കേരളത്തിലെ അതിദാരിദ്ര്യം തുടച്ചുനീക്കും പോസ്റ്റിട്ട് എയറില്‍ക്കേറി പിണറായി. അഞ്ച് വര്‍ഷം കൊണ്ട് സംസ്ഥാനത്തെ അതിദാരിദ്ര്യം തുടച്ച് നീക്കുകയെന്നതാണ് 'അതിദാരിദ്ര്യമുക്ത കേരളം' പദ്ധതിയിലൂടെ സര്‍ക്കാര്‍ ലക്ഷ്യമിടുന്നതെന്ന് മുഖ്യമന്ത്രി. അല്ല അപ്പോള്‍ അതിദാരിദ്ര്യം തുടച്ച് നീക്കാനുള്ള ഒരു ചുവടുവെപ്പും തുടങ്ങിയിട്ടില്ലെ ഇതുവരെയെന്ന് ചോദിച്ച് ട്രോളന്മാരുടെ പൊങ്കാല. കഴിഞ്ഞ ഏഴുവര്‍ഷമായി അതിദാരിദ്ര്യം ഇപ്പോ തുടച്ചുനീക്കുമെന്ന പല്ലവി തുടങ്ങിയിട്ട്. ഒന്നാം പിണറായി സര്‍ക്കാരിന്റെ കാലം തൊട്ട് കേള്‍ക്കുന്നതാണ് 5 വര്‍ഷത്തിനുള്ളില്‍ ദാരിദ്ര്യം ഇല്ലാതാക്കും എന്ന പല്ലവി. ഓരോ രണ്ട് വര്‍ഷം കൂടുമ്പോള്‍ വീണ്ടും പറയും 5 വര്‍ഷത്തിനുള്ളില്‍ ദാരിദ്ര്യം തുടച്ചുനീക്കും. രണ്ടാം ടേമിന്റെ രണ്ടുവര്‍ഷം കഴിഞ്ഞു ഇനി മുന്നിലുള്ളത് മൂന്നേ മൂന്ന് വര്‍ഷമാണ്. അപ്പോള്‍ പിന്നെ 5 വര്‍ഷം കൊണ്ട് എങ്ങനെയാ പിണറായി ഇത് തുടച്ച് നീക്കുന്നെ. വീണ്ടും 5 വര്‍ഷം കൂടി തരണമെന്ന് നൈസാ പറഞ്ഞൊപ്പിച്ചു കള്ളന്‍. 5 വര്‍ഷം മുന്‍പ് ദാരിദ്ര്യം ആയിരുന്നു ഭരിച്ച് ഭരിച്ച് ഇപ്പോല്‍ അതിദാരിദ്ര്യം ആയി. സത്യസന്ധമായ വിലയിരുത്തല്‍. പാവപ്പെട്ടവന്റെ പാര്‍ട്ടിയാണ് മിസ്റ്റര്‍. ദാരിദ്ര്യം അനുവാര്യമാണ്. ഉറപ്പാണ് ദാരിദ്ര്യം മാറ്റി അതിദാരിദ്ര്യം ആക്കിയിരിക്കും. ഇങ്ങനെ മുഖ്യമന്ത്രിയ്ക്ക് ട്രോളോട് ട്രോള്‍.

മുഖ്യമന്ത്രിയുെട ഫേസ്ബുക്ക് തള്ള് നോക്കാം...
സംസ്ഥാനത്തെ അതിദരിദ്രരായ 64,006 കുടുംബങ്ങള്‍ ഇനി സര്‍ക്കാരിന്റെ സംരക്ഷണയിലാണ്. അഞ്ച് വര്‍ഷം കൊണ്ട് സംസ്ഥാനത്തെ അതിദാരിദ്ര്യം തുടച്ച് നീക്കുകയെന്നതാണ് 'അതിദാരിദ്ര്യമുക്ത കേരളം' പദ്ധതിയിലൂടെ സര്‍ക്കാര്‍ ലക്ഷ്യമിടുന്നത്. അതിദരിദ്രരെ കണ്ടെത്തി അവരുടെ മോചനം ഉറപ്പാക്കി സമൂഹത്തിന്റെ പൊതുധാരയിലേക്കെത്തിക്കും. മൊത്തം അതിദാരിദ്ര്യത്തിന്റെ 13.4% മലപ്പുറം, 11.4% തിരുവനന്തപുരം എന്നീ ജില്ലകളിലാണ്. വീടില്ലാത്തവരും ഭൂമിയും വീടുമില്ലാത്തവരുമായ അതിദരിദ്രര്‍ക്ക്, അവര്‍ ലൈഫ് ലിസ്റ്റില്‍ ഉള്‍പ്പെട്ടവരാണെങ്കില്‍ മുന്‍ഗണന നല്‍കിയും, ലൈഫ് ലിസ്റ്റില്‍ ഉള്‍പ്പെടാത്തവരാണെങ്കില്‍ അവരെ ലിസ്റ്റില്‍ ഉള്‍പ്പെടുത്തിയും ഗവണ്‍മെന്റ് പ്രത്യേക ഉത്തരവ് പുറപ്പെടുവിച്ചിട്ടുണ്ട്. 11,340 പേര്‍ക്കാണ് ഇതിലൂടെ വീടെന്ന സ്വപ്നം സാക്ഷാത്കരിക്കപ്പെടുക. അടിസ്ഥാന സൗകര്യങ്ങള്‍ ലഭ്യമാക്കല്‍, പഠന സൗകര്യങ്ങള്‍ ഒരുക്കല്‍, സ്ഥിരമായ ചികിത്സാ സൗകര്യങ്ങള്‍ ഏര്‍പ്പെടുത്തല്‍, ഭക്ഷണം ഉറപ്പാക്കല്‍ ,അശരണരുടെ പുനരധിവാസം, തൊഴില്‍ കാര്‍ഡ് ലഭ്യമാക്കല്‍ എന്നിങ്ങനെ എല്ലാതലത്തിലും സര്‍ക്കാര്‍ കൈത്താങ്ങുറപ്പാക്കുന്നതാണ് അതിദാരിദ്ര്യമുക്ത കേരളം പദ്ധതി. അതിജീവനത്തിനായി കഷ്ടപ്പെടുന്നവര്‍ക്ക് കരുതലൊരുക്കുന്നത് വഴി ഏവര്‍ക്കും സന്തോഷത്തോടെ ജീവിക്കാനുള്ള സാഹചര്യമൊരുങ്ങും, എവിടെയും പുഞ്ചിരി വിടരും. ഇതായിരുന്നു തള്ളിമറിച്ചുള്ള പോസ്റ്റ്.

ഇതില്‍ മലയാളി പൊങ്കാല ഇട്ടില്ലെങ്കിലേ അത്ഭുതമുള്ളു. അട്ടപ്പാടി ഊരുകളില്‍ ഇന്നും നാലാള് ചുമന്ന് കിലോമീറ്ററുകള്‍ നടന്ന് വേണം രോഗികളേയും ഗര്‍ഭിണികളേയും ആശുപത്രിയില്‍ എത്തിക്കാന്‍. അപ്പോള്‍ പിന്നെ ഇതിലെവിടെയാണ് പിണറായി പറഞ്ഞ ഒരാളേയും ഒഴിവാക്കാതെ വികസനം. പേരിന് പോലും ഈ മനുഷ്യര്‍ക്കിടയിലേക്ക് വികസനം എത്തിയിട്ടില്ല. പോഷകാഹാര കുറവ് മൂലം ഗര്‍ഭിണികളും നവജാത ശിശുക്കളും മരിക്കുന്നു. ആദിവാസികല്‍ക്കുള്ള ഫണ്ടെല്ലാം കൈയ്യിട്ട് നക്കുന്നു. പിന്നെ പാവങ്ങള്‍ക്ക് വീടുവെക്കാന്‍ കൊണ്ടുവന്ന ലൈഫ് പദ്ധതി. അതിന്റെ മറവില്‍ സര്‍ക്കാര്‍ നടത്തിയത് വന്‍ അഴിമതി. ഇനി പാവപ്പെട്ടവര്‍ക്ക് ഭൂമി കൊടുക്കുന്നു പോലും. സര്‍ക്കാരിന്റെ കമ്ണില്‍ ഭൂമിയില്ലാത്ത പാവപ്പെട്ടവര്‍ ഫ്രിസ് അബൂബക്കര്‍,കെപി യോഹന്നാന്‍,ഹാരിസണ്‍ പ്ലാന്റേഷന്‍,ലുലു ഇവരൊക്കെയാണ്. ഇവര്‍ക്കൊക്കെ കേരളത്തിന്റെ ഭൂമികള്‍ കൈയ്യേറാം കായല്‍ നികത്താം കണ്ടല്‍ക്കാടുകള്‍ നശിപ്പിക്കാം സര്‍ക്കാര്‍ ഒത്താശ നില്‍ക്കും. പാവപ്പെട്ടവന് ഒരു തുണ്ട് ഭൂമിയില്‍ പട്ടയം കൊടുക്കാന്‍ വയ്യ. എന്നിട്ടും പാവപ്പെട്ടവന്റെ പാര്‍ട്ടി.