കോട്ടയം ജില്ലയുടെ മലയോരമേഖലയായ തീക്കോയി പഞ്ചായത്തിന്റെ പരിധിയിൽ ഇഞ്ചിപ്പാറ, ആനി പ്ലാവ് എന്നീ സ്ഥലങ്ങളിൽ കഴിഞ്ഞ ദിവസം ഉണ്ടായ ഉരുൾപൊട്ടലിനെ തുടർന്ന് മണ്ണിടിച്ചിലും ശക്തമായ മഴവെള്ളപ്പാച്ചിലും ഉണ്ടായി.

ആളപായം ഉണ്ടായിട്ടില്ല. നിലവിൽ വെള്ളികുളം സ്കൂളിൽ ക്യാമ്പ് പ്രവർത്തിക്കുന്നില്ല എന്ന് മീനച്ചിൽ താലൂക്കിൽ നിന്നും അറിയിച്ചിട്ടുണ്ട്. നിലവിൽ ഉണ്ടായിരുന്ന ഗതാഗത തടസ്സം മാറ്റിയതായി ഈരാറ്റുപേട്ട ഫയർഫോഴ്സ് അറിയിച്ചിട്ടുണ്ട്. ജില്ലയുടെ മറ്റ് താലൂക്കുകളായ കോട്ടയം, ചങ്ങനാശ്ശേരി, വൈക്കം താലൂക്കുകളിൽ നെരിയ തോതിൽ മഴ റിപ്പോർട്ട് ചെയ്തിട്ടുണ്ട്. ജില്ലാ കളക്ടർ വി. വിഗ്‌നേശ്വരി, തഹസിൽദാർ, റവന്യൂ, ആരോഗ്യ വകുപ്പ്, പൊലീസ്, ഫയർ ഫോഴ്സ് ഉദ്യോഗസ്ഥർ എന്നിവർ സ്ഥലത്തുണ്ടായിരുന്നു.

കനത്ത മഴയെത്തുടർന്ന് മണ്ണിടിച്ചിൽ ഉണ്ടായതിനാൽ ഈരാറ്റുപേട്ട- വാഗമൺ റൂട്ടിൽ വാഹന ഗതാഗതം നിരോധിച്ചതായി ജില്ലാ കളക്ടർ വി. വിഗ്‌നേശ്വരി തന്നെയാണ് ഇന്നലെ അറിയിച്ചത് . മഴ തുടരുന്ന സാഹചര്യത്തിൽ മലയോര മേഖലയിലേക്കുള്ള യാത്രകൾ ഒഴിവാക്കണമെന്നും കളക്ടർ അറിയിച്ചിയിരുന്നു.

മാത്രല്ല തലനാട് വെള്ളാനിയിൽ ഉരുൾപൊട്ടലിനെ തുടർന്ന് റോഡിൽ കല്ലും മണ്ണും ചെളിയും നിറഞ്ഞതിനാൽ വാഗമൺ റോഡിൽ ഗതാഗതം തടസ്സപ്പെട്ടിരുന്നു കഴിഞ്ഞ ദിവസം. അപകടസാധ്യത കണക്കിലെടുത്ത് ഇന്നലെ , വാഗമണ്ണിലേക്കുള്ള രാത്രി യാത്രയ്ക്ക് പോലീസ് നിരോധനം ഏർപ്പെടുത്തിയിരുന്നു . 

വെള്ളിക്കുളം സ്കൂളിൽ ക്യാമ്പ് ആരംഭിച്ചു. ചാത്തപ്പുഴ എന്ന ഭാഗത്ത് വെള്ളം പൊങ്ങുന്നതായി വിവരം ലഭിച്ചിട്ടുണ്ട്. നാട്ടുകാരും ഫയർ യൂണിറ്റും ഗതാഗത തടസ്സം മാറ്റിക്കൊണ്ടിരിക്കുന്നു. കൃഷി നാശമുണ്ടാകുകയും ഗതാഗതവും തടസപ്പെട്ടു. തലനാട് വെള്ളാനിയിലാണ് ഉരുൾ പൊട്ടൽ ഉണ്ടായത്. ഒരു റബ്ബർ മിഷൻ പുര ഒഴുകി പോയി. പ്രദേശത്ത് വൻ കൃഷി നാശം. റോഡിൽ മുഴുവൻ കല്ലും മണ്ണും നിറഞ്ഞു. ഒരു റബ്ബർ മിഷൻ പുര ഒഴുകി പോയി. വെള്ളാനി പ്രദേശം ഒറ്റപെട്ടു. ഉരുൾപൊട്ടൽ ഉണ്ടായങ്കിലും പ്രദേശത്ത് ആൾ നാശം ഉണ്ടായില്ല.