡിപ്പോയില് നിന്നായിരിക്കും ആരംഭിക്കുന്നത്. തമ്പാനൂര് ഡിപ്പോയോട് ചേര്ന്നുള്ള പാര്ക്കിംഗ് സ്പേസില് നിന്ന് തലേദിവസം വാഹനങ്ങള് ഒഴിപ്പിക്കുമെന്നും അധികൃതര് അറിയിച്ചു. അതേസമയം കൊച്ചിയില് പ്രധാനമന്ത്രിയുടെ സന്ദര്ശനത്തിന് ശക്തമായ സുരക്ഷ ഒരുക്കുമെന്ന് സിറ്റി പൊലീസ് കമ്മിഷണര് അറിയിച്ചു. നഗരത്തില് രണ്ടായിരത്തിലധികം പൊലീസുകാരെ വിന്യസിക്കും. പ്രധാനമന്ത്രിയുടെ റോഡ് ഷോ സമയത്ത് ട്രാഫിക് ക്രമീകരണം തയ്യാറാക്കുമെന്നും കമ്മിഷണര് പറഞ്ഞു. സുരക്ഷാ ക്രമീകരണം വിലയിരുത്താന് നാളെ കൊച്ചിയില് ഉന്നതതല യോഗം ചേരാനും തീരുമാനിച്ചിട്ടുണ്ട്.
അതിനിടെ പ്രധാനമന്ത്രിക്ക് സുരക്ഷാ ഭീഷണിയുണ്ടെന്ന സംസ്ഥാന ഇന്റലിജന്സ് മേധാവിയുടെ റിപ്പോര്ട്ട് ചോര്ന്നതി ഗുരുത വീഴ്ചയായാണ് കേന്ദ്ര ആഭ്യന്തര മന്ത്രാലയം വിലയിരുത്തുന്നത്. പി.എഫ്.ഐ നിരോധനത്തിന്റെ പശ്ചാത്തലത്തില് സുരക്ഷാ ഭീഷണി അതീവഗൗരവത്തോടെ കാണണമെന്നും ആഭ്യന്തര മന്ത്രാലയം സംസ്ഥാന സര്ക്കാരിനെ അറിയിച്ചു.
https://www.facebook.com/Malayalivartha
