ഉപരാഷ്ട്രപതി ജഗ്ദീപ് ധന്‍ഖര്‍ ഞായറാഴ്ച കേരളത്തിലെത്തുകയാണ് .അതിനെന്താ ഇത്ര അതിശയം അല്ലേ ? കേന്ദ്രമന്ത്രിമാരായാൽ കേരളത്തിലേക്ക് വരും, പോകും അതൊക്കെ സാധാരണമല്ലേ ? എന്നാലേ ഒരു ഉപരാഷ്ട്രപതിയുടെ ഈ സന്ദർശനം വളരെ ശ്രദ്ധേയമാകുന്നുണ്ട്. എങ്ങനെ എന്നല്ലേ? ആ സന്ദർശനവും, നമ്മുടെ മുഖ്യമന്ത്രി ഉപരാഷ്ട്രപതിയെ സന്ദർശിച്ചപ്പോൾ പറഞ്ഞ കാര്യങ്ങളും ചേർത്ത് വായിക്കേണ്ടതായിട്ടുണ്ട്.

കഴിഞ്ഞ മാസം നമ്മുടെ മുഖ്യമന്ത്രി പിണറായി വിജയൻ ഉപരാഷ്ട്രപതിയെ സന്ദർശിച്ചിരുന്നു. ഉപരാഷ്ട്രപതി ജഗ്ദീപ് ധൻകറിനെ ഡൽഹി 6 മൗലാന ആസാദ് റോഡിലുള്ള അദ്ദേഹത്തിന്റെ ഔദ്യോഗിക വസതിയിൽ ചെന്നായിരുന്നു സന്ദർശിച്ചത്. കേരളത്തിന്റെയും രാജ്യത്തിന്റെയും വികസനം കൂടിക്കാഴ്ചയിൽ ചർച്ച ചെയ്തിരുന്നു .

കേരളത്തിന്റെ ഉയർന്ന സാമൂഹിക വികസന സൂചികയെ ഉപരാഷ്ട്രപതി പ്രശംസിച്ചിരുന്നു. ഇത് പ്രശംസനീയമായ നേട്ടമാണെന്ന് അദ്ദേഹം പറഞ്ഞിരുന്നു . ഉപരാഷ്ട്രപതിയെ കേരളം സന്ദർശിക്കുന്നതിന് മുഖ്യമന്ത്രി ക്ഷണിച്ചിരുന്നു .

സൈനിക സ്കൂളിലെ പഠന കാലത്തെ മലയാളിയായ പ്രിൻസിപ്പളും അദ്ധ്യാപകരും കേരളത്തിൽ നിന്നാണെന്നും താമസിയാതെ കേരളം സന്ദർശിക്കുമെന്നും അദ്ദേഹം അന്ന് പറഞ്ഞിരുന്നു. ഉപരാഷ്ടപതിയെ പൊന്നാട അണിയിച്ച മുഖ്യമന്ത്രി തെയ്യത്തിന്റെ ഒറ്റത്തടി ശില്പവും അന്ന് സമ്മാനമായി നൽകിയിരുന്നു . ഇരുവരും ഒരുമിച്ച് ആഹാരം കഴിക്കുകയും ചെയ്തു.

ഉപരാഷ്ട്രപതിയായി ചുമതലയേറ്റ ശേഷം മുഖ്യമന്ത്രിയുടെ ആദ്യത്തെ സന്ദർശനമായിരുന്നു . ചീഫ് സെക്രട്ടറി ഡോ. വി.പി. ജോയ്, കേരള ഹൗസ് റസിഡന്റ് കമ്മീഷണർ സൗരഭ് ജെയിൻ എന്നിവരും ഒപ്പമുണ്ടായിരുന്നു. എന്തായാലും നിർണായകമായ സന്ദർശനം തന്നെയാണ് മുഖ്യമന്ത്രി പിണറായി വിജയൻ നടത്തിയത്. എന്തായാലും കേരളം സന്ദർശിക്കാൻ അദ്ദേഹം എത്തുകയാണ്.