കമ്മീഷന്‍ കൊടുത്താല്‍ എന്ത് വൃത്തികേടും ചെയ്യുന്ന രാഷ്ട്രീയക്കാരനായി പിണറായി വിജയന്‍ മാറി. കൈവയ്ക്കുന്ന പദ്ധതികളിലെല്ലാം കോടികളുടെ അഴിമതി നിര്‍ബന്ധമാണ്. അഴിമതി പിടിക്കേണ്ട നിയമ സംവിധാനങ്ങള്‍ പിണറായി വിജയന്റെ വിരുന്നിന്റെ ആലസ്യത്തില്‍ കഴിയുന്ന കാലം. മുഖ്യമന്ത്രി പിണറായി വിജയന്റെ അഴിമതി കഥകള്‍ ഒന്നൊന്നായ് പുറത്ത് വരുമ്പോള്‍ ജനരോഷം ഇളകുന്നു. കമ്മീഷനടിക്കാന്‍ എന്ത് നാറിയ കളിയും കളിക്കുന്ന ആളായ് മുഖ്യമന്ത്രി തരംതാഴുകയാണെന്ന വലിയ പരിഹാസം ശക്തമാകുന്നു. കുടുംബത്തോടെ കക്കുന്നു. കൂടെയുള്ള കിങ്കരന്മാരും അഴിമതിയില്‍ പിഎച്ച്ഡി എടുത്തവര്‍. കള്ളന്മാരുടെ കൈകളില്‍ തന്നെയാണ് ഭരണത്തിന്റെ താക്കോല്‍. ഇനി കേരളം കൂടിയേ എഴുതി വില്‍ക്കാനുള്ളു. പിണറായി സര്‍ക്കാരിനെതിരെ പ്രതിഷേധം കനക്കുകയാണ്. ഇതിനിടെ മുഖ്യനെ എടുത്തലക്കി കെപിസിസി പ്രസിഡന്റ് കെ സുധാകരന്‍.

കമഴ്ന്നു വീണാല്‍ കാല്‍പ്പണം 'എന്നൊരു നാട്ടുചൊല്ലുണ്ട് , കേരളത്തിന്റെ പല പ്രദേശങ്ങളിലും. അതുപോലെയാണ് കേരള മുഖ്യമന്ത്രി പിണറായി വിജയനും. കൈ വെക്കുന്ന എല്ലാ പദ്ധതികളിലും കോടികളുടെ അഴിമതി അദ്ദേഹത്തിന് നിര്‍ബന്ധമാണ്. ഓരോ പ്രവര്‍ത്തികളിലൂടെയും പിണറായി വിജയന്‍ ജനങ്ങളോട് വിളിച്ചു പറയുകയാണ്, 'ഉറപ്പാണ് അഴിമതി' എന്ന്. ജനങ്ങളുടെ നന്മയ്ക്കും സുരക്ഷയ്ക്കും വേണ്ടി ഒരു പദ്ധതിയും കൊണ്ടുവരാന്‍ ചിന്തിക്കുക പോലും ചെയ്യാത്ത പിണറായി വിജയന്‍ എ ഐ ക്യാമറകള്‍ സ്ഥാപിച്ചപ്പോള്‍ തന്നെ പ്രബുദ്ധ കേരളം അഴിമതി സംശയിച്ചതാണ്. 72 കോടി രൂപയ്ക്ക് നടക്കേണ്ടിയിരുന്ന പദ്ധതി ഇപ്പോള്‍ ഇരുനൂറ്റി മുപ്പത് കോടിയോളം രൂപയ്ക്കാണ് കരാര്‍ ആയിരിക്കുന്നത്. ഒരു ക്യാമറയ്ക്ക് 33 ലക്ഷത്തോളം രൂപയായി എന്നത് ഗുരുതരമായ അഴിമതി തന്നെയാണ്. എപ്പോളാണ് ടെന്‍ഡര്‍ വിളിച്ചതെന്നും ഏതൊക്കെ കമ്പനികളാണ് ടെന്‍ഡറില്‍ പങ്കെടുത്തതെന്നും സര്‍ക്കാര്‍ ഇതുവരെ വ്യക്തമാക്കിയിട്ടില്ല. ഇതുമായി ബന്ധപ്പെട്ട ചോദ്യങ്ങള്‍ക്ക് വകുപ്പ് മന്ത്രി ഉരുണ്ടുകളിക്കുകയാണ് ചെയ്തത്.

കമ്മീഷന്‍ കൊടുത്താല്‍ എന്ത് വൃത്തികേടും ചെയ്യുന്ന രാഷ്ട്രീയക്കാരനായി പിണറായി വിജയന്‍ അധ:പതിച്ചിട്ട് കാലം കുറെയായി. അവസരം കിട്ടിയാല്‍ കേരളത്തെ മുഴുവനായി അളന്നു വില്‍ക്കാനും മടിയില്ലാത്ത വെറും കച്ചവടക്കാരന്‍ ആണ് പിണറായി വിജയന്‍ . എ ഐ ക്യാമറ ഇടപാടുകളും അന്വേഷിച്ചു ചെന്നാല്‍ 'ഹോണറബിള്‍ ' കുടുംബത്തില്‍ തന്നെ ചെന്നു നില്‍ക്കുമെന്ന് രാഷ്ട്രീയ കേരളം സംശയിക്കുന്നുണ്ട്.
അഴിമതി പിടിക്കേണ്ട നിയമ സംവിധാനങ്ങള്‍ പോലും പിണറായി വിജയന്റെ വിരുന്നിന്റെ ആലസ്യത്തില്‍ കഴിയുന്ന കാലമാണ്. ഈ അഴിമതിയും സ്വന്തം പാര്‍ട്ടിയെക്കൊണ്ട് അന്വേഷിക്കാം എന്ന് സിപിഎം കരുതേണ്ട . ജനങ്ങളെ കൊള്ളയടിക്കാന്‍ പിണറായി വിജയന്‍ കൊണ്ടുവന്ന ഈ പദ്ധതിയിലെ തട്ടിപ്പില്‍ സുതാര്യമായി അന്വേഷണം പ്രഖ്യാപിക്കാന്‍ സര്‍ക്കാര്‍ തയ്യാറാകണം. ഇതായിരുന്നു പോസ്റ്റ്.

എഐ ക്യാമറയില്‍ വിവാദം പെരുകിയതോടെ എല്ലാം കെല്‍ട്രോണിന്റെ തലയിലിട്ടിരിക്കുകയാണ് സര്‍ക്കാര്‍. ക്യാമറകളുടെ വില സംബന്ധിച്ചും സാങ്കേതിക കാര്യങ്ങള്‍ സംബന്ധിച്ചും പറയേണ്ടത് പദ്ധതി തയ്യാറാക്കിയ കെല്‍ട്രോണ്‍ ആണെന്നാണ് മന്ത്രി ആന്റമി രാജു പറഞ്ഞത്. പദ്ധതി തയ്യാറാക്കിയത് മോട്ടോര്‍ വാഹനവകുപ്പല്ല, കെല്‍ട്രോണാണ്. കെല്‍ട്രോണ്‍ സര്‍ക്കാര്‍ സ്ഥാപനമാണ്. ഇതിനുള്ള ശേഷി കെല്‍ട്രോണിന് ഉള്ളതുകൊണ്ടാണ് അവരെ ഏല്‍പിച്ചത്. 2018ല്‍ ആണ് പദ്ധതി കെല്‍ട്രോണിനെ ഏല്‍പ്പിക്കുന്നത്. 2021ല്‍ ആണ് ഞാന്‍ മന്ത്രിയായത്. അതിനു മുന്‍പുതന്നെ ഈ പദ്ധതി ആവിഷ്‌കരിച്ചുകഴിഞ്ഞിരുന്നു, ആന്റണി രാജു പറഞ്ഞു. പദ്ധതിയില്‍ സുതാര്യതക്കുറവുണ്ടെങ്കില്‍ അതിന് മറുപടി പറയേണ്ടതും കെല്‍ട്രോണ്‍ ആണ്. ക്യാമറയുടെ വിലയേക്കുറിച്ചും സാങ്കേതിക കാര്യങ്ങളെക്കുറിച്ചും മോട്ടോര്‍ വാഹനവകുപ്പിന് അറിയില്ല. അതുകൊണ്ടാണ് അത് അറിയുന്ന കെല്‍ട്രോണിനെ പദ്ധതി ഏല്‍പിച്ചത്. ഇതുസംബന്ധിച്ച് കെല്‍ട്രോണ്‍ വിശദീകരിക്കുമെന്നും മന്ത്രി പറഞ്ഞു. ഇരുചക്ര വാഹനങ്ങള്‍ മൂലമുണ്ടാകുന്ന അപകടങ്ങളാണ് കേരളത്തിലെ 58 ശതമാനം അപകടങ്ങളും. ഈ അപകടങ്ങള്‍ കുറയ്ക്കുക എന്നതാണ് ഇപ്പോള്‍ എഐ ക്യാമറയിലൂടെ ലക്ഷ്യംവെക്കുന്നത്. ഇത് സ്ഥാപിച്ചതിനു ശേഷംതന്നെ നിയമലംഘനങ്ങളുടെ എണ്ണം കുറഞ്ഞിട്ടുണ്ടെന്നും മന്ത്രി ചൂണ്ടിക്കാട്ടി.