തൃശൂര് പൂരത്തിന് മുന്നോടിയായുള്ള സാമ്പിള് വെടിക്കെട്ട് ഇന്ന് വൈകിട്ട് 7 ന് .... തിരുവമ്പാടി വിഭാഗമാണ് വെടിക്കെട്ടിന് തുടക്കമിടുക. പിന്നാലെ പാറമേക്കാവും... ഇരുദേവസ്വങ്ങളുടെയും ചമയപ്രദര്ശനവും ഇന്ന് തുടങ്ങും, ഞായറാഴ്ചയാണ് മഹാപൂരം
തൃശൂര് പൂരത്തിന് മുന്നോടിയായുള്ള സാമ്പിള് വെടിക്കെട്ട് ഇന്ന് വൈകിട്ട് 7 ന് നടക്കും. തിരുവമ്പാടി വിഭാഗമാണ് വെടിക്കെട്ടിന് തുടക്കമിടുക. പിന്നാലെ പാറമേക്കാവും കരിമരുന്നുകൊണ്ട് ആകാശത്ത് പൂരത്തിന്റെ വര്ണവിസ്മയം തീര്ക്കുകയും ചെയ്യും.
തൃശ്ശൂരില് ഇന്ന് വര്ണ്ണ വിസ്മയങ്ങളുടെ ഇന്ദ്രജാലം പൂത്തുലയും. പൂരത്തിന് മുന്നോടിയായുള്ള സാമ്പിള് വെടിക്കെട്ട് ഇന്ന് വൈകിട്ട് 7 ന് നടക്കും. തിരുവമ്പാടി വിഭാഗമാണ് ആദ്യം തിരികൊളുത്തുക.
പിന്നാലെ പാറമേക്കാവും കരിമരുന്നിന്റെ ആകാശപൂരത്തിന് തിരികൊളുത്തും. സാമ്പിളിനും പകല്പ്പൂരത്തിനുമായി ഓരോ വിഭാഗത്തിനുമായി രണ്ടായിരം കിലോ വീതമാണ് പൊട്ടിക്കാനുള്ള അനുമതി. കഴിഞ്ഞ ദിവസങ്ങളില് വൈകുന്നേരം പെയ്ത മഴയുടെ ആശങ്കയുണ്ടെങ്കിലും മഴ മാറി നില്ക്കുമെന്ന വിശ്വാസത്തിലാണ് ദേവസ്വങ്ങളും വെടിക്കെട്ട് പ്രേമികളും.
കെ-റെയിലും വന്ദേഭാരതുമാണ് ഇതുവരെ പുറത്തുവന്ന വെടിക്കെട്ട് വെറൈറ്റികള്. പെസോയുടെ കര്ശന നിയന്ത്രണത്തിലാണ് സാമ്പിള് വെടിക്കെട്ടും നടക്കുക.
"
https://www.facebook.com/Malayalivartha
