കരുവന്നൂര് സഹകരണ ബാങ്ക് തട്ടിപ്പുകേസില് ചോദ്യം ചെയ്യലിന് ഹാജരാകാന് ആവശ്യപ്പെട്ട് മുന് മന്ത്രിയും സിപിഎം നേതാവുമായ എ സി മൊയ്തീന് വീണ്ടും ഇഡി നോട്ടീസ്
കരുവന്നൂര് സഹകരണ ബാങ്ക് തട്ടിപ്പുകേസില് ചോദ്യം ചെയ്യലിന് ഹാജരാകാന് ആവശ്യപ്പെട്ട് മുന് മന്ത്രിയും സിപിഎം നേതാവുമായ എ സി മൊയ്തീന് വീണ്ടും ഇഡി നോട്ടീസ് നല്കി.
11ന് കൊച്ചി ഓഫീസില് ഹാജരാകണമെന്ന് കാട്ടിയാണ് എന്ഫോഴ്സ്മെന്റ് ഡയറക്ടറേറ്റ് നോട്ടീസ് നല്കിയത്. മൊയ്തീന് മൂന്നാംതവണയാണ് ഇഡി നോട്ടീസ് നല്കുന്നത്.
നേരത്തെ ചോദ്യം ചെയ്യലിന് ഹാജരാകാന് ആവശ്യപ്പെട്ട് രണ്ടു തവണ നോട്ടീസ് നല്കിയപ്പോഴും മൊയ്തീന് ഹാജരായിട്ടുണ്ടായിരുന്നില്ല.ഇഡി കൊച്ചി ഓഫിസില് ചോദ്യം ചെയ്യലിനു ഹാജരാകാനായി ആവശ്യപ്പെട്ട് കഴിഞ്ഞ മാസം 31നും ഈ മാസം നാലിനും നോട്ടീസ് നല്കിയപ്പോഴാണ് അസൗകര്യം അറിയിച്ച് മൊയ്തീന് ഹാജരാകാതിരുന്നത്.
ഇഡി ആവശ്യപ്പെട്ട ആദായനികുതി രേഖകള് ഹാജരാക്കാനായി കൂടുതല് സാവകാശം വേണമെന്നാണ് മൊയ്തീന് ആവശ്യപ്പെട്ടിരുന്നത്.
അതിനിടെ കരുവന്നൂര് സഹകരണ ബാങ്ക് തട്ടിപ്പുകേസില് രണ്ടുപേരെ ഇഡി ഇന്നലെ അറസ്റ്റു ചെയ്തു.
https://www.facebook.com/Malayalivartha
