ജി 20 ഉച്ചകോടി ഈ മാസം 9 മുതൽ 10 വരെ പ്രഗതി മൈതാനത്തെ ഭാരത് മണ്ഡപം അന്താരാഷ്ട്ര കൺവെൻഷൻ ആൻഡ് എക്‌സിബിഷൻ സെന്ററിൽ നടക്കാനൊരുങ്ങുകയാണ്.അമേരിക്ക, ചൈന, റഷ്യ, ജപ്പാൻ തുടങ്ങി 20 രാജ്യങ്ങളിൽ നിന്നുള്ള നേതാക്കളാണ് ഉച്ചകോടിയിൽ പങ്കെടുക്കുന്നത്. ലോകനേതാക്കളെത്തുന്ന സമ്മേളനത്തിന്റെ സുരക്ഷയുടെ ഭാഗമായി എല്ലാ ഓൺലൈൻ ഡെലിവറി, വാണിജ്യ സേവനങ്ങളും താൽക്കാലികമായി നിർത്തിവയ്ക്കുന്നത് ഉൾപ്പെടെ നിരവധി നിയന്ത്രണങ്ങളാണ് ഡൽഹിയിൽ ഏർപ്പെടുത്തിയിരിക്കുന്നത്.ഡൽഹിയിൽ പൊതു അവധിയായി പ്രഖ്യാപിച്ചതിനു പുറമെ ജീവനക്കാർക്കും തൊഴിലാളികൾക്കും ശമ്പളത്തോടുകൂടിയ അവധി നൽകാൻ കടകളുടെയും മറ്റ് വ്യാപാര, വാണിജ്യ സ്ഥാപനങ്ങളുടെയും ഉടമകളോടും സർക്കാർ ആവശ്യപ്പെട്ടിട്ടുണ്ട്. എല്ലാ ക്ലൗഡ് കിച്ചണുകളും, വാണിജ്യ സ്ഥാപനങ്ങളും, മാർക്കറ്റുകൾ, ഫുഡ് ഡെലിവറി, കൊമേഴ്സ്യൽ ഡെലിവറി സേവനങ്ങൾ എന്നിവ മൂന്ന് ദിവസത്തേക്ക് അടച്ചിടുമെന്ന് പിടിഐ റിപ്പോർട്ട് ചെയ്തു.

മരുന്നുകളും അവശ്യവസ്തുക്കളും ഡെലിവറി ചെയ്യാനാകുമെന്നും സ്പെഷ്യൽ പൊലീസ് കമ്മീഷണർ (ട്രാഫിക്) എസ്എസ് യാദവ് പത്രസമ്മേളനത്തിൽ പറഞ്ഞു. ഹൗസ് കീപ്പിങ്, കാറ്ററിങ്, മാലിന്യ സംഭരണം മുതലായവയിൽ ഏർപ്പെട്ടിരിക്കുന്ന ന്യൂഡൽഹി ജില്ലയിലെ ഹോട്ടലുകൾ, ആശുപത്രികൾ, മറ്റ് പ്രധാന സ്ഥാപനങ്ങൾ എന്നിവയ്ക്കുള്ള വാഹനങ്ങൾ പരിശോധിച്ചുറപ്പിച്ചതിന് ശേഷം അനുവദിക്കും.ജി20 സമ്മേളത്തിന് ഒരുങ്ങിയ ഡൽഹിയുടെ സുരക്ഷയ്ക്കായി അണിനിരക്കുന്നത് 1,30,000 സുരക്ഷാ ഭടന്മാർ. 80,000 ഡൽഹി പൊലീസ് സേനാംഗങ്ങൾ ഉൾപ്പെടെയാണിത്. വ്യോമ പ്രതിരോധത്തിനുള്ള എല്ലാ സംവിധാനങ്ങളും വിന്യസിച്ച് കഴിഞ്ഞതായി വ്യോമസേന വക്താവ് അറിയിച്ചു. വ്യോമസേന, കരസേന, അർധസൈനിക വിഭാഗങ്ങൾ, ഡൽഹി പൊലീസ് എന്നിവരുടെ കർശന നിരീക്ഷണത്തിലാണ് നഗരം. ആന്റി ഡ്രോൺ സംവിധാനങ്ങൾ ഉൾപ്പെടെ തയാറായിക്കഴിഞ്ഞു. 400 അഗ്നിശമന സേനാംഗങ്ങളും ഏതു സാഹചര്യത്തെയും നേരിടാൻ തയാറായിരിക്കുന്നു.ജി-20 ഉച്ചകോടിയുടെ പശ്ചാത്തലത്തിൽ ഡൽഹിയിൽ നിന്ന് പുറപ്പെടുന്നതും അങ്ങോട്ടെത്തുന്നതുമായ 200-ൽ കൂടുതൽ ട്രെയിനുകൾ താത്കാലികമായി റ​ദ്ദാക്കി റെയിൽവേ.

സുരക്ഷാകാരണങ്ങളെ മുൻനിർത്തിയാണ് റദ്ദാക്കൽ. 70 പാസഞ്ചർ ട്രെയിനുകൾക്ക് കൂടുതൽ സ്റ്റോപ്പുകൾ അനുവദിച്ചിട്ടുണ്ട്. ആറു പാസ‍ഞ്ചർ ട്രെയിനുകൾ വഴി തിരിച്ചുവിടും. സെപ്തംബർ ഒന്‍പത് മുതൽ 11 വരെയാണ് നിയന്ത്രണം ഏർപ്പെടുത്തിയിട്ടുള്ളത്.ജി-20 ​ഉ​ച്ച​കോ​ടി​ക്കെ​ത്തു​ന്ന അ​മേ​രി​ക്ക​ൻ പ്ര​സി​ഡ​ന്റ് ജോ ​ബൈ​ഡ​ൻ ഉ​ൾ​പ്പെ​ടെ ലോ​ക നേ​താ​ക്ക​ളെ കാ​ത്തി​രി​ക്കു​ന്ന​ത് ഡ​ൽ​ഹി ചാ​ന്ദ്നി​ചൗ​ക്കി​ലെ ഭ​ക്ഷ​ണ​ശാ​ല​ക​ളി​ൽ​നി​ന്നു​ള്ള കൊ​തി​യൂ​റും ഇ​ന്ത്യ​ൻ വി​ഭ​വ​ങ്ങ​ൾ. ചെ​റു​ധാ​ന്യ​ങ്ങ​ൾ ഉ​പ​യോ​ഗി​ച്ച് ത​യാ​റാ​ക്കു​ന്ന നൂ​ത​ന വി​ഭ​വ​ങ്ങ​ളും പ​ട്ടി​ക​യി​ലു​ണ്ട്. സെ​പ്റ്റം​ബ​ർ ഒ​മ്പ​ത്, 10 തീ​യ​തി​ക​ളി​ൽ ഡ​ൽ​ഹി ഭാ​ര​ത് മ​ണ്ഡ​പ​ത്തി​ലാ​ണ് ഉ​ച്ച​കോ​ടി.ഉ​ച്ച​കോ​ടി​യു​ടെ ഒ​രു​ക്ക​ങ്ങ​ൾ ഡ​ൽ​ഹി​യി​ൽ അ​തി​വേ​ഗം പു​രോ​ഗ​മി​ക്കു​ക​യാ​ണ്.ഉ​ച്ച​കോ​ടി​യു​ടെ ഓ​ർ​മ​ക്കാ​യി ഭാ​ര​ത് മ​ണ്ഡ​പ​ത്തി​ന് മു​ന്നി​ൽ ഒ​രു​ക്കു​ന്ന ജി-20 ​ഉ​ദ്യാ​ന​ത്തി​ൽ ലോ​ക​നേ​താ​ക്ക​ൾ അ​വ​ര​വ​രു​ടെ രാ​ജ്യ​ത്തി​ന്റെ ദേ​ശീ​യ വൃ​ക്ഷ​​ത്തൈ​ക​ൾ ന​ടും. നേ​താ​ക്ക​ളു​ടെ പ​ങ്കാ​ളി​ക​ൾ​ക്ക് ജ​യ്പൂ​ർ ഹൗ​സി​ൽ ഉ​ച്ച​ഭ​ക്ഷ​ണ​മൊ​രു​ക്കും. നാ​ഷ​ന​ൽ ഗാ​ല​റി ഓ​ഫ് മോ​ഡേ​ൺ ആ​ർ​ട്ടി​ൽ ക​ര​കൗ​ശ​ല വ​സ്തു​ക്ക​ളു​ടെ പ്ര​ദ​ർ​ശ​നം ന​ട​ക്കും.

.സെ​ൻ​ട്ര​ൽ ഡ​ൽ​ഹി, ഏ​റോ​സി​റ്റി, ഗു​രു​ഗ്രാം എ​ന്നി​വി​ട​ങ്ങ​ളി​ലെ ഹോ​ട്ട​ലു​ക​ളി​ലാ​ണ് വി.​വി.​ഐ.​പി​ക​ൾ​ക്ക് താ​മ​സ​സൗ​ക​ര്യം ഒ​രു​ക്കി​യി​രി​ക്കു​ന്ന​ത്. വി​വി​ധ രാ​ജ്യ​ങ്ങ​ളി​ലെ സു​ര​ക്ഷ ഏ​ജ​ൻ​സി​ക​ളു​മാ​യി ചേ​ർ​ന്ന് ഡ​ൽ​ഹി പൊ​ലീ​സ് ന​ഗ​ര​ത്തി​ൽ സു​ര​ക്ഷ ശ​ക്ത​മാ​ക്കി​യി​ട്ടു​ണ്ട്. ​അ​മേ​രി​ക്ക​ൻ പ്ര​സി​ഡ​ന്റി​ന് പു​റ​മെ ഫ്ര​ഞ്ച് പ്ര​സി​ഡ​ന്റ് ഇ​മ്മാ​നു​വ​ൽ മാ​ക്രോ​ൺ, ആ​സ്ട്രേ​ലി​യ​ൻ പ്ര​ധാ​ന​മ​ന്ത്രി ആ​ന്റ​ണി ആ​ൽ​ബാ​നി​സ്, ജ​ർ​മ​ൻ ചാ​ൻ​സ​ല​ർ ഒ​ലാ​ഫ് ഷോ​ൾ​സ്, ബ്രി​ട്ടീ​ഷ് പ്ര​ധാ​ന​മ​ന്ത്രി റി​ഷി സു​ന​ക്, ജാ​പ്പ​നീ​സ് പ്ര​ധാ​ന​മ​ന്ത്രി ഫു​മി​യോ കി​ഷി​ദ, ക​നേ​ഡി​യ​ൻ പ്ര​ധാ​ന​മ​​ന്ത്രി ജ​സ്റ്റി​ൻ ട്രൂ​ഡോ, ഇ​ന്തോ​നേ​ഷ്യ​ൻ പ്ര​സി​ഡ​ന്റ് ജോ​കോ വി​ദോ​ദോ, സൗ​ദി കി​രീ​ടാ​വ​കാ​ശി മു​ഹ​മ്മ​ദ് ബി​ൻ സ​ൽ​മാ​ൻ, ബ്ര​സീ​ൽ പ്ര​സി​ഡ​ന്റ് ലു​ലാ ഡാ ​സി​ൽ​വ തു​ട​ങ്ങി​യ​വ​ർ ഉ​ച്ച​കോ​ടി​ക്കെ​ത്തും.