കാട്ടാക്കട ക്രിസ്ത്യന് കോളജിലെ യൂണിവേഴ്സിറ്റി യൂണിയന് കൗണ്സിലര് തെരഞ്ഞെടുപ്പ് ആള്മാറാട്ട കേസ്... ഒന്നാം പ്രതി പ്രിന്സിപ്പല് ജി.ജെ. ഷൈജുവിന്റെ അറസ്റ്റ് ജൂണ് 9 വരെ വിലക്കി ഇടക്കാല ഉത്തരവ്, കേസ് ഡയറി ഫയല് ഹാജരാക്കാനും ജില്ലാ കോടതി ഉത്തരവ് , മുന്കൂര് ജാമ്യഹര്ജിയില് 9 ന് വിശദവാദം കേള്ക്കും
കാട്ടാക്കട ക്രിസ്ത്യന് കോളജില് നടന്ന യൂണിവേഴ്സിറ്റി യൂണിയന് കൗണ്സിലര് (യു.യു.സി) തെരഞ്ഞെടുപ്പ് ആള്മാറാട്ട കേസില് ഒന്നാം പ്രതി കോളേജ് പ്രിന്സിപ്പല് ജി.ജെ. ഷൈജുവിന്റെ അറസ്റ്റ് ജൂണ് 9 വരെ വിലക്കി ഇടക്കാല ഉത്തരവ് പുറപ്പെടുവിച്ചു.
കേസ് ഡയറി ഫയല് 9 ന് ഹാജരാക്കാനും ജില്ലാ കോടതി ഉത്തരവിട്ടു. തിരുവനന്തപുരം ഏഴാം അഡീ. ജില്ലാ സെഷന്സ് ജഡ്ജി പ്രസുന് മോഹനാണ് ഹര്ജി പരിഗണിക്കുന്നത്. മുന്കൂര് ജാമ്യഹര്ജിയില് 9 ന് വിശദവാദം കേള്ക്കും. പ്രിന്സിപ്പല് സമര്പ്പിച്ച മുന്കൂര് ജാമ്യഹര്ജി പരിഗണിക്കവേയാണ് ഇടക്കാല ഉത്തരവ് പുറപ്പെടുവിച്ചത്.
യു.യു.സി ( യൂണിവേഴ്സിറ്റി യൂണിയന് കൗണ്സിലര്) തെരഞ്ഞെടുപ്പില് യഥാര്ത്ഥത്തില് വിജയിച്ച എ.എസ്. അനഘക്ക് പകരം വ്യാജരേഖ ചമച്ച് ആള്മാറാട്ടം നടത്തി വിശാഖിന്റെ പേര് യൂണിവേഴ്സിറ്റി രജിസ്ട്രാര്ക്ക് പ്രിന്സിപ്പാള് നല്കിയെന്നാണ് കേസ്. 2022 ഡിസംബര് 22 ന് കോളേജില് നടന്ന തെരഞ്ഞെടുപ്പില് എസ് എഫ് ഐ പാനലിലെ എ.എസ്. അനഘയും ആരോമലുമാണ് വിജയിച്ചത്.
എന്നാല് യൂണിവേഴ്സിറ്റിക്കയച്ച പട്ടികയില് അനഘയെ വെട്ടി മത്സരിക്കാത്ത രണ്ടാം പ്രതി എസ്.എഫ്.ഐ ഏരിയ സെക്രട്ടറി എ. വിശാഖിന്റ പേര് വ്യാജരേഖ ചമച്ച് ആള്മാറാട്ടം നടത്തി തിരുകിക്കയറ്റി സര്വകലാശാലയെയും യഥാര്ത്ഥത്തില് ജയിച്ച അനഘയെയും വഞ്ചിച്ചുവെന്നുമാണ് കേസ്. ഒന്നാം പ്രതിയുടെ മുന്കൂര് ജാമ്യഹര്ജിയില് ജൂണ് 3 നകം പോലീസ് റിപ്പോര്ട്ട് ഹാജരാക്കാന് കൂട്ടാക്കട സിഐയോട് കോടതി ഉത്തരവിട്ടിരുന്നു.
ആള്മാറാട്ട കേസില് കോളജ് പ്രിന്സിപ്പല് ജി.ജെ. ഷൈജുവിനെ ഒന്നാം പ്രതിയാക്കിയും എസ്.എഫ്.ഐ നേതാവ് എ. വിശാഖിനെ രണ്ടാം പ്രതിയാക്കിയും പൊലീസ് കേസെടുത്തിട്ടുണ്ട്. കേരള സര്വകലാശാല റജിസ്ട്രാര് നല്കിയ പരാതിയില് വഞ്ചന, വ്യാജരേഖ ചമയ്ക്കല്, ആള്മാറാട്ടം തുടങ്ങിയ വകുപ്പുകള് ചുമത്തിയാണ് പൊലീസ് കേസെടുത്തത്. സംഭവത്തെ തുടര്ന്ന് ജി.ജെ ഷൈജുവിനെ പ്രിന്സിപ്പല് പദവിയില് നിന്ന് സര്വകലാശാല പുറത്താക്കിയിരുന്നു.
കാട്ടാക്കട ക്രിസ്ത്യന് കോളജ് യൂണിയന് തെരഞ്ഞെടുപ്പില് ജയിച്ചയാളെ വെട്ടി എസ്.എഫ്.ഐ നേതാവിനെ തിരുകികയറ്റിയെന്നായിരുന്നു ആക്ഷേപം. കോളജ് അധികൃതര് യൂണിവേഴ്സിറ്റിക്ക് നല്കിയ ലിസ്റ്റിലാണ് തെരഞ്ഞെടുപ്പില് വിജയിച്ച എ.എസ്. അനഘക്ക് പകരം എസ്.എഫ്.ഐ ഏരിയ സെക്രട്ടറി എ. വിശാഖിന്റ പേര് നല്കിയത്.
എസ്.എഫ്.ഐ പാനലിലെ അനഘയാണ് യൂണിയന് തെരഞ്ഞെടുപ്പില് യു.യു.സിയായി ജയിച്ചത്. എന്നാല് എസ്.എഫ്.ഐ ഏരിയ സെക്രട്ടറി എ.വിശാഖിന്റെ പേരാണ് കോളജ് യൂണിവേഴ്സിറ്റിയിലേക്ക് നല്കിയത്. ഇതേ കോളജിലെ ഒന്നാം വര്ഷ ബി.എസ്.സി വിദ്യാര്ഥിയാണ് എ. വിശാഖ്.
യു.യു.സിയായി അനഘക്ക് തുടരാന് താത്പര്യമില്ലാത്തതിനാലാണ് വിശാഖിന്റെ പേര് നല്കിയതെന്നാണ് കോളജ് അധികൃതരുടെ വിശദീകരണം. എന്നാല് അനഘ രാജി സമര്പ്പിച്ചിട്ടില്ല. വിശാഖിനെ കേരള യൂണിവേഴ്സിറ്റി ചെയര്മാനാക്കാനാണ് ആള്മാറാട്ടം നടത്തിയതെന്നാണ് കെ.എസ്.യു ആരോപിക്കുന്നത്. സംഭവത്തില് കെ.എസ്.യു ഡി.ജി.പിക്ക് പരാതി നല്കിയിയിരുന്നു.
യൂണിയന് തെരഞ്ഞെടുപ്പുമായി ബന്ധപ്പെട്ട ആള്മാറാട്ട കേസില് കാട്ടാക്കട ക്രിസ്ത്യന് കോളജില് മെയ് 25 ന് പൊലീസ് പരിശോധന നടത്തി. കാട്ടാക്കട എസ്.ഐ ശ്രീനാഥിന്റെ നേതൃത്വത്തിലുള്ള പൊലീസ് സംഘമാണ് കോളജില് പരിശോധന നടത്തിയത്.
യൂണിയന് തെരഞ്ഞെടുപ്പുമായി ബന്ധപ്പെട്ട രേഖകളാണ് പ്രധാനമായും പരിശോധനിച്ചത്. യൂണിയന് തെരഞ്ഞെടുപ്പ് ഫലം, വിജയിച്ച വനിതാ പ്രതിനിധി രാജിവെച്ചോ, എസ്.എഫ്.ഐ നേതാവ് വൈശാഖിന്റെ പേര് പട്ടികയില് ഉള്പ്പെട്ടത് എങ്ങനെ തുടങ്ങിയവയുടെ രേഖകളാണ് പരിശോധിച്ചത്. രേഖകളുടെ പരിശോധന പൂര്ത്തിയാക്കിയ ശേഷം മൊഴിയെടുക്കല് അടക്കമുള്ള തുടര്നടപടി സ്വീകരിക്കാനാണ് പൊലീസ് തീരുമാനം.
കാട്ടാക്കട ക്രിസ്ത്യന് കോളജ് തെരഞ്ഞെടുപ്പ് വിവാദത്തെ തുടര്ന്ന് ജൂണ് മാസം 26 ന് നടക്കേണ്ട കേരള യൂനിവേഴ്സിറ്റി തെരഞ്ഞെടുപ്പ് മാറ്റിവെച്ചിരുന്നു.
https://www.facebook.com/Malayalivartha
