വാട്ടര് മെട്രോയുടെ വൈറ്റില-കാക്കനാട് സര്വീസിന്റെ ആദ്യ ദിനത്തില് തന്നെ നിരവധി യാത്രക്കാര്....രാവിലെയും വൈകിട്ടും മൂന്നു വീതം സര്വീസുകള് , വാട്ടര് മെട്രോയില് യാത്ര ചെയ്യുന്നതിനായുളള സ്മാര്ട്ട് കാര്ഡിന്റെ വിതരണവും ആരംഭിച്ചു
വാട്ടര് മെട്രോയുടെ വൈറ്റില-കാക്കനാട് സര്വീസും ഹിറ്റായി. ആദ്യ ദിന സര്വീസില് ബോട്ടുകളില് നിറയെ യാത്രക്കാരെത്തി. രാവിലെയും വൈകുന്നേരവും മൂന്നു വീതം സര്വീസുകളായിരുന്നു നടത്തിയത്.
രാവിലെ 8 മുതല് 11 വരെയും വൈകിട്ട് 4 മുതല് 7 വരെയുമാണ് കാക്കനാട് റൂട്ടില് സര്വീസ്. വീല്ചെയര് യാത്രക്കാരായ ഡോ. സിജു വിജയനും സൗമ്യ അയ്യരുമായിരുന്നു ആദ്യ യാത്രക്കാര്. കലക്ടര് എന് എസ് കെ ഉമേഷ്, സിറ്റി പൊലീസ് കമ്മിഷണര് സേതുരാമന്, ഇന്ഫോപാര്ക്ക് സിഇഒ സുശാന്ത് കുരുന്തില്, സ്മാര്ട് സിറ്റി സിഇഒ മനോജ് നായര്, കെഎംആര്എല് എംഡി ലോകനാഥ് ബെഹ്റ എന്നിവരും ആദ്യ ബോട്ടിലെ യാത്രക്കാരായി.
കാക്കനാട് ചിറ്റേത്തുകര ടെര്മിനലില് നിന്ന് ഇന്ഫോപാര്ക്കിലേക്ക് കെഎസ്ആര്ടിസി ഫീഡര് ബസുകളും ഇലക്ട്രിക് ഓട്ടോകളും ഏര്പ്പെടുത്തിയിട്ടുണ്ട്.
വൈറ്റില-കാക്കനാട് റൂട്ടില് 30 രൂപയാണ് ടിക്കറ്റ് നിരക്ക്. വാട്ടര് മെട്രോയില് യാത്ര ചെയ്യുന്നതിനായുളള സ്മാര്ട്ട് കാര്ഡിന്റെ വിതരണവും ആരംഭിച്ചു.
ഹൈക്കോടതിവൈപ്പിന് റൂട്ടില് ഇന്നലെയും നല്ല തിരക്കുണ്ടായി. രണ്ടാം ദിവസമായ ഇന്നലെ 7039 പേര് യാത്ര ചെയ്തു. ആദ്യദിനം 6559 പേര് വാട്ടര് മെട്രോയില് യാത്ര ചെയ്തതായി കെഎംആര്എല് അധികൃതര് .
"
https://www.facebook.com/Malayalivartha
