അവർ സ്ത്രീ സുരക്ഷയെന്ന വെറും തള്ളൽക്കട്ടകൾ കൊണ്ട്, തുല്യനീതി എന്ന മേസനെ മുന്നിൽ നിറുത്തി കോടികൾ മുടക്കി വനിത മതിൽ കെട്ടാൻ ഒന്നും നിന്നില്ല. ആർപ്പോ ആർത്തവം എന്ന ബാനർ അടിച്ചു യോനി കവാടങ്ങൾ നിരത്തി സെൽഫി എടുക്കാനും തുനിഞ്ഞില്ല!!! തുറന്നടിച്ച് അഞ്ജു പാർവതി പ്രഭീഷ്. ഫേസ്ബുക്ക് കുറിപ്പിന്റെ പൂർണ്ണ രൂപം ഇങ്ങനെ;

അവർ സ്ത്രീ സുരക്ഷയെന്ന വെറും തള്ളൽക്കട്ടകൾ കൊണ്ട്, തുല്യനീതി എന്ന മേസനെ മുന്നിൽ നിറുത്തി കോടികൾ മുടക്കി വനിത മതിൽ കെട്ടാൻ ഒന്നും നിന്നില്ല. ആർപ്പോ ആർത്തവം എന്ന ബാനർ അടിച്ചു യോനി കവാടങ്ങൾ നിരത്തി സെൽഫി എടുക്കാനും തുനിഞ്ഞില്ല!!! പകരം ജനാധിപത്യത്തിന്റെ പുതിയ ശ്രീകോവിലിൽ നവചരിത്രമെഴുതി നാരി ശക്തി വന്ദന്‍ അധിനിയം എന്ന വനിത സംവരണ ബില്‍ ആദ്യ ബില്ലായി അവതരിപ്പിച്ചു.!! സ്ത്രീ ശക്തിയെ എങ്ങനെ ജനാധിപത്യത്തിൽ ജ്വലിക്കുന്ന അഗ്നിയായി അവതരിപ്പിക്കാം എന്ന് ചിന്തിച്ചു!!!ഇതാണ് വനിതാ ശാക്‌തീകരണം.

അല്ലെങ്കിലും, തുടക്കം മുതൽ വനിതകൾക്ക് ജനാധിപത്യം എന്ന ശ്രീകോവിലിൽ ഇത്രമേൽ പ്രാതിനിധ്യം നല്കിയ മറ്റേത് രാഷ്ട്രീയപ്പാർട്ടിയാണ് ഉള്ളത്? നരേന്ദ്രമോദിയുടെ ആദ്യ സർക്കാർ അധികാരത്തിൽ ഏറിയത് തന്നെ ആറ് വനിതാ ക്യാബിനറ്റ് മന്ത്രിമാർക്ക് സ്വാഗതം അരുളികൊണ്ടാണ്. വിദേശ കാര്യം എന്ന പ്രമുഖ വകുപ്പ് സുഷമ സ്വരാജ് എന്ന ഇന്ത്യ കണ്ട ഏറ്റവും മികച്ച സ്ത്രീ ഭരണധികാരിക്ക് നല്കിയത് അവർ വിദേശരാജ്യത്ത് ഉള്ള ഓരോ ഇന്ത്യക്കാരനെയും സ്വന്തം കണ്ണിലെ കൃഷ്ണമണി പോലെ കാക്കും എന്ന നൂറ് ശതമാനം ഉറപ്പ് ഉള്ളത് കൊണ്ടായിരുന്നു. ആ ഉറപ്പ് പിന്നീട് ആർക്കും തകർക്കാൻ പറ്റാത്ത സ്നേഹത്തിന്റെ ഉരുക്ക് കോട്ടയായി എന്നത് ചരിത്രം!!

രാജ്യത്തിന്റെ കാവലും പിന്നീട് സമ്പത്തും ഒരു സ്ത്രീക്ക് അഥവാ വളയിട്ട കൈകൾക്ക് നല്കിയ മോദി സർക്കാർ!!! നിങ്ങൾ ഇവിടെ മനുസ്മൃതിയിലെ ന സ്ത്രീ സ്വാതന്ത്ര്യമർഹതി എടുത്തിട്ട് അലക്കി പാട്രിയാർക്കി പാട്ടയും കൊട്ടി നടന്നു തെരുവുകളിൽ ചുംബന സമരം, താലിപ്പൊട്ടിക്കൽ ഇത്യാദി കലാപരിപാടികൾ അവതരിപ്പിച്ചുക്കൊണ്ട് ചേച്ചിപ്പെണ്ണുങ്ങളുടെ ചോന്ന ദിനങ്ങൾ എണ്ണി നടന്നപ്പോൾ അവർ അവിടെ ലോക് സഭയില്‍ വനിതാപ്രാതിനിധ്യം 181 ആയി ഉയർത്താൻ വേണ്ട നിയമനിർമ്മാണ പ്രക്രിയകളിലേയ്ക്ക് കടക്കുകയായിരുന്നു...!!!