ഇന്നലെ രാത്രി വരെ ആൾക്കാരെ ചിരിപ്പിച്ച ആ വ്യക്തി ഇന്ന് നമുക്കൊപ്പം ഇല്ല വിശ്വസിക്കാനും ഉൾക്കൊള്ളാനും ആകുന്നില്ല ഈ ദുഃഖ വാർത്ത. നടനും കോമഡി താരവുമായ കൊല്ലം സുധി വാഹനാപകടത്തിൽ മരിച്ച ദുഃഖം സഹിക്കാനാകുന്നില്ല പലർക്കും. ഇപ്പോൾ ഇതാ നിർണായകമായ വിവരങ്ങളാണ് പുറത്ത് വരുന്നത്. അതായത് അദ്ദേഹം അപകടത്തിൽ മരിച്ച അതേ സ്ഥലത്ത് ഒരാഴ്ച്ച മുമ്പ് ഒരു അപകടം സംഭവിച്ചിരുന്നു.

ഇതേ സ്ഥലത്ത് നിർത്തിയിട്ട ലോറിക്ക് പിറകിൽ ടാങ്കർ ലോറിയിടിച്ച് ഡ്രൈവർ മരിച്ചിരുന്നു. അതേസ്ഥലത്ത് തന്നെയാണ് ഇപ്പോൾ അപകടമുണ്ടായിരിക്കുന്നതും നമ്മുടെ അതുല്യ കലാകാരന് ജീവൻ നഷ്ടമായിരിക്കുന്നതും. അപകട സമയത്ത് മുന്നിലെ സീറ്റിലാണ് കൊല്ലം സുധി ഇരുന്നത്. ഉല്ലാസ് അരൂരാണ് വാഹനം ഓടിച്ചിരുന്നത്. അപകടത്തില്‍ പരിക്കേറ്റ ബിനു അടിമാലി, മഹേഷ് എന്നിവരെ എറണാകുളത്തെ സ്വകാര്യ ആശുപത്രിയിലേക്ക് മാറ്റി. സിനിമാതാരവും മിമിക്രി ആര്‍ട്ടിസ്റ്റുമായ കൊല്ലം സുധിയുടെ മരണത്തില്‍ മുഖ്യമന്ത്രി പിണറായി വിജയന്‍ അനുശോചിച്ചു

അതേസമയം തൃശൂർ കയ്പമംഗലത്ത് വച്ചാണ് അപകടം നടന്നത്. ഇന്ന് പുലർച്ചെ നാലരയോടെ കയ്പമംഗലം പനമ്പിക്കുന്നിലായിരുന്നു അപകടം സംഭവിച്ചത് . വടകരയിൽ നിന്നും പ്രോഗ്രാം കഴിഞ്ഞ് മടങ്ങുകയായിരുന്നു ഇവർ, സംഘം സഞ്ചരിച്ചിരുന്ന കാർ എതിരെ വന്ന പിക്കപ്പുമായി കൂട്ടിയിടിച്ചാണ് അപകടമുണ്ടായത് . ബിനു അടിമാലി, ഉല്ലാസ് അരൂർ, മഹേഷ് എന്നിവർക്കും പരിക്കേറ്റു . ഗുരുതരമായി പരിക്കേറ്റ കൊല്ലം സുധിയെ കൊടുങ്ങല്ലൂർ എ ആർ ആശുപത്രിയിൽ എത്തിച്ചു ജീവൻ രക്ഷിക്കാൻ സാധിച്ചില്ല .