കോടതിയില് സൂക്ഷിച്ചിരുന്ന 125 ഗ്രാം തൊണ്ടി കഞ്ചാവ് പകുതിയോളം ശോഷണം നടന്ന സംഭവം എലി കരണ്ടതായി പ്രോസിക്യൂഷന് കോടതിയില് .... അന്വേഷണ ഉദ്യോഗസ്ഥനടക്കം 6 സാക്ഷികള് ഹാജരാകാന് കോടതി ഉത്തരവ്
തൊണ്ടി കഞ്ചാവ് മോഷണം ... എലി കരണ്ടതായി പ്രോസിക്യൂഷന്, അന്വേഷണ ഉദ്യോഗസ്ഥനടക്കം 6 സാക്ഷികള് 19 ന് ഹാജരാകണം; 2016 ല് സാബു എന്ന പെറുക്കി സാബു എന്നയാളെ അറസ്റ്റ് ചെയ്ത കേസിലെ തൊണ്ടിമുതലാണ് കുറവു വന്നത്
2016 മുതല് കോടതിയില് സൂക്ഷിച്ചിരുന്ന 125 ഗ്രാം തൊണ്ടി കഞ്ചാവ് പകുതിയോളം ശോഷണം നടന്ന സംഭവം എലി കരണ്ടതായി പ്രോസിക്യൂഷന് കോടതിയില് ബോധിപ്പിച്ച കേസില് അന്വേഷണ ഉദ്യോഗസ്ഥനടക്കം 6 സാക്ഷികള് ഹാജരാകാന് കോടതി ഉത്തരവിട്ടു.
സാക്ഷികള് 19 ന് ഹാജരാകാന് തിരുവനന്തപുരം മൂന്നാം ജുഡീഷ്യല് ഫസ്റ്റ് ക്ലാസ് മജിസ്ട്രേട്ട് അഭിനിമോള് രാജേന്ദ്രനാണ് ഉത്തരവിട്ടത്. സാക്ഷികളെ ഹാജരാക്കാന് കന്റോണ്മെന്റ് പോലീസ് സര്ക്കിള് ഇന്സ്പെക്ടര്ക്ക് നിര്ദ്ദേശം നല്കി. 3 സാക്ഷികളെ ഇതിനോടകം വിസ്തരിച്ചു.
2016 ല് സാബു എന്ന പെറുക്കി സാബു എന്നയാളെ അറസ്റ്റ് ചെയ്ത കേസിലെ തൊണ്ടിമുതലാണ് കുറവു വന്നത്. സ്കൂള് വിദ്യാര്ഥികള്ക്ക് കഞ്ചാവ് വില്പ്പന നടത്തുന്നതിനിടെ സാബുവിനെ കന്റോണ്മെന്റ് പോലിസ് പിടികൂടിയിരുന്നു.
കേസിന്റെ വിചാരണ നടപടികള്ക്കായി തൊണ്ടി മുതല് തൊണ്ടി റൂമില് നിന്ന് പുറത്തെടുത്തപ്പോളാണ് ഇതില് പകുതി ഭാഗം കാണാനില്ലെന്ന് കണ്ടെത്തിയത്. എലി കരണ്ടതാകാമെന്ന് പ്രോസിക്യൂഷന് വിചാരണ കോടതിയെ അറിയിക്കുകയായിരുന്നു.
https://www.facebook.com/Malayalivartha
