അന്യ സംസ്ഥാന തൊഴിലാളികള്ക്കുള്ള ആവാസ് ഇന്ഷ്വറന്സ് പരിരക്ഷ കിടത്തി ചികിത്സയുള്ള എല്ലാ സര്ക്കാര് ആശുപത്രികളിലും ലഭ്യമാകും
അന്യ സംസ്ഥാന തൊഴിലാളികള്ക്കുള്ള ആവാസ് ഇന്ഷ്വറന്സ് പരിരക്ഷ കിടത്തി ചികിത്സയുള്ള എല്ലാ സര്ക്കാര് ആശുപത്രികളിലും ലഭ്യമാകുമെന്ന് മന്ത്രി വി.ശിവന്കുട്ടി. ഇതുവരെ 64 ആശുപത്രികളില് മാത്രമായിരുന്നു പദ്ധതി പ്രകാരമുള്ള 25,000 രൂപയുടെ സൗജന്യ ചികിത്സ.
ഇനി 125 ആശുപത്രികളില് ലഭ്യമാവുകയും ചെയ്യും. അന്യസംസ്ഥാന തൊഴിലാളികള്ക്കുള്ള വിവിധ വകുപ്പുകള് ക്ഷേമപ്രവര്ത്തനങ്ങള് ഒരു കുടക്കീഴിലാക്കാന് കോംപ്രിഹെന്സീവ് മാനേജ്മെന്റ് സിസ്റ്റം ഫോര് ഗസ്റ്റ് വര്ക്കേഴ്സ് എന്ന പ്രത്യേക പ്ലാറ്റ് ഫോം ഒരുക്കുമെന്നും മന്ത്രി .
പദ്ധതി രൂപരേഖ ലേബര് സെക്രട്ടറി അജിത് കുമാറിന് നല്കി മന്ത്രി പ്രകാശനം ചെയ്തു. ലയം ഹാളില് നടന്ന ചടങ്ങില് ആശുപത്രികള്ക്കുള്ള അനുമതി രേഖ ആരോഗ്യവകുപ്പ് അഡീഷണല് ഡയറക്ടര് ഡോ. നന്ദകുമാര് സ്വീകരിച്ചു.
ലേബര് കമ്മിഷണറും ചിയാക് പ്രസിഡന്റുമായ ഡോ. കെ. വാസുകി, ചിയാക് എക്സിക്യുട്ടീവ് ഡയറക്ടറും അഡീ. ലേബര് കമ്മിഷണറുമായ കെ. ശ്രീലാല്, അഡീ. ലേബര് കമ്മിഷണര് കെ.എം സുനില്, അഡ്മിനിസ്ട്രേഷന് മാനേജര് ബിജോയ് ജെ.ടി തുടങ്ങിയവര് പങ്കെടുക്കുകയും ചെയ്തു.
" f
https://www.facebook.com/Malayalivartha
